«Փյունիկ» - «Ուրարտու» Հորդառատ անձրևի ուղեկցությամբ շատ թեժ խաղ է ընթանում: 🔥 Առաջին անգամ եմ Freedom Arena-ում: Բավականին սիրուն, հարմարավետ տրիբունայով ֆուտբոլային լավ անկյուն է: Մեր ֆուտբոլին նման կառույցներ շատ-շատ են պետք:

Թբիլիսիի «Դինամոյի» մինչև 19 տարեկանների թիմը ՈՒԵՖԱ-ի երիտասարդական լիգայում 3-0 հաշվով հաղթել է «Կոպենհագենին» և պատասխան խաղում առավելությունը պահպանելու դեպքում հաջորդ փուլում խաղալու է «Ֆիորենտինայի» հետ: Խվիչայի կրտսեր եղբայրը՝ 16-ամյա Թոռնիկե Կվարացխելիան 2 գոլ է խփել ու կատարել 1 գոլային փոխանցում: Հասկանում եմ, որ շատերը ցավագին են ընդունում, երբ խոսում ենք վրացական ֆուտբոլի մասին, բայց ես որևէ մեկի դեմ քայլ անելու նպատակով չեմ անդրադառնում: Ինձ հետաքրքիր է հետևելը, թե ինչ է կատարվում տարածաշրջանում, դրա համար էլ անդրադառնում եմ:

Առաջին շրջանից հետո ՀՊԼ-ի ամենաարդյունավետ հայ ֆուտբոլիստները: ⚽️🇦🇲 Լևոն Պետրոսյան, 7 գոլ Լևոնը ընդամենը 1 գոլ է զիջում Մասումուին ու Պիկիսին: «Սարդարապատի» գրանցած արդյունքներում նրա դերը բավականին մեծ է: Կարեն Նալբանդյան, 6 գոլ Կարենը «Ալաշկերտի» երկրորդ ռմբարկուն է, բայց նաև շատ գոլային փոխանցումներ է կատարում: Այս «Ալաշկերտին» առանց Նալբանդյանի պատկերցնելը շատ դժվար է: Գևորգ Տարախչյան, 5 գոլ 5 գոլ առաջնությունում, 1 գոլ էլ գավաթի խաղարկությունում է խփել Տարախչյանը: Նա այս պահին իր լավագույն մրցաշրջանն է անցկացնում: 2022/23 մրցաշրանում էլ ԲԿՄԱ-ում էր շատ հաջող խաղում, բայց այս տեմպերով կարող է իր համար նոր նշաձող սահմանել: Արայիկ Էլոյան, 5 գոլ 6 խաղում 5 գոլ: Էլոյանը թերևս ամենաարդյունավետն է ստացած խաղաժամանակի և գոլերի քանակի համադրությամբ, բայց եվրագավաթային խաղերում դեռ «լուռ» է: Միջազգային ասպարեզում հաջող խաղն ու խփած գոլը կարող են լրացուցիչ վստահություն հաղորդել Արայիկին, որպեսզի ի դեմս նրա արժանի թեկնածու ունենանք նաև հավաքականի հարձակման գծում: