🎓 ለዩኒቨርሲቲ መውጫ ፈተና (Exit Exam) እየተዘጋጁ ነው? ዝግጅትዎ አሁን ቀላል ሆኗል! 🤖 TeleExam AI ን ይተዋወቁ — በቴሌግራም ላይ የሚገኝ፣ በሰው ሰራሽ አስተውሎት (AI) የሚደገፍ የመውጫ ፈተና ዝግጅት ረዳትዎ! 📚 የሚከተሉትን የትምህርት ክፍሎች ያካትታል፦ Computer Science Software Engineering Electrical and Computer Engineering Nursing Medical Radiology Technology Marketing Accounting Management Business Management Economics And more courses are being added! 🚀 ✅ Past exam questions ✅ Timed exam simulations ✅ AI-powered explanations ✅ Performance tracking and more Do not just prepare. Prepare smarter! 🤖 Try the bot: https://t.me/TeleExamAI_bot 📢 Join our Telegram channel: https://t.me/TeleExamAI 🎥 Follow us on TikTok: https://www.tiktok.com/@teleexamai Share with your classmates and friends preparing for the Exit Exam! 💙 https://t.me/AWHSC12

ደብረ ብርሃን ዩኒቨርሲቲ ሐኪም ግዛው ሆስፒታል የዲጂታል ክፍያ ሥርዓትን ሙሉ በሙሉ ወደ ሥራ አስገባ =========================================== ጥቅምት 30 ቀን 2019 ዓ.ም፡፡ ደብረ ብርሃን ዩኒቨርሲቲ ሐኪም ግዛው ሆስፒታል ከጥቅምት 23/2019 ዓ.ም ጀምሮ የዲጂታል ክፍያ ሥርዓትን ሙሉ በሙሉ ወደ ሥራ ማስገባቱን አስታወቀ። በደብረብርሃን ዩኒቨርሲቲ አስራት ወልደየስ ጤና ሳይንስ ካምፓስ ሐኪም ግዛው ሆስፒታል የጤና አገልግሎት ኮርፖሬት ምክትል ዳይሬክተር ዶ/ር ዘመድ ገለታ በሰጡት ማብራሪያ፣ ሐኪም ግዛው ሆስፒታል በተለያዩ የዲጂታላይዜሽን ሥራዎች ላይ ሲሠራ መቆየቱን ገልጸዋል። አዲሱ የዲጂታል ክፍያ ሥርዓትም የተገልጋዮችን እንግልት ለመቀነስ፣ የገንዘብ ዝውውርን ለማዘመንና የፋይናንስ ሥርዓቱን ይበልጥ ቀልጣፋ ለማድረግ የሚያግዝ እርምጃ መሆኑን አስረድተዋል። የለውጡ ሂደት ለተገልጋዮችና ለታካሚዎች የሚኖረውን እንግልት ለመቀነስና በሽግግሩ ወቅት ሊፈጠር የሚችለውን ግራ መጋባት ለመከላከል፣ ቴሌብርን ጨምሮ አጋር የባንክ ተቋማት ወኪሎቻቸውን በሆስፒታሉ ተገኝተው ድጋፍ እያደረጉ መሆኑን ተናግረዋል፡፡ እንዲሁም የክፍያ ሥርዓቱ ያለ መዘግየትና መቋረጥ በተረጋጋ ሁኔታ እንዲሠራ የአይሲቲ ባለሙያዎች በቅርበት ክትትል እያደረጉ መሆኑንም አመልክተዋል። በካምፓሱ የኢንፎርሜሽን ኮሙኒኬሽን መሠረተ ልማትና አስተዳደር ቡድን መሪ አቶ ሰለሞን ደምሰው እንደገለጹት፣ ሐኪም ግዛው ሆስፒታል ከተቋቋመበት ጊዜ ጀምሮ ወረቀት አልባ የሕክምና አገልግሎት ሲሰጥ ቢቆይም፣ የክፍያ ሥርዓቱ ግን በጥሬ ገንዘብ ላይ የተመሠረተ ነበር ብለዋል። ይህንን ሥርዓት ለማዘመን፣ የእጅ በእጅ ክፍያን ለማስቀረትና የአገልግሎት አሰጣጡን ፈጣንና ቀልጣፋ ለማድረግ፣ ከኤሌክትሮኒክስ የሕክምና መዝገብ (Electronic Medical Record) ሥርዓት ጋር የተሳሰረውን “StarPay” የተሰኘ የክፍያ ጌትዌይ ሶፍትዌር ከንግድ ባንክ፣ ከቴሌብር፣ ከዳሽን ባንክ፣ ከአቢሲኒያ ባንክና ከሌሎች የባንክ ተቋማት ጋር በማቀናጀት ወደ ሥራ ማስገባት መቻሉን ገልጸዋል። አቶ ሰለሞን አክለውም፣ አዲሱ የክፍያ ሥርዓት ደህንነቱ የተጠበቀ፣ የተገልጋዮችን ፍላጎት ያማከለና ተደራሽ መሆኑን ጠቁመዋል። የክፍያ ሥርዓቱ ተገልጋዮች ጥሬ ገንዘብ ይዘው ከመንቀሳቀስ ጋር የተያያዙ ስጋቶችን ከመቀነሱም በላይ የገንዘብ ተቀባዮችን ከጥሬ ገንዘብ ጋር የሚኖራቸውን ንክኪ በመቀነስ የፋይናንስ ደህንነትንና የመንግሥትን የዲጂታል ኢኮኖሚ አቅጣጫ የሚደግፍ መሆኑን አብራርተዋል። በሆስፒታሉ ባደረግነው ምልከታም የቴሌብር፣ የንግድ ባንክና የሌሎች የባንክ ተቋማት ወኪሎች ለተገልጋዮች ፈጣንና ቀልጣፋ የክፍያ አገልግሎት ሙያዊ ድጋፍ ሲሰጡ መመልከት ተችሏል። https://t.me/AWHSC12 https://t.me/AWHSC12