Zulayho va Yusuf a.s — inson izlagan  muhabbbat va qalb topgan haqiqat... Ba'zi qissalar borki, ularni shunchaki o‘qib bo‘lmaydi... Ular qalbga kirib boradi, insonni o‘z muhabbati, niyati va Robbisi bilan bo‘lgan munosabati haqida o‘ylashga majbur qiladi. Yusuf alayhissalom va Misr azizining ayoli haqidagi qissa ham ana shunday ibratli qissalardandir. Bir ayol bor edi... U Yusuf alayhissalomning go‘zalligiga maftun bo‘ldi. Uning muhabbati qalbini shu qadar egalladiki, nafsining istaklariga ergashib, Yusuf alayhissalomni o‘ziga moyil qilishga urindi. Alloh taolo Qur'oni Karimda shunday marhamat qiladi: «Uyida bo‘lgan ayol uni yo‘ldan urmoqchi bo‘ldi. Eshiklarni berkitib: “Qani, kel!” dedi. U (Yusuf): “Alloh saqlasin! Axir, u mening xo‘jayinim-ku, menga yaxshi joy bergan. Albatta, zolimlar najot topmaslar”, dedi». (Yusuf surasi, 23-oyat.) Yusuf alayhissalom uchun bir lahzalik nafs istagidan ko‘ra, Allohning roziligi azizroq edi. U hatto zindonni ham gunohdan afzal ko‘rdi: «(Yusuf) dedi: “Ey Rabbim! Men uchun ular meni chorlayotgan narsadan ko‘ra zindon yaxshiroqdir...”» (Yusuf surasi, 33-oyat.) Mana shu yerda biz haqiqiy muhabbatning bir belgisini ko‘ramiz: Allohga bo‘lgan muhabbat insonni gunohdan qaytaradi. Allohning roziligini tanlagan qalb nafsining har qanday istagiga bo‘ysunavermaydi. Vaqt o‘tdi... Yusuf alayhissalomning pokligi ayon bo‘ldi. Misr ayolining o‘zi ham haqiqatni tan olishga majbur bo‘ldi. U shunday dedi: «Endi haqiqat yuzaga chiqdi. Men uni yo‘ldan urmoqchi bo‘lgan edim. Albatta, u rostgo‘ylardandir». (Yusuf surasi, 51-oyat.) Qanday katta ibrat! Bir paytlar nafsining istagini oqlashga uringan ayol oxir-oqibat haqiqatni tan oldi. Yusuf alayhissalom esa o‘zining pokligini, sabrini va Allohga tavakkulini saqlab qoldi. Ammo bu qissaning eng go‘zal nuqtasi nimada, bilasizmi? Yusuf alayhissalomning qalbida insonning muhabbatidan ustun bo‘lgan muhabbat bor edi — bu Allohning roziligiga bo‘lgan intilish edi. U dunyoning go‘zalligidan, martabasidan va insonlarning havasidan ko‘ra, Robbisiga itoatni afzal bildi. Biz bu qissadan shuni anglaymizki, inson bir bandaga qattiq bog‘lanib qolishi mumkin. Ammo hech bir banda qalbning Allohga bo‘lgan ehtiyojini qondira olmaydi. Chunki inson qalbi yaratilgan Zotiga muhtojdir. Yusuf alayhissalomning qissasi bizga muhabbat nomi bilan gunohga yaqinlashmaslikni, nafs istagini sevgi deb atamaslikni va har qanday holatda Allohning roziligini birinchi o‘ringa qo‘yishni o‘rgatadi. Balki haqiqiy muhabbat — kimnidir deb Allohdan uzoqlashish emas, balki Allohning roziligini deb o‘z nafsingdan kecha olishdir... Allohim, qalblarimizni O‘zingga bo‘lgan muhabbat bilan obod qil. Bizni nafsimizga qul bo‘lishdan asra. Bizga O‘zing rozi bo‘ladigan muhabbatni, pok qalbni va halol nasibalarni ato et. Amin, ya Robbal A'lamiyn. «Qissalarida aql egalari uchun ibrat bordir». (Yusuf surasi, 111-oyat.) @Task1n1zlab

Mahzun bo'lma ey qalb… Ba’zan inson shunday kunlarni boshidan o‘tkazadiki, hech kim bilan gaplashgisi kelmaydi… Kulib turgan yuzining ortida qancha dardlar yashiringanini hech kim bilmaydi. Odamlar orasida yursa-da, qalbi yolg‘izlikni his qiladi. Hammaga "yaxshiman" deydi-yu, tunlari yostiqqa bosh qo‘yganida ko‘z yoshlarini to‘xtata olmaydi…Agar sen ham shunday holatda bo‘lsang, bir oz to‘xta… Ushbu satrlarni shoshilmay o‘qi. Mahzun bo'lma ! Axir sening Robbing bor-ku! Seni hech kim tushunmayotgandek tuyulsa ham, Alloh seni biladi. Hech kim dardingni eshitmayotgandek bo‘lsa ham, Alloh duolaringni eshitadi. Sen hatto so‘z bilan ifodalashga ojiz bo‘lgan iztiroblaringni ham U biladi. Shunday ekan, nega umidsizlikka tushasan? Biror inson seni tark etdimi? Mahzun bo‘lma. Bandalarning ketishi hayotingning tugashi emas. Balki Alloh seni o‘zing uchun yaxshiroq bo‘lgan yo‘lga boshlayotgandir. Kutgan narsang nasib etmadi-mi? Mahzun bo‘lma. Sen faqat bugunni ko‘ryapsan, Alloh esa sen bilmagan ertangni ham biladi. Duo qilding, ammo javobini ko‘rmadingmi? Mahzun bo‘lma. Duolaring behuda ketmaydi. Alloh duoni O‘z hikmati bilan ijobat qiladi. Hayotingda ketma-ket sinovlar kelmoqdami? Mahzun bo‘lma. Dunyo hayoti faqat quvonchlardan iborat emas. Ba’zan sinovlar insonni uyg‘otadi, qalbini poklaydi, Robbisiga yaqinlashtiradi. Yodingda tut: sinovga duchor bo‘lish Alloh seni tark etganini anglatmaydi. Rasululloh s.a.v marhamat qilganlar: "Mo‘minning ishi ajablanarlidir. Uning barcha ishlari yaxshilikdir. Bu faqat mo‘minga xosdir. Unga xursandchilik yetsa, shukr qiladi — bu uning uchun yaxshilik bo‘ladi. Unga musibat yetsa, sabr qiladi — bu ham uning uchun yaxshilik bo‘ladi" Qara, mo‘min qanday go‘zal holatda yashaydi: ne’matda shukr, musibatda sabr… Ey qalbi siniq inson! Sajdaga bor. Boshqalarga aytolmaganlaringni Robbingga ayt. Ko‘z yoshlaringni yashirma. Unga dardingni to‘kib sol. Zero, duo — ojiz bandaning eng go‘zal panohidir. Ammo bir narsani unutma: sabr qilish dardni his qilmaslik emas. Sabr — dard ichida ham Allohdan yuz o‘girmaslikdir. Alloh taolo Qur’oni Karimda marhamat qiladi: «Albatta, qiyinchilik bilan birga yengillik bordir. Albatta, qiyinchilik bilan birga yengillik bordir". (Inshiroh surasi, 5–6-oyatlar) Bu va’da Robbingdan! Shunday ekan, bugun ko‘nglingni cho‘ktirgan voqea sabab ertangi kuningdan umidingni uzma. Hali qancha go‘zal tonglar, qancha xayrli xabarlar, qancha shukr sajdalari seni kutayotganini bilmaysan. Balki bugun ko‘z yosh bilan qilayotgan duolaring uchun ertaga ko‘z yosh bilan shukr qilarsan.Balki bugun "Nega, Allohim?"deb so‘rayotgan narsangning hikmatini ertaga anglab yetarsan.Balki bugungi sabring ertangi xotirjamligingga sabab bo‘lar… Mahzun bo'lma ey qalb ! Sening vazifang — natijani belgilash emas, sababini qilish, duo qilish va Robbingga tavakkul etish. Allohning rahmatidan noumid bo‘lma. Chunki Uning rahmati sening tasavvuringdan ham kengdir. Duo : Allohim, qalbida hech kimga aytolmayotgan dardi bor bandalaringga O‘zing taskin ber. Ko‘z yoshlarini quvonchga, tashvishlarini xotirjamlikka, mushkullarini yengillikka almashtir. Kutayotganlarga xayrli xabarlar, dardmandlarga shifo, qarzdorlarga keng rizq, yolg‘izlarga solih hamrohlar, umidsizlikka tushgan qalblarga go‘zal umidlar ato et. Bizni sinovlarda sabrsiz, ne’matlarda noshukr bo‘lgan bandalaringdan qilma. Qalblarimizni O‘zingga bog‘la va bizni hech qachon O‘z rahmatingdan noumid etma. Aamiin, ya Robbal 'aalamiin! Hayotiy gaplar : @Task1n1zlab

Mahzun bo'lma ey qalb… Ba’zan inson shunday kunlarni boshidan o‘tkazadiki, hech kim bilan gaplashgisi kelmaydi… Kulib turgan yuzining ortida qancha dardlar yashiringanini hech kim bilmaydi. Odamlar orasida yursa-da, qalbi yolg‘izlikni his qiladi. Hammaga «yaxshiman» deydi-yu, tunlari yostiqqa bosh qo‘yganida ko‘z yoshlarini to‘xtata olmaydi… Agar sen ham shunday holatda bo‘lsang, bir oz to‘xta… Ushbu satrlarni shoshilmay o‘qi. Mahzun bo'lma! Axir sening Robbing bor-ku! Seni hech kim tushunmayotgandek tuyulsa ham, Alloh seni biladi. Hech kim dardingni eshitmayotgandek bo‘lsa ham, Alloh duolaringni eshitadi. Sen hatto so‘z bilan ifodalashga ojiz bo‘lgan iztiroblaringni ham U biladi. Shunday ekan, nega umidsizlikka tushasan? Biror inson seni tark etdimi? Mahzun bo‘lma. Bandalarning ketishi hayotingning tugashi emas. Balki Alloh seni o‘zing uchun yaxshiroq bo‘lgan yo‘lga boshlayotgandir. Kutgan narsang nasib etmadi-mi? Mahzun bo‘lma. Sen faqat bugunni ko‘ryapsan, Alloh esa sen bilmagan ertangni ham biladi. Duo qilding, ammo javobini ko‘rmadingmi? Mahzun bo‘lma. Duolaring behuda ketmaydi. Alloh duoni O‘z hikmati bilan ijobat qiladi. Hayotingda ketma-ket sinovlar kelmoqdami? Mahzun bo‘lma. Dunyo hayoti faqat quvonchlardan iborat emas. Ba’zan sinovlar insonni uyg‘otadi, qalbini poklaydi, Robbisiga yaqinlashtiradi. Yodingda tut: sinovga duchor bo‘lish Alloh seni tark etganini anglatmaydi. Rosululloh s.a.v marhamat qilganlar: «Mo‘minning ishi ajablanarlidir. Uning barcha ishlari yaxshilikdir. Bu faqat mo‘minga xosdir. Unga xursandchilik yetsa, shukr qiladi — bu uning uchun yaxshilik bo‘ladi. Unga musibat yetsa, sabr qiladi — bu ham uning uchun yaxshilik bo‘ladi». (Imom Muslim rivoyati) Qara, mo‘min qanday go‘zal holatda yashaydi: ne’matda shukr, musibatda sabr… Ey qalbi siniq inson! Sajdaga bor. Boshqalarga aytolmaganlaringni Robbingga ayt. Ko‘z yoshlaringni yashirma. Unga dardingni to‘kib sol. Zero, duo — ojiz bandaning eng go‘zal panohidir. Ammo bir narsani unutma: sabr qilish dardni his qilmaslik emas. Sabr — dard ichida ham Allohdan yuz o‘girmaslikdir. Alloh taolo Qur’oni Karimda marhamat qiladi: «Albatta, qiyinchilik bilan birga yengillik bordir. Albatta, qiyinchilik bilan birga yengillik bordir». (Inshiroh surasi, 5–6-oyatlar) Bu va’da Robbingdan! Shunday ekan, bugun ko‘nglingni cho‘ktirgan voqea sabab ertangi kuningdan umidingni uzma. Hali qancha go‘zal tonglar, qancha xayrli xabarlar, qancha shukr sajdalari seni kutayotganini bilmaysan. Balki bugun ko‘z yosh bilan qilayotgan duolaring uchun ertaga ko‘z yosh bilan shukr qilarsan… Balki bugun «Nega, Allohim?» deb so‘rayotgan narsangning hikmatini ertaga anglab yetarsan… Balki bugungi sabring ertangi xotirjamligingga sabab bo‘lar… Mahzun bo'lma ey qalb...! Sening vazifang — natijani belgilash emas, sababini qilish, duo qilish va Robbingga tavakkul etish. Allohning rahmatidan noumid bo‘lma. Chunki Uning rahmati sening tasavvuringdan ham kengdir. Duo: Allohim, qalbida hech kimga aytolmayotgan dardi bor bandalaringga O‘zing taskin ber. Ko‘z yoshlarini quvonchga, tashvishlarini xotirjamlikka, mushkullarini yengillikka almashtir. Kutayotganlarga xayrli xabarlar, dardmandlarga shifo, qarzdorlarga keng rizq, yolg‘izlarga solih hamrohlar, umidsizlikka tushgan qalblarga go‘zal umidlar ato et. Bizni sinovlarda sabrsiz, ne’matlarda noshukr bo‘lgan bandalaringdan qilma. Qalblarimizni O‘zingga bog‘la va bizni hech qachon O‘z rahmatingdan noumid etma. Aamiin, ya Robbal 'aalamiin! Agar bu satrlar qalbingizga yetib borgan bo‘lsa, balki ayni damda shu eslatmaga muhtoj bo‘lgan yana bir inson bordir. U bilan ham ulashing… Hayotiy gaplar : @Task1n1zlab