ပြည်သူတွေအနေနဲ့ ဘယ်လိုအခက်အခဲတွေပဲကြုံပါစေအမှန်တရားဘက်က ရဲဝင့်စွာဆက်လက်ရပ်တည်နိုင်ဖို အားတင်းထားကြပါစို့ ။ 💪💪💪 မိဘပြည်သူများ ရန်သူမျိုးငါးပါးမှ အမြန်ဆုံးကင်လွတ်နိုင်ကြပြီး အမြဲတစေ ကျန်းမာချမ်းသာကြပါစေဟု  Mandalay Police CDM Fighter ဝိုင်းတော်သားများမှ ဆုတောင်းမေတ္တာပို့သအပ်ပါသည်။🙏🙏🙏 သတင်းတင်ဆက်မှုကို ဒီမှာတင်ရပ်နားပါမည်။ Good night ပါခင်ဗျာ။ Sweet Dreams 💞💞💞 Mandalay Police CDM Fighter

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁ ဦးသေဆုံး ရန်ကုန်၊ နိုဝင်ဘာ ၇ မြန်မာနိုင်ငံတစ်ဝန်း နိုဝင်ဘာလ ၇ ရက်နေ့ ရရှိထားသော အချက် အလက်များအရ စစ်ကောင်စီ တပ်ဖွဲ့ဝင် ၁ ဦးသေဆုံးခဲ့ကြောင်း ပြည်သူ့ကာ ကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက်များအရ သိရှိရသည်။ ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

ထူးခန့်ကျော်ကို ပါရဂူဘွဲ့ပေးသည့် ဘာသာရေးတက္ကသိုလ်မှာ “ဘွဲ့အတုအရောင်းဆိုင်”ဟု နိုင်ငံတကာတွင် ဝေဖန်ခံရသော လူလိမ်အဖွဲ့ဖြစ်နေ နိုဝင်ဘာလ ၇ ရက် သရုပ်ဆောင်ထူခန့်ကျော်ကို ပါရဂူဘွဲ့ ပေးအပ်လိုက်သည့် Dayspring International University (နှင့် Dayspring Christian University ကွန်ရက်) သည် တရားဝင် ပညာရေးဆိုင်ရာ အသိအမှတ်ပြုမှု လုံးဝမရှိဘဲ ငွေကြေးရယူကာ ဘွဲ့လက်မှတ်များ လိုက်လံထုတ်ပေးနေသည့် “ဘွဲ့အတုအရောင်းဆိုင် (Diploma Mill)” အဖြစ် နိုင်ငံတကာတွင် စွပ်စွဲခံထားရသော အဖွဲ့အစည်းတစ်ခုဖြစ်သည်ဟု သိရသည်။ အဆိုပါကျောင်းမှ ဂုဏ်ထူးဆောင် ပါရဂူဘွဲ့ ရယူလိုသူများသည် စာမေးပွဲ ဖြေဆိုရန် သို့မဟုတ် သုတေသန စာတမ်းပြုစုရန်မလိုအပ်ဘဲ ကိုယ်ရေးအကျဉ်းနှင့် ထောက်ခံသူ ၂ ဦးဖြင့် လျှောက်ထားရုံ၊ ဘွဲ့ခေါင်းစဉ် စိတ်ကြိုက်ရွေးချယ်ရုံဖြင့် ရရှိနိုင်ပြီး Processing Fee သို့မဟုတ် လှူဒါန်းငွေ (Donation) အမည်တပ်ကာ ကြေးငွေများ တောင်းခံ၍ ဘွဲ့လက်မှတ်နှင့် ဝတ်ရုံများကို ထုတ်ပေးသည့် စနစ်ဖြစ်သည်ဟုလည်း သိရသည်။ Dayspring အဖွဲ့အစည်းသည် နိုင်ငံတကာတွင်လည်း အလားတူ အရှုပ်တော်ပုံများစွာ ရှိခဲ့ကာ ဂါနာနိုင်ငံ အမျိုးသားအသိအမှတ်ပြုဘုတ်အဖွဲ့ (NAB) က Dayspring သည် တရားဝင် အသိအမှတ်ပြုထားသော ကျောင်းမဟုတ်ဘဲ ရဲချုပ် (IGP) အပါအဝင် ထိပ်ပိုင်းအရာရှိကြီးများအား ဘွဲ့အတုများ ပေးအပ်ကာ ကျောင်း၏ ဂုဏ်သတင်းကို အယုံသွင်း၍ သာမန်ကျောင်းသားများထံမှ ငွေကြေးလိမ်လည်နေကြောင်း သတိပေးခဲ့သည်။ ထို့ပြင် ၂၀၁၈ ခုနှစ်တွင် လိုက်ဘေးရီးယားနိုင်ငံ အမျိုးသားအဆင့်မြင့်ပညာရေးကော်မရှင် (NCHE) ကလည်း တရားမဝင် ဘွဲ့အတုများပေးအပ်နေခြင်းကြောင့် အဆိုပါ ကျောင်း၏ လှုပ်ရှားဆောင်ရွက်မှုများကို ချက်ချင်းရပ်ဆိုင်း ပိတ်သိမ်းခိုင်းခဲ့သည်။ Dayspring သည် ၎င်းတို့၌ တရားဝင် အသိအမှတ်ပြုမှုရှိသည်ဟု ကြော်ငြာလေ့ရှိသော်လည်း ထိုအဖွဲ့အစည်းများသည် နိုင်ငံတကာအစိုးရများ သို့မဟုတ် ပညာရေး ဝန်ကြီးဌာနများက အသိအမှတ်မပြုထားသည့် ၎င်းတို့ဘာသာ သီးသန့်တည်ထောင်ထားခြင်းဖြစ်ပြီး အဆင့်မြင့် ပါရဂူဘွဲ့များနှင့် ဂုဏ်ထူးဆောင်ဘွဲ့များကို စနစ်တကျသုတေသနပြုလုပ်ခြင်း သို့မဟုတ် လူမှုထူးချွန်မှုများမလိုဘဲ ကြေးငွေပေးဆောင်ရုံဖြင့် အလွယ်တကူ ထုတ်ပေးနေခြင်းကြောင့် ပညာရေးကိုအကြောင်းပြကာ စီးပွားရှာနေသော Diploma Mill အဖွဲ့အစည်းအဖြစ် ကမ္ဘာ့ပညာရေးအသိုင်းအဝိုင်းတွင် သတ်မှတ်ထားကြသည်။ ထူးခန့်ကျော် အပါအဝင် လူသိများသူများအနေဖြင့် ထိုသို့သော တရားမဝင် အဖွဲ့အစည်းများ၏ ဂုဏ်ထူးဆောင်ဘွဲ့ ပေးအပ်ခြင်းကို လက်ခံရရှိကာ လူမှုကွန်ရက်တွင် ပျံ့နှံ့လာသည့်အခါ ၎င်းတို့ရရှိထားသည့် ဘွဲ့လက်မှတ်များ၏ ခိုင်မာမှုနှင့် ယုံကြည်စိတ်ချရမှုအပေါ် ပြည်သူများနှင့် ပညာရေးအသိုင်းအဝိုင်းကြားတွင် မေးခွန်းထုတ်မှုများနှင့် ဝေဖန်မှုများ ပြင်းထန်စွာ ထွက်ပေါ်လျက်ရှိသည်။ သရုပ်ဆောင်ထူးခန့်ကျော်သည် ရောဂါများကိုကုသရာတွင် ရေမန်း၊ ဆီမန်းများဖြင့် မန်းမှုတ်ခြင်းများကို သာအဓိကအသုံးပြုသူဖြစ်ပြီး ၎င်းသည် Dayspring International University ဆိုသည့် အဖွဲ့အစည်းမှ လူသားအကျိုးပြု ပါရဂူဘွဲ့ (Honorary PhD) ကို နိုဝင်ဘာ ၆ ရက်တွင်ရရှိခဲ့ခြင်းဖြစ်သည်။ Telegram Link https://t.me/MCPFighter Mandalay Police CDM Fighter