دەرگەکەتم لێ بکەوە دار و بەردی بەر دەرگەتان هاتنە تکا... 🎧گۆرانی: شەو ڕاکشا 🎙گۆرانی‌بیژ: #عەدنان_کەریم 👤شاعر: #عەبدوڵا_پەشێو #Peşêw #Ednan_Kerîm ☕️ | @KBC_LM

شەو ڕاشکا ئەژنۆم شل بوو مانگ بە تاقی ئاسمانەوە هەڵپڕووکا. دەرگەکەتم لێ بکەوە ئەم شەو هاتووم بۆ چنینی چەپکە نێرگزێکی چاوت بۆ وچانێ بۆ خەونێ، تۆزە گریانێ، لەسەر هەوری قژی خاوت... ئەم شەو هاتووم، ترووسکایی شاری یادگار بانگی کردووم لەگەڵ سیمای مناڵیما لەگەڵ خەمی شۆڕەبیما هاتووم و ناگەڕێمەوە. یا پێت دەگەم یا وەک مۆمێک دەسووتێم و دەتوێمەوە... دەرگەکەتم لێ بکەوە هەر دڵدارەکەی جارانم هەر کێڵگەکەی بەردەرگەتم هەر تینووەکەی بەر کڕێوه و با و بارانم... دەرگەکەتم لێ بکەوە من ئەو کەسەم تا دوێنێ بوو لەناو گەرووی ڕووناکیدا دەتشاردمەوە لەناو جامی مەترسیدا دەتخواردمەوە... کات لەژێر باڵی ئاسماندا خەریکە باوێشک دەدات شوێن، قولەڕەشێکی کپە دەرگەکەتم لێ بکەوە. شتێک نییە شیرینتر بی لە خشپەی پێ و چرپەی چپە... دەرگەکەتم لێ بکەوە. کفت و مانووی ڕێگەی دوورم وەکوو جاران کەمێک لە لات دەمێنمەوە و ڕادەبوورم... شەو ڕاشکا ئەژنۆم شل بوو مانگ بە تاقی ئاسمانەوە هەڵپڕووکا دەرگەکەتم لێ بکەوە دار و بەردی بەردەرگەتان هاتنە تکا... • عەبدوڵا پەشێو | شەونامەی شاعیرێکی تینوو | ☕️ | @KBC_LM

منیش یەکێ لەو تەماشاکەرانەم دڵ گیرۆدەی ئەم جوانی ئێوارنەم 🎧گۆرانی: لە ئاسمانی خۆرنشین 🎙گۆرانی‌بێژ: #لەیلا_فەرێقی 👤شاعر: #گۆران #Goran #Leyla_Ferêqî ☕️ | @KBC_LM