Телеграм канал «Zulfiqori aziz Зулфикори азиз»

بیا، ای بیدل از کار مانده
ز بیم اندر پس دیوار مانده

دلیری کن، که میدان از دلیرست
اگر روبه دلیر افتاد شیرست

دلی کز هیبت آهی بلرزد
بر صاحبدلان کاهی نیرزد

دلیرانی که دور از بیم بودند
سپهسالار هفت اقلیم بودند

چه خوش گفتند مردان جگردار
که: پایی پیش نه، دستی برون آر

کزین دست از همه کس پیش باشی
باین پا از همه کس بیش باشی

ره صحرای رسوایی گریزست
کلید مملکت شمشیر تیزست

بیک دم عالمی را فتح کردن
به از ننگ همه عالم بگردن

سر دشمن روان از تن جدا کن
وگر نه رو سر خود را فدا کن

اگر صد سال زیر سنگ باشی
ازان بهتر که زیر ننگ باشی

ز غیرت گر یکی مردانگی کرد
تو گویی جاهلی، دیوانگی کرد

مگو: جاهل، که جای حیرتست این
به از صد عاقل بی غیرتست این

مترس از جان، که گر دل ترسناکست
هم از ترس خودش بیم هلاکست

قویدل شو، که در میدان مردی
گر از کشتن بترسی کشته گردی.

Биё, эй бедили аз кор монда,
Зи бим андар паси девор монда.

Далерӣ кун, ки майдон аз далер аст,
Агар рӯбаҳ далер афтод, шер аст.

Диле к-аз ҳайбати оҳе биларзад,
Бари соҳибдилон коҳе наярзад.


Далероне, ки дур аз бим буданд,
Сипаҳсолори ҳафт иқлим буданд.


Чӣ хуш гуфтанд мардони ҷигардор,
Ки: «Пое пеш неҳ, дасте бурун ор».


К-аз ин даст аз ҳама кас пеш бошӣ,
Ба ин по аз ҳама кас беш бошӣ.


Раҳи саҳрои расвоӣ гурез аст,
Калиди мамлакат шамшери тез аст.


Ба як дам оламеро фатҳ кардан,
Беҳ аз нанги ҳама олам ба гардан.


Сари душман равон аз тан ҷудо кун,
Вагарна рав, сари худро фидо кун.


Агар сад сол зери санг бошӣ,
Аз он беҳтар, ки зери нанг бошӣ.


Зи ғайрат гар яке мардонагӣ кард,
Ту гӯӣ ҷоҳиле, девонагӣ кард.


Магӯ: «Ҷоҳил», ки ҷойи ҳайрат аст ин,
Беҳ аз сад оқили беғайрат аст ин.


Матарс аз ҷон, ки гар дил тарснок аст,
Ҳам аз тарси худаш бими ҳалок аст.


Қавидил шав, ки дар майдони мардӣ,
Гар аз куштан битарсӣ, кушта гардӣ.
(Бадриддин Ҳилолӣ)

telemetr.me/gazaltj

Ало, ай рӯи ту сад моҳу маҳтоб,
Магӯ шаб гашту бегаҳ гашт, биштоб.

Маро дар сояат, ай Каъбаи ҷон,
Ба ҳар масҷид зи хуршед аст меҳроб.

Ғалат гуфтам, ки андар масҷиди мо
Буруни дар бувад хуршед баввоб.

Аз ин ҳафт осиё мо нон наҷӯем,
Нанӯшем об мо з-ин сабз дӯлоб.

Мусаббиб ӯст асбоби ҷаҳонро,
Чӣ бошад тору пуди лоф асбоб.

Зи мастӣ дар ҳазорон чаҳ фитодем,
Бурунмон мекашад ишқаш ба қуллоб.

Чӣ равнақ дорад аз ту маҷлиси ҷон,
Зиҳӣ, чашму чароғу ҷони асҳоб!

Бихандад боғи дил з-он сарви муқбил,
Биҷӯшад хуни мо з-ин шохи унноб.

Футӯҳ андар футӯҳ андар футӯҳӣ,
Туйи мифтоҳу Ҳақ фаттоҳи абвоб.

Зи нафтандози ишқи оташинат
Замину осмон ларзон чу симоб.

Бари мастонаш ояд ме ба даъво,
Халақ гардад, биронандаш ба мизроб.

Хамуш кун, хатм кун, ай дил, чу дидӣ,
Ки он хубӣ намегунҷад дар алқоб.
(Мавлоно Ҷалолуддин Балхӣ - Румӣ)

telemetr.me/gazaltj

telemetr.me/gazaltj

Банда ҳамон беҳ, ки зи тақсири хеш,
Узр ба даргоҳи Худо оварад.
Варна сазовори худовандияш,
Кас натавонад ки ба ҷо оварад.
telemetr.me/gazaltj

Дар ғами дунё ба дунёбехабар бовар макун,
Эй сафарнодида ту бар навсафар бовар макун.

Дӯст бар сайри ҷаҳон хонад агар, бо ҷон бирав,
Душманат гӯяд баро то пушти дар, бовар макун.

То нарезад заҳр аз дандони мори куштаат,
Боз ҳам ҳушёр бош, аз ин зафар бовар макун.

Чун гувоҳи марги Сӯҳроб аст шамшери падар,
Дар набарди зиндагонӣ бар падар бовар макун.

Гар ба чашми дил набинӣ покии виҷдони кас,
Ҳеҷ гаҳ бар заррабини чашми сар бовар макун.

Тифлакон хобанд дар гаҳвораҳои чӯби бед,
Бедро гӯянд нахли бесамар, бовар макун.

Саидҷон Ҳакимзода

Дар ғами дунё ба ДУНЁБЕХАБАР...

telemetr.me/gazaltj

Ин ҷони орият, ки ба Ҳофиз супурд дӯст,
Рӯзе рухаш бубинаму таслими вай кунам.

telemetr.me/gazaltj