ایستی‌یدی آنامین اَل چؤره‌یی تک یاپ، یاپا بیلیرسن، یاپ او گون‌لری کئچدی می، بیر داها اَل یئتمه‌یه‌جک تاپسان سالام یئتیر، اؤپ او گون‌لری او گون‌لر عؤمرومو سوپوردو گئتدی کؤنلومو یئریندن قوپاردی گئتدی آغاج آتیمی دا آپاردی گئتدی دی چاپ‌ کی چاپاسان، چاپ او گون‌لری تاختا قیلینجیمی او گونه آسدیم دردیمی، سئوگیمی او گونه سوسدوم او گونو گؤرمَیه اوره‌ییم اسدی گتیر قوجاغیما، هوپ او گون‌لری سئویشدیک، گؤز دویدو، کؤنول دویمادی اوچدوق آیاغیمیز یئره دَیمه‌دی ائح، یئنه بورنومون اوجو گؤینه‌دی آل، یارالاریما سَپ او گون‌لری او گون‌لر گون دئییل، بیره‌ر ایگیتدی داش آتلاریمیزین بئلینده گئتدی "گول"وموز‌ "پوچ" اولدو، الینده گئتدی ایندی گل اوغولسان، تاپ او گونلری!.. #ووقار_نعمت ╭━━━ ◉ ✦ ◉ ━━━╮ │      @poemistic         │  ‌╰━━━ ◉ ✦ ◉ ━━━╯

شاهید کئچیرم: یئرییَنده، آغاجلار طرفیندن ایزله‌نن تک قادینسان سن... #نزار_قبانی ╭━━━ ◉ ✦ ◉ ━━━╮ │      @poemistic         │  ‌╰━━━ ◉ ✦ ◉ ━━━╯

هله بو دونیادا ایزیم یوخویدو، هر شئیی گؤروردوم، گؤزوم یوخویدو، هله روحوم واردی، اؤزوم یوخویدوم، من بورا اؤزومو گؤرمه‌یه گلدیم. #رامیز_روشن ╭━━━ ◉ ✦ ◉ ━━━╮ │      @poemistic         │  ‌╰━━━ ◉ ✦ ◉ ━━━╯