Телеграм канал «ChinSamnang@Public»

កម្ពុជា ស្វាគមន៍កិច្ចប្រជុំកំពូលហ្វ្រង់កូហ្វូនី លើកទី២០

Le Cambodge accueille le 20e Sommet de la Francophonie.

FDA អាម៉េរិក អនុម័តឱសថថ្មីដំបូងគេ ជួយព្យាបាលជំងឺរលាកថ្លើម បេ រ៉ាំរ៉ៃ ឱ្យជាសះស្បើយក្នុងកម្រិតខ្ពស់

សហរដ្ឋអាម៉េរិក៖ រដ្ឋបាលចំណីអាហារ និងឱសថអាម៉េរិក (FDA) បានប្រកាសអនុម័តជាផ្លូវការលើឱសថចាក់ប្រភេទថ្មី ហ៊ីបសាហ្គោ (Hibsago) អភិវឌ្ឍដោយក្រុមហ៊ុន GSK plc សម្រាប់ប្រើប្រាស់រួមផ្សំជាមួយថ្នាំទប់វីរុស ដើម្បីព្យាបាលអ្នកជំងឺរលាកថ្លើម បេ រ៉ាំរ៉ៃ (HBV) កម្រិតមនុស្សពេញវ័យដែលមិនទាន់មានជំងឺក្រិនថ្លើម។

លោកស្រីវេជ្ជបណ្ឌិត វ៉េនឌី ខាធ័រ (Wendy Carter) មន្ត្រីជាន់ខ្ពស់នៃ FDA គូសបញ្ជាក់ថា ឱសថ Hibsago គឺជាឱសថប្រភេទ អង់ទីសែន អូលីហ្គោនុយក្លេអូទីត (Antisense Oligonucleotide ឬឱសថបំផ្លាញហ្សែនវីរុស) ដំបូងគេបង្អស់ដែលទទួលបានការអនុម័ត ដោយវិធីសាស្ត្រព្យាបាលថ្មីនេះ បានផ្តល់លទ្ធភាពឱ្យអ្នកជំងឺអាចបន្តគ្រប់គ្រងកម្រិតវីរុសនៅក្នុងរាងកាយបាន ទោះជាបានបញ្ឈប់ការលេបថ្នាំព្យាបាលរលាកថ្លើម បេ ទាំងស្រុងក៏ដោយ។

ឱសថ Hibsago នេះ ធ្វើសកម្មភាពដោយកាត់ផ្តាច់ច្រវាក់ហ្សែន (ដែលវីរុសប្រើប្រាស់សម្រាប់បង្កើនបរិមាណវីរុស) ដើម្បីកាត់បន្ថយបរិមាណវីរុស និងអង់ទីហ្សែនHBsAg (ស្រទាប់សម្បកខាងក្រៅរបស់វីរុសរលាកថ្លើម បេ) នៅក្នុងរាងកាយ ដោយ FDA ក៏បានផ្តល់ការអនុញ្ញាតលើ ឧបករណ៍ធ្វើតេស្ត Roche Elecsys ធ្វើជាឧបករណ៍វិភាគអម ដើម្បីជួយគ្រូពេទ្យក្នុងការជ្រើសរើសអ្នកជំងឺ និងតាមដានប្រសិទ្ធភាពព្យាបាលក្នុងអំឡុងពេលព្យាបាល។

ផ្អែកលើការតេស្តសាកល្បងផ្លូវការ បានបង្ហាញថា ២៤% នៃអ្នកជំងឺដែលបានចាក់ឱសថ Hibsago អាចឆ្លងផុតលក្ខខណ្ឌតម្រូវ ដើម្បីអាចផ្តាច់/បញ្ឈប់ការប្រើប្រាស់ថ្នាំទប់ទល់វីរុសប្រចាំថ្ងៃ ហើយបន្ទាប់ពីបានផ្តាច់ថ្នាំទាំងអស់អស់រយៈពេល ២៤ សប្តាហ៍ អ្នកជំងឺប្រមាណ ១៩% នៅតែអាចរក្សាការទប់ស្កាត់វីរុសបាន និងលែងមានវត្តមានអង់ទីហ្សែន HBsAg ក្នុងឈាម ។

ទោះជាយ៉ាងណាក៏ដោយ FDA បានព្រមានអំពីគ្រោះថ្នាក់នៃប្រតិកម្មថ្លើមធ្ងន់ធ្ងរ និងការប្រឈមនឹងការហូរឈាម ដោយសារតែការថយចុះកោសិកាផ្លាកែត រួមទាំងបញ្ហាតម្រងនោម និងការរលាកសរសៃឈាម ដែលតម្រូវឱ្យមានការធ្វើតេស្តឈាម និងតាមដានសុខភាពយ៉ាងប្រុងប្រយ័ត្នពីគ្រូពេទ្យជំនាញ។

ដោយសារតែប្រសិទ្ធភាពខ្ពស់ ព្រមទាំងផលវិជ្ជមានដ៏ធំធេងចំពោះជីវិតរបស់អ្នកជំងឺ ឱសថ Hibsago ទទួលបានសិទ្ធិអាទិភាពក្នុងការពិនិត្យនិងអនុម័តជាពិសេសពី FDA ដែលនេះជាការបោះជំហានដ៏ធំមួយសម្រាប់ក្រុមហ៊ុន GSK និងបង្កើតក្តីសង្ឃឹមថ្មីក្នុងទីផ្សារសុខាភិបាលសកល សម្រាប់អ្នកជំងឺរលាកថ្លើម បេ ជាង ១.៧ លាននាក់ (នៅសហរដ្ឋអាម៉េរិក) និងជាង ២០០លាននាក់នៅលើពិភពលោក ៕

ប្រែសម្រួល៖ ឡេង លាងហេង
ប្រភព៖ គេហទំព័រ FDA | រូបភាព៖ (Sarah Silbiger/Getty Images)/ រូបភាពបង្កើតដោយ AI និងប្រភពផ្សេងទៀត។

មន្ទីរពេទ្យជាតិ តេជោសន្ដិភាព ប្រកាសផ្ដល់សេវាចាក់វ៉ាក់សាំងបង្ការវីរុសផ្តាសាយធំ ២ ប្រភេទនេះ
ដើម្បីចូលរួមចំណែកក្នុងការការពារ និងលើកកម្ពស់សុខភាពសាធារណៈឱ្យកាន់តែប្រសើរឡើង ផ្នែកពិគ្រោះជំងឺក្រៅ និងពិនិត្យសុខភាព នៃមន្ទីរពេទ្យជាតិ តេជោសន្តិភាព បាននិងកំពុងផ្តល់ជូននូវ «សេវាកញ្ចប់ចាក់វ៉ាក់សាំងបង្ការវីរុសផ្តាសាយធំ» (Influenza Vaccine) ជូនដល់កុមារ និងមនុស្សពេញវ័យ ក្នុងគោលបំណងកាត់បន្ថយអត្រាធ្លាក់ខ្លួនឈឺ និងទប់ស្កាត់ផលវិបាកធ្ងន់ធ្ងរផ្សេងៗ ដែលបណ្តាលមកពីជំងឺផ្តាសាយធំ។
តាមការបញ្ជាក់ពីមន្ទីរពេទ្យជាតិ តេជោសន្ដិភាព វ៉ាក់សាំងបង្ការជំងឺផ្តាសាយធំនេះ ត្រូវបានផលិតឡើងយ៉ាងផ្ចិតផ្ចង់ ដើម្បីបង្កើតអង់ទីគ័រការពាររាងកាយប្រឆាំងនឹងវីរុសផ្តាសាយធំពីរប្រភេទចម្បង គឺ វីរុសផ្តាសាយធំប្រភេទ A និងប្រភេទ B (Influenza A & B) ដែលជាប្រភពដើមនៃការឆ្លងរាលដាលញឹកញាប់បំផុត។
ចំពោះ លោក លោកស្រី និងសាធារណជនទាំងអស់ ដែលចង់ទទួលកញ្ចប់សេវាកម្មខាងលើ សូមអញ្ជើញមកចាក់វ៉ាក់សាំងបង្ការនេះ ដើម្បីការពារសុខភាពផ្ទាល់ខ្លួន និងក្រុមគ្រួសារ។ ដោយសេវាកម្មនេះត្រូវបានផ្តល់ជូន រៀងរាល់ថ្ងៃ ទៅតាមម៉ោងធ្វើការដូចខាងក្រោម៖
 
វេនព្រឹក៖ ចាប់ពីម៉ោង ០៨:០០ ព្រឹក ដល់ ១២:០០ ថ្ងៃត្រង់
 
វេនរសៀល៖ ចាប់ពីម៉ោង ១៤:០០ រសៀល ដល់ ១៧:០០ ល្ងាច
 
ទីតាំង៖ ផ្នែកពិគ្រោះជំងឺក្រៅ និងពិនិត្យសុខភាព នៃមន្ទីរពេទ្យជាតិ តេជោសន្តិភាព (ស្ថិតនៅលើមហាវិថីឈ្នះឈ្នះ ភូមិកប់ស្រូវធំ សង្កាត់គោករកា ខណ្ឌព្រែកព្នៅ រាជធានីភ្នំពេញ)។
 
សម្រាប់ព័ត៌មានបន្ថែម ទាក់ទងនឹងកញ្ចប់សេវាចាក់វ៉ាក់សាំងនេះ លោកអ្នកអាចធ្វើការទំនាក់ទំនងទៅកាន់លេខទូរស័ព្ទ៖ 087 781 119 ៕

ខ្ញុំបាទនិងក្រុមគ្រួសារ សូមគោរពសុំពរជ័យ សិរីមង្គល វិបុលសុខ មហាប្រសើរគ្រប់ប្រការពីវត្ថុស័ក្កិសិទ្ធគោរពជូនចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសខួបកំណើតគម្រប់ ៤៩ឆ្នាំឈានចូល ៥០ឆ្នាំនាថ្ងៃនេះ

🙏សូម សម្ដេចមហាបរវធិបតី និងលោកជំទាវបណ្ឌិត ពេជ ចន្ទមុន្នី ព្រមទាំងបុត្រី បុត្រា ក្រុមគ្រួសារ ទទួលបាននូវសុខភាពល្អបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ ជោគជ័យគ្រប់កិច្ចការ កុំបីឃ្លៀងឃ្លាតឡើយ🙏

ការកាន់កាប់ដីកម្ពុជាដោយខុសច្បាប់ពីសំណាក់ទ័ពថៃ ត្រូវបានលើកក្នុងកិច្ចប្រជុំកំពូល CICA, សម្តេចមហាបវរធិបតី លើកឡើងថា ព្រំដែន និងអធិបតេយ្យភាព មិនត្រូវផ្លាស់ប្តូរ​ដោយ​ការ​ប្រើប្រាស់កម្លាំងនោះឡើយ #ហ៊ុន​ម៉ាណែត​ #hunmanet #cambodia

ថៃមិនអាចបំភ្លៃការពិតបានទេ! កម្ពុជាបានកត់ត្រាយ៉ាងច្បាស់នូវរាល់ប្រតិបត្តិការយោធារបស់ថៃ ដោយពួកគេបានបើកការវាយប្រហារមកលើកម្ពុជាចំនួន ២លើក គឺកាលពីថ្ងៃទី២៤ ខែកក្កដា ឆ្នាំ២០២៥ និងកាលពីថ្ងៃទី៧ ខែធ្នូ ឆ្នាំ២០២៥ ដោយប្រើប្រាស់រថក្រោះ, កាំភ្លើងធំ, យន្តហោះចម្បាំង F-16 និង Saab JAS Gripen, ដ្រូន, និងគ្រាប់បែកចង្កោម។

Thailand cannot distort the facts! Cambodia has clearly documented Thailand’s military operations, including two attacks against Cambodia on 24 July 2025 and 7 December 2025, using tanks, artillery, F-16 and Saab JAS Gripen fighter jets, drones, and cluster munitions.

អង្គការសហប្រជាជាជាតិ (អ.ស.ប.) បានផ្សព្វផ្សាយលិខិតរបស់ឯកឧត្តម កែវ ឈា ឯកអគ្គរាជទូត តំណាងអចិន្ត្រៃយ៍
នៃស្ថានបេសកកម្មកម្ពុជាប្រចាំអ.ស.ប. ផ្ញើជូនអគ្គលេខាធិការ អ.ស.ប. ពាក់ព័ន្ធនឹងបញ្ហាព្រំដែន។ ថ្ងៃទី១៥ ខែតុលា ឆ្នាំ២០២៦