Novel review ဒီဝတ္ထုလေးက ဖတ်နေရင်းနဲ့ ဇာတ်ကောင်တွေရဲ့ ဘဝထဲကို ကိုယ်တိုင်ဝင်ရောက်နေသလို ခံစားရစေတဲ့ နွေးထွေးပြီး အဓိပ္ပာယ်ရှိတဲ့ ဇာတ်လမ်းတစ်ပုဒ်ပါ။ လန်ပေါင်ကျန်းရဲ့ ဘဝခရီးလမ်းကို အခြေခံထားပြီး အချစ်၊ အိမ်ထောင်ရေး၊ မိသားစုသံယောဇဉ်နဲ့ ကိုယ်ပိုင်အိပ်မက်တွေကို လက်တွေ့ကျကျ ပုံဖော်ထားပါတယ်။ အထူးသဖြင့် ရွှီရှန့်ကျယ်နဲ့ လျန်ပေါင်ကျန်းတို့ရဲ့ အိမ်ထောင်ရေးက ဒီဝတ္ထုရဲ့ အလှဆုံးအပိုင်းတစ်ခုပါပဲ။ တစ်ယောက်ကိုတစ်ယောက် ချစ်ခင်ကြင်နာရုံသာမက အခက်အခဲတိုင်းမှာ အပြန်အလှန်နားလည်ပေးပြီး အားပေးကူညီတတ်ကြတဲ့ သူတို့နှစ်ယောက်ရဲ့ ဆက်ဆံရေးက စာဖတ်သူကို ကြည်နူးစေပါတယ်။ ဒီဇာတ်လမ်းမှာ သဘောကျစရာကောင်းတာက အလှည့်အပြောင်းများနဲ့ လျန်ပေါင်ကျန်းဟာ အိမ်ထောင်ကျပြီး မိသားစုတာဝန်တွေရှိလာပေမဲ့ ကိုယ့်ရဲ့အိပ်မက်တွေကို လက်မလျှော့ဘဲ ဆက်လက်ကြိုးစားနေသူတစ်ယောက်ဖြစ်တာပါ။ ပေကျင်းတက္ကသိုလ်ကို ဝင်ခွင့်ရတဲ့အထိ ကြိုးစားခဲ့မှုကလည်း ကိုယ့်ဘဝကို ကိုယ်တိုင်ပြောင်းလဲနိုင်တယ်ဆိုတဲ့ အားပေးမှုတစ်ခုကို ပေးစွမ်းပါတယ်။ ဒါ့အပြင် မိသားစုတစ်စုရဲ့ တစ်ယောက်အပေါ်တစ်ယောက် ထားရှိတဲ့ မေတ္တာ၊ ချစ်စရာကောင်းတဲ့ မိသားစုဘဝ၊ အစိုးရပိုင်ဝါဂွမ်းစက်ရုံထဲက လုပ်ဖော်ကိုင်ဖက်တွေရဲ့ နေ့စဉ်ဘဝနဲ့ ရယ်မောစရာအဖြစ်အပျက်လေးတွေက ဇာတ်လမ်းကို ပိုပြီးအသက်ဝင်စေပါတယ်။ ဒီဝတ္ထုဟာ အချစ်ဇာတ်လမ်းတစ်ခုတည်းကိုသာ ဦးစားပေးထားတာမဟုတ်ဘဲ ခေတ်ကာလရဲ့ လူမှုဘဝအပြောင်းအလဲတွေ၊ မိသားစုအတွင်းက တာဝန်ယူမှုတွေ၊ အမျိုးသမီးတစ်ယောက်ရဲ့ ကိုယ်ပိုင်တန်ဖိုးနဲ့ ရှေ့ဆက်ကြိုးစားလိုစိတ်တွေကိုပါ ထင်ဟပ်စေပါတယ်။ အနှစ်ချုပ်အားဖြင့် ရင်ခုန်စရာအချစ်၊ နွေးထွေးတဲ့မိသားစုဘဝ၊ ဟာသလေးတွေနဲ့ ဘဝအတွက် အားတက်စရာသင်ခန်းစာတွေကို တစ်နေရာတည်းမှာ ခံစားနိုင်တဲ့ ဝတ္ထုကောင်းလေးတစ်ပုဒ်ပါ။ ဇာတ်လမ်းပြီးဆုံးသွားတဲ့အခါမှာတောင် လျန်ပေါင်ကျန်းနဲ့ ရွှီရှန့်ကျယ်တို့ရဲ့ ဘဝကို ဆက်လက်မြင်တွေ့ချင်နေမိစေမယ့် ဇာတ်လမ်းမျိုးပါပဲ။ မိသားစုဘဝ၊ အိမ်ထောင်ရေးနဲ့ ဘဝတိုးတက်မှုအကြောင်း ဖတ်ရှုရတာနှစ်သက်သူတွေအတွက် အထူးညွှန်းဆိုချင်တဲ့ ဝတ္ထုလေးတစ်ပုဒ်ပါပဲ။ #70s

တနေ့မှာ ကိုယ်က ဝတ္ထုစာအုပ်ထဲကို ကူးပြောင်းသွားပြီး အချစ်ရူးလေးဖြစ်နေမယ်ဆို ဘယ်လိုဆက်ရှင်သန်ကြမလဲ။ ကျွန်မတို့ရဲ့ မမ ဝမ်ယန်ကတော့ စနစ်တ်စခုပါလာတော့ အေးဆေးလေးပဲနားနေဖို့ အကြောင်းဖန်ခဲ့တာပေါ့။ ဒါပေမဲ့လည်း အတင်းပြောဖရဲသီးစနစ်က စိတ်ဖတ်နိုင်ကြောင်းပါမသိခဲ့ဘူးလေ။ အလွဲတွေကြားထဲ သူဘယ်လိုဆက်ရင်ဆိုင်သွားမလဲဆိုတာ ပေါ့ပေါ့ပါးပါးလေးဖတ်ရမှာပါရှင် စဆုံး ၁၂၀၀၀ ပါ‌။ paid စဖွင့်ပါပြီရှင့်။