Телеграм канал «وذكّر 😍💪💗»

🍃

«‏الاستماع للقرآن سببٌ من أسباب زيادة الإيمان، ومن شأن الاستماع؛ أنّه يُذهب قسوة القلب ويُرقّقه، فإذا ذهبت قسوته؛ باشرت فيه حلاوة الإيمان، ومن النّاس من يتّخذ له وردًا في الاستماع لا يتخلّف عنه، والله يُحب أن يتعبّد عبده بكلامه»




#تلاوة_خاشعة

http://t.me/ala_kalbek

السلام عليكم ورحمة الله وبركاته
صباح الخير يا شباب

ساعات كتير بنحس إن الدنيا تقيلة..
فيها ضغط، وتعب، وحاجات كتير مش ماشية زي ما بنتمنى..
وده طبيعي لأنها مش دار راحة أصلًا، دي دار ابتلاء!

قال الله عز وجل: {وَالْآخِرَةُ خَيْرٌ وَأَبْقَىٰ}

فإنت محتاج تفتكر إنك هنا مجرد عابر، وإن المكان ده مش هو النهاية..

دي محطة، مش وجهة..

فمتتعلقش بالفاني، واستثمر في الباقي، وخلي عينك دايمًا على الجنة؛ وساعتها هتهون عليك زحمة ومشقة الطريق.

اللهم لا تجعل الدنيا أكبر همّنا، ولا مبلغ علمنا، ولا إلى النار مصيرنا، واجعل الجنة هي دارنا وقرارنا.

t.me/moh_elghaleez

من أعظم النِعَم نعمة البصيرة!

البصيرة اللي بتخليك شايف الأمور على حقيقتها، وتُميز لك بين طريق فيه نور وطمأنينة، وطريق تاني مليان بالتشويش والالتباس.

التفريق بين الحق والباطل مش مجرد معرفة، لكن هو هداية وتوفيق ونور يقذفه الله في القلب.

وما يُثبّت الإنسان على الحق هو: قلبٌ صادق يبحث عن رضا الله، ونفسٌ متجردة من اتباع الهوى، وعقلٌ لا ينساق خلف أي رأي إلا بدليل صحيح.

فلما يُنعم الله عليك بالتمييز بين الحق والباطل، فهو في الحقيقة يمنحك راحة من الحيرة، وأمانًا من الضياع، وطريقًا مستقيمًا تسير فيه بثقة، حتى لو خالفك من حولك.

فاشكر الله على هذه النعمة..
واسأله دائمًا أن يريك الحق حقًا ويرزقك اتباعه، ويُريك الباطل باطلًا ويرزقك اجتنابه..

فما خاب من لجأ إليه، ولا تاه من استهداه.

#نعمة_البصيرة
#اعرف_قيمتها

t.me/moh_elghaleez

اخواتي أي منتج مكتوب عليه water resistant يعني عازل للماء، بيمنع وصول الماء للجلد
فلما تيجوا تتوضوا انتو محتاجين تغسلوا وشكم وايديكم بغسول عشان يتشالوا وماء الوضوء يوصل.
اي حاجه مكتوب عليها water resistant سواء كانت ايه.

أي منتج عازل للماء= وضوء ناقص= صلاة باطلة

﴿قُل لِعِبادِيَ الَّذينَ آمَنوا يُقيمُوا الصَّلاةَ وَيُنفِقوا مِمّا رَزَقناهُم سِرًّا وَعَلانِيَةً مِن قَبلِ أَن يَأتِيَ يَومٌ لا بَيعٌ فيهِ وَلا خِلالٌ﴾ [إبراهيم: 31]
الشيخ #عبدالباسط_عبدالصمد

مهما بلغ الإنسان من القوة والعقل والحكمة، بيفضل محتاج لمن يسانده، يسمعه، يشاركه همومه وأفراحه..

ومن أجمل الأرزاق "الصاحب الصالح الناصح المُصلِح"

فالصحبة الصالحة مش مجرد وجود أشخاص حواليك!
الصحبة الصالحة يعني ناس بتفكرك بربك لما تنسى، وتعينك على نفسك لما تضعف، وتخفف على قلبك لما يضيق، وترجعك للطريق لما تتوه في زحمة الحياة..

الصحبة الصالحة زي نور الشمس لما بتطلع بتبدد الظلام اللي حواليك..
بتخليك تشوف الطريق بوضوح أكتر، وبتفكرك إن الحياة مهما قست، فالخير موجود ما دام في حياتك أشخاص بيطلبوا رضا ربنا، وبيسعدهم صلاح حالك وإنك تكون في أفضل نسخة من نفسك.

فلو عندك صحبة صالحة؛ امسك فيهم وحافظ عليهم وماتتوقعش فيهم الكمال!
لأن ببساطة إنت نفسك مش كامل، والنقص من طبيعة الدنيا.

📌 الخلاصة..
{وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا}.

#نعمة_الصحبة
#اعرف_قيمتها

t.me/moh_elghaleez