شهرت‌لی داغچی،مدنیت خادیمی"کریم رستمی" ادبیات سئونلر گوزگوسونده زمان :سه شنبه:1405/8/12 یونتمن: موسی بلالی گورونتو چو: مهری شاهویردی آپاریجی: کریم قربانزاده https://t.me/Adabiyyatsevanlar

کریم احمدیان (شاهید) شَهَرین گئجه سی سکوتلا دوْلۇ اؤزۆنۆ پاسلانمیْش کوچه دن چاغیْر گیزلنمیش هاراییْن بوْغازدان باغیْر سکوتون گؤزۆندن انسانلار یاغیْر گئدیرم گئجه ده   منیمله   گلیر یاغیْش دا یواشدان اۆستۆمه الیر چیرپینیر اوره‌گیم ،کۆره‌گیم   یانیْر باشماغیْم یئرینده گؤزۆنۆ  دلیر باخیرام اۇزاغا ،اۇزاق سسله‌نیر چاغیْریْر باغیْریْر منی اؤزۆنه بیلیریم شهرین آغریْسی چوْخدۇر قالارلیْ سولاریْ سپیر کؤزۆنه منیم ده سؤزۆمۆ بیلن اوْلمادیْ آغارتدی بۆتۆنلۆک باش تۆکلریمی گئدیرم پاسلانمیش کوچه ده قالام ایتلره پای وئرم   سۆمۆکلریمی «شاهید» اوْل باخگینان گئدن یوْلۇما گئدنده یاغیشین کؤکسۆنۆ بیچدیم دئدیم کی دالیْمجا یاغ یواش ـ یواش تکلیییی اؤزۆمه  شهرده  سئچدیم         https://t.me/Adabiyyatsevanlar

تهران سارا_رئیس‌زاده (سارای) چیگنیمه چؤکموش غربتی داشیییرام یئر آلتینا یول اوزونو قادینلار یورغونلوق ساتیر کیشی‌لر بوزوشور، آسلانیر، یاتیر سونرا تهرانین آجی باغیرساقلاریندا ار‌ییب گئدیریک گئدیریک‌سه یئتیشمیریک ائوه! مین ماشین گیریب قولاغیما مین اؤزگه آدام گؤزلریمی آیاقلاییر بارماقلاریم ائو دئیه سایاقلاییر بئینیمده آنجاق تکجه آتیب-دوشور: آپارتمان آپارتمان آپارتمان ائوه یئتیشسئیدیم‌سه بو گونکو یارالاریمی سویوناردیم سئیر‌ک آزادلیغیمی سریب یاتاردیم. آسفالت اود پوسکورور هر اؤپوشونده آیاقلارا خاطیره‌لر ار‌ییر قیرخ درجه یادداشدا بوزارمیش آرزی کؤپویو ساتیرلار هر آددیم باشی دوغرودورمو تهران گاه دامارین کسیر کسیشمه‌لرده؟ بو اوزون قارا تنگه‌لردن بیر قاپی دیله‌مک نه آدلانیر بو شهرده؟ کولک دیلکی یارپاقلاریندا هیس باسمیش آغاجلار دا سو دیلیندن آنلامیرلار سلام جوابلامیرلار زیبیل قابیلاری ال بسله‌ین شهر! ائوه وارمالییام! ائوه https://t.me/Adabiyyatsevanlar