Телеграм канал «Алаш сөзі / Тарихи-танымдық арна/»

📸 Астана, Алматы және облыс орталықтарында тұратын балалар жазушыларының ортақ базасы жасақталып, арнайы фотосессия ұйымдастырылды. 🎥 Республикалық газет-журнал, телеарна мен радиоларда балалар мен жасөспірімдер әдебиеті туралы мақала, сюжет көрсетілді. 🎁 2026 жылы «Балалар әдебиеті. Шығармашылық зертхана құпиясы»; «Бүгінгі балалар әдебиеті: жазушы, шығарма және қоғам» балалар жазушыларының шығармашылығына арналған портреттік талдаулар жинағы және «Балалар әдебиеті кеңесінің тарихы» хроника, фотоальбом кітабы оқырманға жол тартады. ❤️ Менің әр жобамды ұлттық жоба деп танып, қаражат бөліп, қолдап жүрген кәсіпкер аға-достарыма мың алғыс! Кәсіптеріңізге береке берсін! ATA Creative Hub баспасының Айкүміс Сайлауханқызы, Гүлшат Бақытжан бастаған ұжымыма ризашылық айтамын! Біз ұлы жолдамыз! Алла жар! 👍 Қанша жылдан бері еңбектері бағаланбай жүрген, бірақ балалар мен жасөспірімдер әдебиетінің туын биіктен көтерген Duisenbek Magulumov ағам, Бағдат Мәжитұлы ұстазым, Жаркенттегі бағбан Бағдат Айтмұқаева , ғажап ертегіші Adina Zhusipova , сан қырлы талант Мира Сембайқызы , Қызылордадағы дарынды ақын Ержеңіс Тастыбай Әбді -нің Қазақстан Жазушылар одағы-ның мүшесі атануы — олқылықтың орны толған, бүкіл қаламгер қуанған нағыз мерейлі сәт. 🫂 Осы азаматтар одаққа өтуге әбден лайық деген кеңес ағзалары Арасанбай Жексенбекұлы , Қанат Қайым , Ділдәр Мамырбаева тілектестерім, тікелей кураторымыз Бейбіт Сарыбай ағам болып, төрағамыз Мереке Әбдешұлы ағайға айтып жүріп, қабылдаттық 😍 Бұл — рухани әулет жеңісі 😇 Мереке ағамыз балалар әдебиетінің үлкен жанашыры. Сонымен қатар, жас талап Жақсылық Мұратбек пен Мұхаммед-Қанапия Шарханұлы су жаңа ҚЖО мүшелері атанды 💪 ❤️ “жүрегі бар жалғыз үй” ұжымына, Ғазиза Құдайберген бастаған балалар әдебиетінің достарына🙏 📚 Әлі талай сеңді бұзамыз! Шаруа — көп, уақыт — өлшеулі. (Құдайым өзі жар болсын!). Мақсат — әр балалар жазушысы жазған туынды креатив өнімге айналып, қаламгер имиджін қалыптастырсын! Ол бренд тұлға болсын! 🤲 🇰🇿 Енді балалар жазушысы болу — сәнге (модаға) айналады. Әлемде солай! Бізде де солай болсын! Елдос Алаштың фейсбуктағы жазбасынан

Бес айдағы белес 📌 2025 жылғы 29 шілдеде кеңес төрағасы, жазушы Нұрдәулет Ақыш өз еркімен қызметінен босаған соң, кеңес мүшелері мені ашық дауыспен сайлады. Сонымен, ҚЖО Балалар мен жасөспірімдер әдебиеті жанрлық кеңес төрағасы қызметім (Бұл қызметтен мен айлық алмаймын. Ақысыз-пұлсыз, балалар әдебиетіне болсыншы деген еріктілік ниетім ғана 🙂) туралы бірер сөз: 📌 2025 жылдың екінші жарты жылдығында «Балалар әдебиетінің бағбандары» сериялық жобасы қолға алынып, Өтепберген Ақыпбекұлы, Тоқаш Бердияров, Беибут Коишибаев , Серікбай Оспанұлы, Нұрдәулет Ақыш, Бейсебай Кірісбайұлы туралы естелік, портреттік мақалалар жинағы жарық көрді. 📌 «Балалар кітапханасы» сериялық жобасы да басталып, осы тізбек аясында Қуандық Түменбай мен Сауле Досжанова -ның кітабы жарыққа шықты. Жиын барысында жазушы, әдіскер педагог Бижан Игенбаева -ның кеңесімен жазылған кітаптарымыз да таныстырылды. Жалғасы👇🏻

Баршаңызға қайырлы күн! Мына жаңылтпаштарды балаңызбен бірге отырып жаттаңыз. Жаңылтпаш — баланың әріп пен дыбысты дұрыс айтуға дағдыландыратын керемет тәсіл. Әрі ойлау, тез айту қабілеті дамиды. Өтірік  жаңылтпаштар Құлыншақтай ұрыншақты Қуыршаққа ұрғыздым. Құрықшадан қырық шақты Клуб, шахта тұрғыздым.          Х х х Шілден мүлдем жүр аулақ, Мінсең, жығар бұл аунап. Теппес мінсең, піл аулап, Кетпес, білсең, бұл алдап.    Х  х  х Бұлттан ұлтан қашадым, Құрттан сүт, нан жасадым. Шықтан ұрттап су ішіп. Сағымды сн асадым.     Х  х  х   Қақпасына қораның Қақтым шырпы қорабын. Ене алмайды енді оған Борасын да бораның.     Х  х  х   Құлынның тұлымын Бұрымыммен тарадым. Шынының сынығын Шұлығыммен жамадым.    Х  х х   Ши тоқыдым шиеден, Теңіз кештім түйемен. Күйме жасап инеден, Үй тұрғыздым түймеден.      Х  х  х   Мая-мая мияны Жалғыз маса жияды. Сауыт-сауыт сияны Тауық тауып құяды.   Х  х  х   Жолбрыстың Он барыс Тазалады табанын. Он барысты Он қарыс Қамыс торға қамадым.     Х  х  х   Құлан Қырқып жыланды, Қырық құлаш қыл алды. Жылан Жұтып бұланды, Қақалмады, Қуанды!        Авторы — Өтепберген Ақыпбекұлы

Алматыда тұратын құрметті достар! Баршаңызды 14 қаңтар сағат 11:00-де Ұлттық кітапханаға шақырамын! Келіңіз! Төр — Сіздікі! Келген қонағымызға тегін кітап сыйлаймыз 😍 Бүгінгі балалар әдебиетінің даму көкжиегін таныңыз, жазушыларды жүзбе-жүз көріңіз!

Ә. Дүйсенбиев «Не деу керек өлеңі» Апаң сенің базардан Алма сатып әкелді Ең үлкенін жақсысын Саған таңдап әперді Не деп барып жеу керек?   Балалар жүр көшеде Естіледі шу айқай Сенде шықтың көршіңді Қағып кеттің байқамай Мұндайда не деу керек?   Осы келген бетіңде Допты қудың, жарыстың Көшенің сол шетінде Кезікті бір танысың Ұмыттың сен не деуді?   Үй артында қоқысты Жатқан көптен үйіліп Тазалайды қарт кісі Белі зорға иіліп Не дегенің жөн еді?   Әжең сенің түскі асқа Қант пен кәмпитті салды мол Жұрттан бұрын ыдысқа Ай шай жоқ салдың қол Жөн еді не айтқаның?   Добын апар Назардың! Деді ағаң бармадың Тапжылмадың, сазардың, Аға тілін алмадың Сен қай сөзді айтпадың?

Кімнің 5-7 жастағы баласы болса, соған мына зор өлеңді жаттатыңыздар. Әр сұрақты екпінмен оқып, түсіндірсеңіз балаңыз этиканы ұғынып, әдепті болып өседі. Ал, ендеше, өсіріп отырған жемісіңіз мәуелі бәйтерекке айналсын!

Сүйікті менің оқырмандарым! Әзиз достарым! Қасиетті жұма мүбәрак болсын! Кімнің қандай мұқтаждығы болса, шарапаты мол Раббым соны Сізге нәсіп етсін! Әр қазақ ырзық-несібелі болсын! Әр қазақ оқыған, білімді болсын!