(Yangi she’r va koo‘p yangiliklar bilan qaytdim) *** Necha fasl o‘tdi Sen haqda hech kimga og‘iz ochmadim* Garchi Yodingga isinib yashadim ko‘proq Umrimda kezindi chaynalgan sukut Kuyib ketdi gul bahorlarim Ko‘zlarimni o‘qi. Ko‘zlarim-maktub. Sekin pichirlayman ko‘hna quduqqa: Men keldim qoshingga, Tili kesik rozlarim bilan Ko‘zyoshim ichirib qayg’u tuniga Yuragimda ikkimiz hech vaqt yashamagan fasllarni ko’tarib– Men keldim. Sog‘inchimning shivirin tingla, Quloq pardalaring ko’tarsa. Har menga tikilgan besharm Chirkin Ko‘zimga qum sochgan xoin nigohlar ichidan Sening pok nigohlaringni Xotiram kengliklaridan Izlarkan Bir go’zal tush ichra Jimlik qa’rida Tasalli beraman ruhimga. Taqvim varaqlarkan Senli kunlarimni daraxt yaprog’iga osib qo’yaman Buvim sandig’iga yashirib qo’yaman ismingni. (Ortiq aldamayman o’zimni o’zim) Ey olis diydorim, ey qadim mashshoq, Og‘rig‘imni quchgin, yuragimdan o‘p. Sokin hayqiriqdan qochmagin. Axir Necha fasl o’tdi oradan Sen haqda hech kimga og‘iz ochmadim… ✍️Gulhayo Uralova *Bahrom Ro‘zimuhammad misrasi @Gulbashakkar