ယတြာတွေချေပြီး အကြင်နာမျက်ဝန်းကို မြင်ရဖို့ နှလုံးသားနဲ့တောင် လတ်ထိုးကြည့်ခဲ့ပါသေးတယ်။ ဗေဒင်ဆရာဆီက မကြားချင်ဆုံးစကားက စောင့်ပါဦးတဲ့။ ဆူညံနေတဲ့ ပေါက်ကွဲသံတွေကို ထိန်းဖို့ ဘယ်ဆရာမှ မကယ်နိုင်တဲ့ ရောဂါသည်ပါ။ ဆရာမလေးရဲ့ လက်နုနုလေးတွေနဲ့ ကုသပေးမှ ပျောက်မဲ့ကောင်မို့ မြဲမြဲကိုင်ပြီး ဖေးမပေးပါ ဆရာမလေးရယ်။ ရှေ့ရေးကိုလည်း တွေးပါတယ်။ ပျော်ရွှင်ခြင်းကို သယ်ဆောင်ဖို့ ဒီကောင်ကြီးရဲ့ ရင်ခုန်သံတွေ ရင်းနှီးထားပါတယ် ဆရာမလေးရယ်။ ~ မင်းဘုန်းလူ [မန်းမြေ] ✓

“မပြောဖြစ်ခဲ့တဲ့ လွမ်းခြင်း” တစ်ခါတလေတော့လည်း လွမ်းတယ်ဆိုတဲ့ စကားကို မပြောချင်တော့ဘူး၊ ပြောလိုက်လို့လည်း မင်းပြန်လာမှာမှ မဟုတ်တာ။ တိတ်ဆိတ်နေတဲ့ ညတွေမှာ မင်းနဲ့ပတ်သက်တဲ့ အမှတ်တရတွေကို တစ်ခုချင်းစီ ပြန်ဖွင့်ကြည့်မိတယ်။ ရယ်မောခဲ့ဖူးတဲ့ နေ့ရက်တွေက အခုတော့ မျက်ရည်ကျစရာ အကြောင်းပြချက်တွေ ဖြစ်လာတယ်။ မင်းမသိနိုင်တဲ့ နေရာတစ်ခုမှာ မင်းကို မျှော်နေတဲ့ နှလုံးသားတစ်စုံ ရှိနေတယ်။ မင်းမကြားနိုင်တဲ့ ညတစ်ညတိုင်းမှာလည်း မင်းနာမည်ကို တိတ်တိတ်လေး ရေရွတ်နေမိတယ်။ အနီးမှာမရှိတော့လို့ မေ့သွားတာမဟုတ်ဘူး၊ ဝေးကွာသွားလေလေ ပိုလွမ်းရလေလေပါပဲ။ တချို့လူတွေက အမှတ်တရအဖြစ်ပဲ ကျန်ခဲ့ပေမဲ့ ရင်ထဲမှာတော့ ထာဝရနေရာယူထားကြတယ်။ 𝐘𝐮𝐫𝐢♡︎

“မင်းအပြုံးလေးမှာ ကျရှုံးသူ” မင်းအပြုံးလေးတစ်ချက်ကြောင့် ကိုယ့်ရဲ့နေ့ရက်တွေ လှပသွားတယ်၊ မင်းရဲ့အသံလေးတစ်ချက်ကြောင့် ပင်ပန်းနေတဲ့စိတ်တွေ အေးချမ်းသွားတယ်။ မင်းကိုချစ်မိတာ အမှားဆိုရင်တောင် အဲဒီအမှားလေးကို ပြင်ဆင်ဖို့ မကြိုးစားချင်ဘူး၊ ဘာလို့လဲဆိုတော့ မင်းကိုချစ်နေရတဲ့အချိန်တိုင်း ကိုယ်ဟာ ကမ္ဘာပေါ်မှာ ကံအကောင်းဆုံးလူ ဖြစ်နေလို့ပါ။ မင်းဆံပင်လေး လေတိုက်လို့ လွင့်သွားရင်တောင် ကိုယ်က ငေးကြည့်နေချင်သူ၊ မင်းစိတ်ကောက်တဲ့ မျက်နှာလေးကိုတောင် အကြိမ်ကြိမ် ချစ်မိနေမယ့်သူပါ။ မင်းကို ပန်းတစ်ပွင့်လို လှပလို့ ချစ်တာမဟုတ်ဘူး၊ ကိုယ့်ရဲ့ကမ္ဘာတစ်ခုလုံးကို မင်းတစ်ယောက်တည်းက လှပအောင် ဖန်တီးပေးနိုင်လို့ ချစ်တာပါ။ 𝐘𝐮𝐫𝐢♡︎