2018 թվականի համեմատ գիտության ոլորտի բյուջեն գրեթե եռապատկվել է: Այս մասին ԿԳՄՍ նախարար Ժաննա Անդրեասյանն ասել է Առաջինի լրատվական ալիքի՝ «Հարցազրույց Աննա Դանիելյանի հետ» հաղորդաշարի շրջանակում: Ամբողջական տեսանյութը՝ https://youtu.be/Hn50_rT_UII

🟦 ԿԳՄՍ նախարար Ժաննա Անդրեասյանն այսօր հանդիպել է գիտական ինստիտուտների ղեկավարների հետ՝ քննարկելու գիտության ոլորտում իրականացվող բարեփոխումները, գիտական կազմակերպությունների կառավարման, ֆինանսավորման և հետագա գործունեության կազմակերպմանն առնչվող հարցերը։ Գիտության ոլորտի ֆինանսավորման համատեքստում Ժաննա Անդրեասյանը վերահաստատել է, որ ՀՀ գիտության ոլորտի զարգացման 2026-2030 թթ. ռազմավարական ծրագիրն իրականացվելու է՝ ապահովելով մեկնարկած ծրագրերի շարունակականությունն ու նոր նախաձեռնությունների իրականացումը։ Ավելին՝ https://escs.gov.am/articles/news/557

Օլիմպիական չեմպիոն Արթուր Ալեքսանյանը ևս երկու տարի կշարունակի իր առաքելությունը՝ որպես Հայաստանում ՅՈՒՆԻՍԵՖ-ի ազգային դեսպան։ Վերանշանակումը պաշտոնապես ազդարարվել է COP17-ի «Կանաչ գոտում»՝ «Գործելով միասին՝ հանուն երեխաների և բնության պաշտպանության» խորագրով միջոցառման շրջանակում։ Միջոցառմանը հաջորդած պանելային քննարկմանը ԿԳՄՍ նախարար Ժաննա Անդրեասյանը, Հայաստանում ՅՈՒՆԻՍԵՖ-ի ներկայացուցիչ Ղասսան Խալիլը և Արթուր Ալեքսանյանն անդրադարձել են կրթության, սպորտի և բնապահպանության փոխկապակցվածությանը՝ կարևորելով երեխաների համար առողջ, անվտանգ և կայուն միջավայրի ապահովումը։ Միջոցառման մանրամասները՝ https://escs.gov.am/articles/news/555