“عدة دول كاتوجد راسها لشي حادث كبير يقدر يغير معالم العالم والإعلام عندنا ضارب الدنيا بركلة بمعنى الكلمة

عندي واحد السؤال مصدعني من مدة جا فبالي وانا كنصلي شوية دبا (اصلا نيت السؤال على هاد الموضوع ديال التفكير وسط الصلاة) كيفاش كيقدر الشيطان يوسوس لبنادم وهو كيصلي، يعني ماشي كيفاش الطريقة، كيفاش كيقدر اصلا يقرب منك ونتا كاتصلي ياك المفروض الصلاة كادير علك حصن على الشياطين ولا انا غالط؟.. الصلاة كلها ذِكر للقرآن و تكبير لله عز وجل و نعل للشيطان... كيفاش كيقدر يوسوس للناس ويفكرهم فأشياء عشوائية وقعت لو فالنهار ديالو ولا حاجة دازت ونساها غا باش يمنعو من الخشوع فالصلاة لي المفروض اصلا هي حاجز بينك و بينو.. لي فاهم يفهمني هاد البلان را بصح مالقيت تا تفسير

في حالة عطاك الله شي بنت وهداها ليك فقد أعطاك أعظم رزق مُمكن يتعطى فهاد الزمن ونحن نرى ونسمع ما يقع فالواقع وخصك تحمدو عليه صباح مساء . في ظل هاد الانفتاح الوقّح على المنظومة الغربية وما واكب زمن العولمة من تطورات تكنولوجية أدت لاختراع الهاتف النقال لي أفسد أكثر مما أصلح، انتقلت الأسر من فضاء ديال الألفة والمودة والرحمة والحشمة لعشّ دبابير فيه حركة غير ذا منفعة، وولّينا فواحد الوقت لي ممكن أي بنت تسبب دمار نفسي شامل للأب ولكل مكونات الأسرة . فهاد الزمن ما تبقاش تقلب على الفلوس ولّى على الرفاهية ولّى دير شي قلوة للمستقبل، المهم تكون قادر تربي بنتك على واحد المرجعية دينية تخليها تخاف الله فيك ودير حساب لكرامتك وعزّة نفسك ووجهك وسط المجتمع. إلى عطاك الله بنت وهداها ليك فهو النعيم بعينيه. مُمكن تدوّز نهارك باش ما كان . تاكل بواطة السردين وتگول الحمد الله وتخرج تگرع على القوم . ممكن تتغطى بمانطة البنان وترگد في راحة تامة . ممكن تتعاطى مع المشاكل العادية بأذن من طين وتسد الباب وترتاح. ولكن المصيبة الأعظم هو إلى تمرغّت كرامتك في الأرض. ما تبقاش قادر ترفع راسك ولو عندك عشرة كيلو د اللحم فالثلاجة منين غا دوز . كيكون الأب مسكين فتمارة النهار كامل وعندو شي مصيبة مخلياه جثة بلا روح . جمجمة يسوط فيها برد الإهانة والإذلال بسبب وحدة من دمه . كيخرج ما يبقاش قادر يهز الرأس وسط القوم . القهوة ما يبقاش يدخل ليها خوفا من نظرات وألسنة الزبائن . الهضرة تخرج منو بزز حيث جاثمة عليه الحسرة. نتا كأب أو كأخ وعندك شي امرأة فالدار ومحافظة ليك على شرفك في ظل هاد القوادة لي دايرة بينا . بوس ليها راسها كل صباح وگول ليها .. سيري الله ارحم ليك الواليدين.