اخترق لأجل الأسد… فسُجن 😏 شو القصة 🤔؟ أحمد عمر آغا (المعروف بـ "TH3PRO") كان عضو بمجموعة "الجيش السوري الإلكتروني"، يلي حسب وزارة العدل الأمريكية كانت تُدار من مقربين من الدائرة الضيقة لبشار الأسد. شو عمل بالاختراق؟ 🤔 - استهدف حوالي 47 جهة بين 2011 و2024: مؤسسات إعلامية وشركات ومنظمات ودول تابعة لأمريكا - الهدف: نشر دعاية نظام الأسد المجرم والدعوة للمحاربة معه ! وكيف دعم الأسد باختراقاته؟ 🧐 - يمنع تغطية فظائع النظام ويرهّب معارضيه (حسب مساعد وزير العدل) - حرّض أفراد بالجيش الأمريكي على رفض الأوامر العسكرية 🙃 - أشهر عملية: سنة 2013 اخترق حساب وكالة أنباء أمريكية على تويتر، ونشروا خبر كاذب عن انفجارين بالبيت الأبيض 😶 ويلي سبب انهيار مفاجئ بالأسهم وخسارة مؤقتة 136 مليار دولار بمؤشر داو جونز شو صار فيه بالنهاية؟ محكمة فدرالية بشرق ولاية فرجينيا حكمت عليه بالسجن 42 شهراً 🔒 الخلاصة مهارتك التقنية مسؤولية، مو بس شغل. اللي بيحط خبرته بخدمة نظام مجرم ليحاول يعتّم على فظائعه، آخرته محكمة اذا ما اعدام. وللمبرمجين: السؤال مو بس "كم الراتب؟"، السؤال كمان "لمين عم أشتغل؟" 🙂 المصدر: الجزيرة

شو بيصير لما الـ AI يقرأ مشروعك ملف ملف؟ 😕 - كل سؤال بيفتح 20 ملف 🥲 - الـ tokens عم تنحرق 🔥 - وبآخرها ممكن يطنش علاقة بين ملفين الحل عندي بهل الأداة الاسطورية codebase-memory-mcp بتفهرس مشروعك على جهازك وبتبني graph فيه الـ functions والـ classes والـ routes وعلاقتهم ببعض، انتبه 🙂 على جهازك يعني بتشغل tool من ال MCP وبيعمل العملية بدون ما يضطر ال LLM يقراء المشروع وتصرف توكنز 😁 المميز فيها: - بناء الـ graph محلي، بدون API key - الـ AI بيسأل الـ graph وبياخد جواب صغير بدل الملفات كاملة - بتدعم 162 لغة منها PHP - واجهة 3D تشوف فيها مشروعك كخريطة 🗺 (تجريبية لا يعتمد عليها، الغاية تسهل لل Agent يفهم مشروعك) - مفتوحة المصدر بترخيص MIT التركيب: curl -fsSL https://raw.githubusercontent.com/DeusData/codebase-memory-mcp/main/install.sh | bash وبعدين قول لأي agent مثل: Cursor - Codex - Claude Index this project أسئلة شائعة: - الكود بيروح لسيرفر؟ لاء، كله محلي - بدي أدفع؟ لاء مجاني بالكامل، لح تدفع مبلغ جداً بسيط اول مرة بس لتخبر ال Agent يشغل ال tool بدل ما تشغلها يدوي - شغالة على Laravel؟ أي، PHP مدعوم #AI