#шеър "Сўроқлаб..." Юракдан соғинч чашмаси отилар, Агар кетсанг мендан йироқлаб, Яна шод бўлардим мен аҳир, Агар келсанг бир кун сўроқлаб! Мен ҳам бир мажнунга ўхшайман, Лайлимсиз дунёда ёлғиз яшайман, Йўлларингга атиргуллар тўшайман, Агар келсанг бир кун сўроқлаб! Гулим, эркам дилдорим дейайми, Жоним, жаҳоним, борим дейайми, Ийманиб эрсада ёрим дейайми, Агар келсанг бир кун сўроқлаб! Машриқда ҳам юзинг кўрсайдим, Яна бир бор сочинг ўрсайдим, Ёш боладек хурсанд бўлсайдим, Агар келсанг бир кун сўроқлаб! Ҳанузгача бағримни тилиб ўйаман, Соғинч косасига сабр суви қуяман, Ўша кунни сир сақлаб қўяман, Агар келсанг бир кун сўроқлаб! Висолинг абадан ёдда қолдида, Кўзларим Мағриб боқиб толдида, Турибман ўша бекатнинг олдида, Агар келсанг бир кун сўроқлаб! © Юсуф Муаллифлик хукуки бор

#шеър "Шеърларга кўчди..." Кузги шабода эсарди секин, Барглар оҳиста ерни қучмоқда, Севиб қолдим сени бемаврид, Ҳар кеч ҳислар сен томон учмоқда! Сувратинга боқиб беор сўзлайман, Сенинга айта олай севгимни дебон, Қанчалар уринмайин менга ҳеч, Телбаларча қулоқ солмаяпти забон!  Азизам ростми севганим бемаврид, Мен учун йўқмиди жой кўнглингда, Мажнун каби ҳижрон ила мени, Шармисор айлама айро йўлингда! Киё боқмоғинг баҳтдан учқун,  Кечани ёрутгувчи шамчироқ эди, Эслайман афсусим ила ул кун , Ногоҳ қўлларинг мендан йироқ эди! Фалакка томон нидо қилдим, Шўрлик қалбда ҳисларим ўчди, Афсусга бош эгмайман Дилбарим, Қалбий изҳорим шеърларга кўчди! © Юсуф Муаллифлик хукуки бор

#шеър_қатағон_даври_болалари «…Қизим Зоряни НКВД ходимлари автомобилда Малая Лубянкага олиб кетган экан. Буни биз кейин билдик. Москванинг бу бурчагида 2 ёшдан 16 ёшгача бўлган болалар қамоқхонаси жойлашганди...» Қушлар ҳам уйқудан уйғонмай ҳали, Жовдираб бир сафга тизилар бари. Мудраб йўлга тушар терговчи сари — Икки яшар «халқ душманлари». Уларнинг гапи йўқ бўрсилдоқларда, Уларнинг хаёли — ўйинчоқларда… Ўхшайди қоракўл қўзичоқларга — Икки яшар «халқ душманлари». Қўлчаларини қўйиб оёқчасига, Ўлтирар келишгандек боқчасига, Мўлтирар терговчи таёқчасига — Икки яшар «халқ душманлари». Терговчи ҳам асли кимгадир ота, Терговчида жуда тажриба катта. Йўқ айбига иқрор бўлар, албатта, Икки яшар «халқ душманлари». Йўқ айбига иқрор бўлар ҳаммаси, Элнинг суюк болаларин боласи, Элнинг буюк болаларин боласи, Икки яшар «халқ душманлари»… Қушлар уйқусидан уйғонмай ҳали, Жовдираб бир сафга тизилар бари, Мудраб йўлга тушар терговчи сари — Икки яшар «халқ душманлари». © Мухаммад Юсуф