🇺🇸🇮🇷 АҚШ 3 ноябрдаги сайловлардан сўнг Эронга қарши кенг кўламли урушни қайта бошлашга тайёргарлик кўрмоқда - АҚШ разведка ишларини олиб бормоқда; Эрон Америка MQM-170 дронини қўлга киритганини маълум қилди; -АҚШ ўз иттифоқчиларини эҳтимолий зарбалар ҳақида огоҳлантирди; - АҚШ Давлат департаменти Саудия Арабистонидан дипломатлар ҳамда Америка ҳукумати ходимларининг оила аъзоларини эвакуация қилмоқда; - Вазиятнинг янгидан кескинлашуви хавфи фонида Брент маркасидаги нефть нархи бир баррель учун 117 доллардан ошди.

🇰🇿🇷🇺🇹🇷 Кун таклифи: Тўқаев Россияни Туркий давлатлар ташкилотига қўшилишга таклиф қилди Қозоғистон Президенти Қосим-Жомарт Тўқаев 30 октябрь куни Туркий давлатлар ташкилотининг 13-саммитида Россияни «Туркий давлатлар ташкилоти +» форматига қўшилишга ёки ташкилотда кузатувчи мақомини олишга таклиф қилишни маъқул қарор деб атади. Тўқаевнинг таъкидлашича, Россия асрлар давомида туркий дунё билан яқин алоқаларга эга бўлган. Унинг фикрича, Россияда кўплаб туркий халқлар истиқомат қилади, шунингдек, Москва «Олтой — туркий цивилизация бешиги» лойиҳасини илгари сурмоқда. «Агар Россия туркий мамлакатларнинг, яъни ташкилотимизнинг бир қисмига айланса, бу барча давлатларимизга фойда келтирган бўларди», — деди Қозоғистон раҳбари. Шу билан бирга, Тўқаев Туркий давлатлар ташкилоти ҳарбий альянсга айланмаслиги кераклигини яна бир бор таъкидлади.

🥊Ислам Махачев навбатдаги жанги фаолиятидаги сўнгги жанг бўлиши мумкинлигини маълум қилди. “Менинг навбатдаги жангим фаолиятимдаги сўнгги жанглардан бири бўлади. Айтишларича, Пратес мен учун ўта хавфли, Моралес эса мен учун ҳаддан ташқари кучли рақиб экан. Шунинг учун мен уларнинг энг кучлиси билан жанг қилишни ва дунёда ким энг зўр эканини яна бир бор исботлашни хоҳлайман”.