​​​​Hayotim daryoday shovullagan on Yo dilni qoʻpganda qiyomat-qoyim Va endi ishlarim yurishgan zamon, Qaysidir qilmishim yoqmay, Xudoyim Bir ursa, oʻlurman! Nafsimga ishtonu koʻylakcha bichdim, Gunohimni quduq yutib yotibdi. Mening kamchiligim topolmas hech kim, Hayot bir maromda oʻtib yotibdi. Qoʻrqaman, qoʻrqaman, bir kunlar kelib Quduqlar soʻzlasa, bir pul boʻlurman. Sevgilim, sen haqda oʻylamoq ogʻir, Olchadek lablaring, koʻzu dahaning. Har bir barmoqlaring bittadan shoir, Yettinchi osmondir sening badaning. Boshqalar bir siqim tuproq boʻladi, Sen gul boʻl, men oʻlsam bulbul boʻlurman. Tagʻin jim ketaman, avtobuslarning Katta oynasidan boqaman dilgir. Uyga soxta kulgu olib ketyapman, Yursam oyoqlarim titraydi dir-dir. Ha demay, eshaklar hoji boʻladir, Men omoch qoʻshilgan duldul boʻlurman. Koʻp oʻylab qolurman, oʻylab koʻp qolurman, Meni kimdir kutib turadi doim va aytilgan joyga bora olurman, Gulim, diydor sari chorla boroyin... (Qolganin aytishga hayo qilurman.) Qoʻrqaman, sen sori chogʻlanganimda Juda koʻp kulurman. Kulishim gʻashiga tegib, Xudoyim Bir ursa, oʻlurman. Bek Ali @salimov_blogi

Кўзларимизнинг бири зоҳирни, бири ботинни кўриш учун. Қулоқларимиз бири сўзни, бири сўз ортидаги ҳикматни эшитиши учун. Қўлимиз бири олиш, бири бериш учун. Оёқларимиз бири умид билан, бири қўрқув билан юришлиги учун. Умид яхши амаллар, ҳалол ризқ истагида, қўрқув гуноҳдан қочиш, ҳимоя учун. Субҳаналлоҳ! @shoirabaxt_tg