Телеграм канал «Xushnudbek.uz»

❗️DXX: Toshkent tumani hokimi o‘rinbosari qo‘lga olindi

Ta’kidlanishicha, Toshkent viloyati Toshkent tumani hokimi o‘rinbosari tadbirkorga qurilish texnologiyalari va kompozit eshiklar ishlab chiqarish sanoat majumasi tashkil etishi uchun tuman hokimligi balansida bo‘lgan 1 gektar yer maydonini davlat aktivlarini boshqarish tizimidagi tanishlari orqali auksion savdolarga chiqarib, olib berish evaziga 25 ming dollar talab qilgan.
 
O‘tkazilgan tezkor tadbirda hokim o‘rinbosari so‘ralgan pul mablag‘ini olgan vaqtida ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.


👉 @xushnudbek 👈

Jumaboyev Akmal Muradovich Yakkasaroy tumani hokimi etib tayinlandi.

Bunga qadar u Sergeli tumani hokimining birinchi o‘rinbosari edi.


👉 @xushnudbek 👈

❗️Toshkentning uchta tumaniga yangi hokim tayinlandi

➖ Abdulxakov Abdulaziz Axatovich Yashnobod tumani hokimi etib tayinlandi.

Bunga qadar u “UET Construction” MChJ ijtimoiy obyektlarni qurish departamenti direktori edi.

***

➖ Temirov Lazizbek Pulatovich Yangihayot tumani hokimi etib tayinlandi.

Bunga qadar u Yashnobod tumani hokimining birinchi o‘rinbosari edi.

***

➖ Inogamov Hayot Ilyasovich Chilonzor tumani hokimi etib tayinlandi.

Bunga qadar u Yangihayot tumani hokimi edi.


👉 @xushnudbek 👈

Allabergenova Nilufar Anvarovna Toshkent shahar prokurori o‘rinbosari etib tayinlandi.

Bunga qadar u Yakkasaroy tumani hokimi edi.


👉 @xushnudbek 👈

Pedagoglarning kontraktda o‘qiyotgan farzandlari uchun beriladigan 30 foiz chegirma haqida ayrim ma’lumotlar

✅ Chegirma faqat DAVLAT oliygohida KUNDUZGI ta’limda o‘qiyotgan talabalar uchun beriladi;

👥 Chegirma har bir farzand uchun alohida qo‘llanadi. Demak, bir necha farzand kontraktda o‘qisa, barchasi uchun alohida 30 foizlik chegirma beriladi.

📝 Chegirma olish uchun kontrakt.edu.uz orqali ariza yuborish kerak. Ariza 2 ish kunida ko‘rib chiqiladi va pedagogning farzandi ekanligi tasdiqlangach, chegirma avtomatik qo‘llanadi.

❌ Quyidagilarga chegirma berilmaydi:

➖ oliy harbiy va harbiylashtirilgan ta’lim tashkilotlari uchun;
➖ nodavlat oliy ta’lim tashkilotlari uchun;
➖ O‘zbekistonda faoliyat olib borayotgan xorijiy oliy ta’lim tashkilotlari va ularning filiallari uchun;
➖ qo‘shimcha va tabaqalashtirilgan to‘lov-kontrakt uchun;
➖ xorijiy hamkor OTMlarning qo‘shma ta’lim dasturlari asosida va fakultetlari uchun;
➖ kechki, masofaviy hamda sirtqi ta’lim shakli uchun.

🔁 Pedagog farzandlariga chegirma o‘quv yili uchun bir marotaba qo‘llaniladi. Demak, har yili qaytadan chegirma olish mumkin.

❗️Pedagog farzandlarining otasi yoki onasi pedagog toifasidan chiqarilgan taqdirda, keyingi o‘quv yilidan boshlab unga chegirma qo‘llash to‘xtatiladi.

Ayrim savollarga javoblar:

❓Pedagog deganda kim tushuniladi o‘zi?

Javob: Adliya vazirligi tomonidan 2026-yil 9-iyunda 3849-raqami bilan ro‘yxatdan o‘tkazilgan Pedagogik faoliyat bilan bog‘liq lavozimlar ro‘yxatida 465 ta lavozim nomi tasdiqlangan. Ushbu 465 ta lavozimda kim bo‘lsa, o‘shaning farzand(lar)i uchun 30 foizlik chegirma beriladi.

❓Maktabgacha ta’lim muassasalaridagi tarbiyachilar uchun ushbu qaror qo‘llanadimi?

Javob: Ha, qo‘llanadi. Bog‘cha tarbiyachilarining kontraktda o‘qiyotgan farzandlari uchun ham 30% chegirma qo‘llanadi.

❓Oliygohlardagi tyutorlarning farzandlari uchun ushbu qaror qo‘llanadimi?

Javob: yo‘q, tyutorlar ro‘yxatdan mavjud emasligi sababli ularning farzandlariga chegirma berilmaydi.

❓O‘quv markazlaridagi o‘qituvchilarning farzandlari uchun ushbu qaror qo‘llanadimi?

Javob: yo‘q, o‘quv markazlari ro‘yxatdan mavjud emasligi sababli ularning farzandlariga chegirma berilmaydi.

❓To‘liq bo‘lmagan grantda o‘qiyotgan (50% davlat granti, 50% kontrakt) talabaning kontrakt summasi uchun ham chegirma beriladimi?

Javob: ha, chegirma beriladi. 50% kontrakt qismi uchun 30% chegirma qo‘llanadi.

❓Qaror chiqqunga qadar 2026/2027 o‘quv yili uchun to‘liq yoki qisman kontrakt to‘lovini to‘lab qo‘yganlar uchun chegirma qanday hisoblanadi? Ortiqcha to‘langan summa qaytariladimi yoki keyingi yil hisobi uchun o‘tkaziladimi?

Javob: ha, to‘lab qo‘yganlar uchun ham chegirma qo‘llanadi va ortiqcha to‘langan summani istasa qaytarib olishi, istasa kelasi o‘quv yili uchun o‘tkazib yuborishi mumkin.

❓Pedagog xususiy ta’lim tashkilotida ishlasa ham chegirma beriladimi yoki faqat davlat ta’lim tashkilotida ishlashi kerakmi?

Javob: xususiy ta’lim tashkilotida, masalan, xususiy oliygoh, xususiy maktab yoki xususiy bog‘chada ishlayotgan pedagoglarning farzandlari uchun ham 30% chegirma beriladi.


👉 @xushnudbek 👈

Pedagoglarning kontraktda o‘qiyotgan farzandlariga beriladigan 30 foizlik chegirmani olish uchun kontrakt.edu.uz platformasi orqali ariza berish boshlanibdi.

Arizani talabaning o’zi yuboradi.


👉 @xushnudbek 👈

❗DXX: Odamlardan 8 mln dollar o‘margan kiberjinoyatchilar qo‘lga olindi.

Aniqlanishicha, Toshkent shahri va Toshkent viloyatida yashovchi, 1989–2005-yillar oralig‘ida tug‘ilgan 5 nafar shaxs Mirobod tumanidagi noturar binoni ijraga olib, soxta Call-markaz tashkil etishgan.

Ular turli banklar nomidan odamlarga qo‘ng‘iroq qilib, go‘yoki firibgarlar ularning nomiga kredit olishga urinayotganini aytib, shaxsiy ma’lumotlarini qo‘lga kiritish orqali ularning bank kartalaridagi pullarini o‘zlashtirishgan hamda nomlariga onlayn kreditlar rasmiylashtirishgan.

Guruh bilan bog‘liq boshqa shaxslar ham noqonuniy GSM-shlyuz qurilmalarini o‘rnatishda ishtirok etgan, ular orasida yirik banklardan birining kiberxavfsizlik bo‘limi xodimi ham bo‘lgan.

Ma’lumotlarga ko‘ra, ular jinoiy yo‘l bilan topilgan 8 mln dollarni kriptovalyuta ko‘rinishida soxta MCHJ orqali xorijiy davlatga olib chiqib, legallashtirishgan.
 
Holat yuzasidan jinoyat ishi qo‘zg‘atilib, dastlabki tergov jarayonida ularga aloqador bo‘lgan 10 nafar shaxs aniqlangan.


👉 @xushnudbek 👈