Ұлым мектепке баратын уақытта Нарутоның қазақша дыбыстамасы шықса екен...

Аталған кітапта мешітті бухурді түтіні арқылы жақсы иіске бөлеу, әтір себудің ұнамды амал екені айтылған.

Шейх Халил Ахмад ас-Саһаранфуридің (рахимаһуллаһ) "Сунан Әби Дауд" хадис жинағына жазған "Бәзл әл-мәжһуд" шархын оқып отырып, мешіт құрылысына қатысты тақырыпқа тап болдым. Шейхтің мешіт безендіру мәселесіне қатысты тоқталып, ғұлама Әш-Шауканидің (рахимаһуллаһ) мешіттің әсемдеу, безендіру дұрыс емес деген пікіріне өзінің қарсы пікірін келтіріп, ханафи ғалымдарының кітаптарынан мешіт салуға қатысты шарттарды, ұстанымдарды жазған. Содан кейін мешіттің көптеп салынуы, адамдар мешіт салумен жарысу қияметтің белгісі екендігіне қатысты тақырыпқа тоқталады. Имам Әбу Даудтің (рахимаһуллаһ) "Сунан" жинағында Пайғамбарымыздың (صلى الله عليه وسلم) «Адамдар мешіттермен мақтанбайынша қиямет болмайды» деген хадисін келтірген. Аталған хадистің түсіндірмесінде Шейх Халил Ахмад жоғарыдағы хадистің өзге кітаптардағы нұсқаларын келтіріп былай дейді: "Адамдардың өзара мақтануы – өздері салған мешіттерімен мақтану. Олар өзгелердің мадақтамаларын есту үшін, рияқоршылықпен "Менің мешітім ұзын", "Менің мешітім кең", "Менің мешітім ең көркемі" деп байбалам салады". Сонымен қатар, Шейх Халил Ахмад өзге жинақтардағы риуаяттарды келтіреді: – "Менің үмметіме бір заман келеді. Ол кезде адамдар мешіттерімен мақтанатын болады, алайда ол мешіттерді тірілтпейді (құлшылық аз жасалады)". (Сахих Ибн Хузейма) – "Адамдар мешіттің көптігімен мақтанатын болады". (Ибн Нуғайм)