ဆန်းကြယ်ဆန်းပြားတံခါးစနစ် ​သွေးမျက်လုံးခုနစ်ခုဂိုဏ်း၏ တတိယမြောက် တောင်ထိပ်ဂိုဏ်း ဖြစ်ပြီး ဝမ်ကူ တိုက်ကြီး ၏ ဂိုဏ်းကြီး ၇ ခု မဟာမိတ်အဖွဲ့တွင် ပါဝင်သော ဂိုဏ်းတစ်ခု ဖြစ်ပါသည်။ ၎င်းတို့သည် မိမိဂိုဏ်းသားများကို အစွမ်းကုန် အကာအကွယ်ပေးတတ်ပြီး ဆန်းကြယ်ဆန်းပြားသည့် ကိစ္စရပ်များနှင့် အမြဲမပြတ် ထိတွေ့ဆက်ဆံလေ့ရှိရာ ပြုမူဆောင်ရွက်ပုံများမှာ ဆန်းကြယ်၍ ခန့်မှန်းရခက်လှပေသည်။ ​၎င်းဂိုဏ်း၏ ကျင့်စဉ်လမ်းစဉ်မှာ သွေးကြော ကို အဓိကထား၍ ကျင့်စဉ်ပညာရပ်များကို အထောက်အကူအဖြစ် အသုံးပြုကြခြင်းဖြစ်ပြီး ဂိုဏ်းအတွင်း၌ သွေးကြောအရင်းအမြစ် မဟာ ၄ မျိုးကို ပူဇော်ထားကြကာ တပည့်များသည် ဆန်းကြယ်သော အရာများကို ထိန်းချုပ်နိုင်ရန်အတွက် ထိုသွေးကြောများကို မိမိတို့၏ ခန္ဓာကိုယ်အတွင်းသို့ အစားထိုးကျင့်ကြံကြရသည် (ဥပမာ - စီမာမျိုးနွယ်စု၏ ဖုန်းယိုသွေးကြောကဲ့သို့ ဖြစ်သည်)။ ထို့ကြောင့်ပင် ဤဂိုဏ်းမှ တပည့်အများစုသည်စိတ်နေသဘောထား ပုံမှန်မဟုတ်ကြဘဲ အာဃာတ မာနကြီးမားကြသူများ ဖြစ်ကြပေသည်။ 

တုန်းယူကျွန်းသခင် မျက်နှာသွင်ပြင်မှာ ခြောက်သွေ့လှပပြီး အပြာရောင် ဝတ်ရုံဟောင်းကို ဝတ်ဆင်ထားကာ စကားနည်းပါးသည့် အဘွားအိုတစ်ဦးဖြစ်ကာ ငယ်ရွယ်စဉ်ကတည်းက ကြင်ဖော်မပါဘဲ မုဆိုးမအဖြစ် ရပ်တည်ခဲ့သူ ဖြစ်သည်။ သူမ၏ ကျင့်ကြံမှုအဆင့်မှာ နတ္ထိပြန်အဆင့် သို့ ရောက်ရှိနေပြီး နန်ဖုန်း နယ်မြေတွင် အမည်ကျော်ကြားကာ၊ နယ်ပယ်ကို အောင်မြင်စွာ ဖောက်ထွက်ပြီးနောက် သွေးသန့်စင်ခြင်းနယ်ပယ်၏ အပြင်ဘက်သို့ ရောက်ရှိသွားခဲ့သော်လည်း သူမ၏ စိတ်နေသဘောထားမှာ လောကီရေးရာများကို တစ်ခါမျှ စိတ်ဝင်စားခြင်း မရှိဘဲ ဆက်ဆံရေး တည်ဆောက်ရန်အတွက်လည်း သွေးမျက်လုံးခုနှစ်ခုဂိုဏ်း မှလွဲ၍ မည်သူ့ကိုမျှ မိတ်ဖွဲ့ပေါင်းသင်းခြင်း မရှိခဲ့ပေ။ တုန်းယူကျွန်းသည် သွေးမျက်လုံးခုနစ်ခုဂိုဏ်း၏ လျှို့ဝှက် မဟာမိတ်တစ်ဦးဖြစ်ပြီး မျိုးနွယ်စုလေးခုနှင့် စစ်ပွဲများဖြစ်ပွားချိန်က လူသားမျိုးနွယ်၏ စစ်အလံကိုပင် ငှားရမ်းကာ အတူတကွ တိုက်ပွဲဝင်ခဲ့ဖူးသူ ဖြစ်သည်။ 

မူရင်း ဘာသာပြန်တင်ဆက်ပေးနေသော SoulAnimedom Main Channel ကို Join ထားခြင်းဖြင့် အားပေးကူညီနိုင်ပါသည် 🔵Main Channel https://t.me/SoulAnimedom