#nazm Bir sukut ichiga sig‘gulik kecha - Eng so‘nggi jonini yashaydi hilol. Yerga botib ketgan tomirin yechib, Raqsi Samo' tushar kelgindi shamol. Oshiq daraxtlarning barglarida ishq Tavof qilar zamin ostonasini. Nay tilida kuylar bir valiy qamish Nobud parilarning janozasini. Itlar uxlab yotar - karvon to‘xtagan, Bu kech aylanishdan tinadi zamin. Shamollar (masihiy kuchga o‘xshagan) Xanjardek jon suqar ko‘ksimga manim. Singlim kiyib olgan qora hijobning Etagida uxlar oppoq farishta. Baribir bilinmas karvon hisobi, Baribir charchamas itlar hurishdan. Nega tun bunchalik og‘ir gadoga? Nega shunday isyon uyg‘onar har kech? Nega dunyo bo‘m-bo‘sh, Faqat Xudo va Usiz daydiyotgan men dalli darvesh?.. ...Enkay olis osmon, Zamin, sen yumsha, U ozod qilmoqchi mendek jununni... ...Oy yetaklab borar yulduzlar ichra Eshakka teskari mingazib tunni. Farrux HASANOV 📕INTERPRETATSIYA

#nazm Yomg’irdan so’ng 🌧 Yomg’ir tindi, yupandi osmon, Maysalarning bosildi tafti. Yashasaydim yodingsiz oson nechadir kun, nechadir hafta… Ko’zlarimdan chiqmasang sizib, Yuragimda olmasang nafas. Qanotimni qo’ymasa ezib xotirlardan to’ralgan qafas. Yo’liqmasa eding zaminda Uchratmasa edi ko’r qismat. Esli ayol bo’lardim jinday, Aylanardim odamga qisman. Ko’z yoshimga ivitib ba’zan, ochman – qotgan baxtimni yeyman. Yomg’ir kabi oliy hodisam, sodir bo’lding, nima ham deyman. © Mehrinoz Abbosova 📕INTERPRETATSIYA

🐙 8-OKTYABR — XALQARO SAKKIZOYOQLAR KUNI! 📕INTERPRETATSIYA