នៅសល់តែមួយថ្ងៃទៀតប៉ុននោះ! អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមគោរពអញ្ជើញលោកអ្នកចូលរួមក្នុងកិច្ចពិភាក្សាតុមូលក្រោមប្រធានបទ៖ «កម្ពុជាជាគំរូប្រកបដោយនវានុវត្តន៍សម្រាប់យុត្តិធម៌អន្តរកាល» ស្វែងយល់អំពីបទពិសោធន៍របស់ អ.វ.ត.ក. ក្នុងការស្វែងរកយុត្តិធម៌ ការផ្តល់សំឡេងដល់ជនរងគ្រោះ និងការបន្តថែរក្សាកេរដំណែលរបស់តុលាការ តាមរយៈការអប់រំ និងការចងចាំសម្រាប់មនុស្សជំនាន់ក្រោយ។ 💬 ប្រធានបទសំខាន់ៗដែលនឹងត្រូវលើកយកមកពិភាក្សា៖ • លក្ខណៈពិសេសនៃគំរូតុលាការចម្រុះរបស់ អ.វ.ត.ក. • ការចូលរួមរបស់ដើមបណ្តឹងរដ្ឋប្បវេណី និងការផ្តល់សំណងដល់ជនរងគ្រោះ 🗓 កាលបរិច្ឆេទ៖ ថ្ងៃទី១៥ ខែវិច្ឆិកា ឆ្នាំ២០២៦ ⏰ ម៉ោង៖ ៨:០០ ព្រឹក សូមអញ្ជើញមកដល់ទីតាំងកម្មវិធីមុនម៉ោង ៨ព្រឹក 📍 ទីតាំង៖ សាលសន្និសីទ ភូមិបារាំងហ្វ្រង់កូហ្វូនី សួនវត្តបទុម សូមអញ្ជើញចូលរួម ដើម្បីស្វែងយល់ និងពិភាក្សាអំពីការរួមចំណែករបស់កម្ពុជាក្នុងការលើកកម្ពស់យុត្តិធម៌ សន្តិភាព និងការចងចាំសម្រាប់មនុស្សជំនាន់ក្រោយ សម្រាប់ចុះឈ្មោះ៖ https://docs.google.com/forms/d/1B3Ul9mV3kLjckyWRMevSlGsFcK0brvnV0Wvmhjtven4/edit#responses

នៅសល់តែពីរថ្ងៃទៀតប៉ុននោះ! អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) សូមគោរពអញ្ជើញលោកអ្នកចូលរួមក្នុងកិច្ចពិភាក្សាតុមូលក្រោមប្រធានបទ៖ «កម្ពុជាជាគំរូប្រកបដោយនវានុវត្តន៍សម្រាប់យុត្តិធម៌អន្តរកាល» ស្វែងយល់អំពីបទពិសោធន៍របស់ អ.វ.ត.ក. ក្នុងការស្វែងរកយុត្តិធម៌ ការផ្តល់សំឡេងដល់ជនរងគ្រោះ និងការបន្តថែរក្សាកេរដំណែលរបស់តុលាការ តាមរយៈការអប់រំ និងការចងចាំសម្រាប់មនុស្សជំនាន់ក្រោយ។ 🗓 កាលបរិច្ឆេទ៖ ថ្ងៃទី១៥ ខែវិច្ឆិកា ឆ្នាំ២០២៦ ⏰ ម៉ោង៖ ៨:០០ ព្រឹក 📍 ទីតាំង៖ សាលសន្និសីទ ភូមិបារាំងហ្វ្រង់កូហ្វូនី សួនវត្តបទុម សូមអញ្ជើញមកដល់ទីតាំងកម្មវិធីមុនម៉ោង ៨ព្រឹក សម្រាប់ចុះឈ្មោះ៖ https://docs.google.com/forms/d/1B3Ul9mV3kLjckyWRMevSlGsFcK0brvnV0Wvmhjtven4/edit#responses

នាព្រឹកថ្ងៃសុក្រ ទី១៣ ខែវិច្ឆិកា ឆ្នាំ២០២៦ លោក Olivier Cadic សមាជិកព្រឹទ្ធសភាបារាំង និងជាតំណាងពលរដ្ឋបារាំងនៅក្រៅប្រទេស បានដឹកនាំគណៈប្រតិភូអញ្ជើញបំពេញទស្សនកិច្ចនៅមជ្ឈមណ្ឌលធនធាន អ.វ.ត.ក. ក្នុងគោលបំណងស្វែងយល់អំពីសមិទ្ធផលការងារ ដំណើរការអនុវត្តមុខងារសេសសល់ និងការបន្តថែរក្សាកេរដំណែលយុត្តិធម៌របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។ ដំណើរទស្សនកិច្ចនេះ ត្រូវបានទទួលស្វាគមន៍ដោយឯកឧត្តម ហែម ក្រាញ់ តូនី រដ្ឋលេខាធិការទីស្តីការគណៈរដ្ឋមន្ត្រី និងជាប្រធានរដ្ឋបាលស្តីទីនៃ អ.វ.ត.ក. ព្រមទាំងថ្នាក់ដឹកនាំជាន់ខ្ពស់ និងមន្ត្រីពាក់ព័ន្ធ។ ក្នុងឱកាសនោះ ថ្នាក់ដឹកនាំ អ.វ.ត.ក. បានជម្រាបជូនគណៈប្រតិភូអំពីសមិទ្ធផលសំខាន់ៗនៃការជំនុំជម្រះក្តី កេរដំណែលដែលតុលាការបានបន្សល់ទុក និងការបន្តអនុវត្តមុខងារសេសសល់តាមរយៈមជ្ឈមណ្ឌលធនធាន។ ការងារទាំងនេះផ្តោតលើការអភិរក្សឯកសារប្រវត្តិសាស្ត្រ ការថែរក្សាការចងចាំ ការអប់រំ និងការផ្សព្វផ្សាយចំណេះដឹងអំពីប្រវត្តិសាស្ត្រ និងយុត្តិធម៌ទៅកាន់សាធារណជន ជាពិសេសយុវជនជំនាន់ក្រោយ។