Телеграм канал «FMC Sport ፋና ስፖርት»

ማንቼስተር ሲቲ ከፒኤስጂ

አዲስ አበባ፣ ጥቅምት 4፣ 2019 (ኤፍ ኤም ሲ) በአውሮፓ ሻምፒየንስ ሊግ የ2ኛ ዙር መርሐ ግብር በዛሬው ዕለት 9 ጨዋታዎች ይደረጋሉ፡፡

በዚህም ምሽት 4 ሰዓት ላይ ማንቼስተር ሲቲ በሜዳው ኢትሃድ ከፒኤስጂ ጋር የሚያደርገው ጨዋታ ይጠበቃል፡፡

በፕሪሚየር ሊጉ እስካሁን ያደረጋቸውን ጨዋታዎች በሙሉ ድል ያደረገው ማንቼስተር ሲቲ በአውሮፓ ሻምፒየንስ ሊግም ያለመሸነፍ ጉዞውን ለማስቀጠል ወደ ሜዳ ይገባል፡፡

ማንቼስተር ሲቲ በመጀመሪያ ዙር የሻምፒየንስ ሊግ ጨዋታ ወደ ፖርቹጋል አቅንቶ በሃንድ ሁለት ግቦችን ፖርቶን ማሸነፉ ይታወሳል፡፡

ተጋጣሚው የወቅቱ የሻምፒየንስ ሊጉ አሸናፊ ፒኤስጂ በበኩሉ በመጀመሪያ ዙር የሻምፒየንስ ሊግ ጨዋታ ስሎቫን ብራቲስላቫን 6 ለ 1 በሆነ ሰፊ ውጤት ማሸነፉ አይዘነጋም፡፡

ሁለቱ ቡድች እርስበርስ ካደረጓቸው ያለፉት አምስት ጨዋታዎች ማንቼስተር ሲቲ ሦስቱን ሲያሸንፍ ፒኤስጂ በሁለቱ ድል አድርጓል፡፡
https://web.facebook.com/share/p/1BdPw9KfiC/

አርሰናል ሲያሸንፍ፤ ማንቼስተር ዩናይትድ ተሸነፈ

አዲስ አበባ፣ ጥቅምት 3፣ 2019 (ኤፍ ኤም ሲ) በአውሮፓ ሻምፒየንስ ሊግ የ2ኛ ዙር መርሐ ግብር ማንቼስተር ዩናይትድ በአትሌቲኮ ማድሪድ 2 ለ 0 ተሸንፏል፡፡

የስፔኑን ክለብ የማሸነፊያ ግቦች ባሪዮስ እና ሉክማን ሲያስቆጥሩ፤ ሌኒ ዮሮ ከማንቼስተር ዩናይትድ በኩል 74ኛው ደቂቃ ላይ በሰራው ጥፋት በቀይ ካርድ ከሜዳ ተሰናብቷል፡፡

በሌላ የምሽቱ ጨዋታ አርሰናል የፈረንሳዩን ክለብ ሊል በኤሚሬትስ አስተናግዶ 3 ለ 0 አሸንፏል፡፡

መድፈኞቹ በመድረኩ ሁለተኛ ድላቸውን ሲያሳኩ፤ የማሸነፊያዎቹን ግቦች ቲምበር፣ ኤዜ እና ሳካ ከመረብ አሳርፈዋል፡፡

አትሌቲኮ ማድሪድ ከማንቼስተር ዩናይትድ - አርሰናል ከሊል

አዲስ አበባ፣ ጥቅምት 3፣ 2019 (ኤፍ ኤም ሲ) በአውሮፓ ሻምፒየንስ ሊግ የ2ኛ ዙር መርሐ ግብር ዛሬ ምሽት በተለያዩ የአውሮፓ ከተሞች ዘጠኝ ጨዋታዎች ይደረጋሉ።

ማንቼስተር ዩናይትድ ወደ ስፔን አቅንቶ በሜትሮፖሊታኖ ምሽት 4 ሰዓት አትሌቲኮ ማድሪድን የሚገጥምበት ጨዋታ ይጠበቃል።

በፕሪሚየር ሊጉ ወደ አሸናፊነት ለመመለስ የተቸገረው የማይክል ካሪክ ቡድን በሻምፒየንስ ሊጉ ሁለተኛ ድሉን ለማሳካት ይፋለማል።

በዲያጎ ሲሞኔ የሚመራው አትሌቲኮ ማድሪድ በአንጻሩ የማድሪድ ደርቢን ጨምሮ በላሊጋው ያደረጋቸውን ያለፉት አራት ጨዋታዎች በማሸነፍ በድንቅ ብቃት ላይ ይገኛል።

ሁለቱ ቡድኖች ከዚህ ቀደም በመድረኩ ሁለት ጊዜ እርስ በእርስ የተገናኙ ሲሆን፤ አትሌቲኮ አንዱን አሸንፎ በቀሪው አንድ ጨዋታ አቻ ተለያይተዋል።

https://web.facebook.com/share/p/1BXrERRVWm/

አትሌቲኮ ማድሪድ ከማንቼስተር ዩናይትድ - አርሰናል ከሊል

አዲስ አበባ፣ ጥቅምት 3፣ 2019 (ኤፍ ኤም ሲ) በአውሮፓ ሻምፒየንስ ሊግ የ2ኛ ዙር መርሐ ግብር ዛሬ ምሽት በተለያዩ የአውሮፓ ከተሞች ዘጠኝ ጨዋታዎች ይደረጋሉ።

ማንቼስተር ዩናይትድ ወደ ስፔን አቅንቶ በሜትሮፖሊታኖ ምሽት 4 ሰዓት አትሌቲኮ ማድሪድን የሚገጥምበት ጨዋታ ይጠበቃል።

በፕሪሚየር ሊጉ ወደ አሸናፊነት ለመመለስ የተቸገረው የማይክል ካሪክ ቡድን በሻምፒየንስ ሊጉ ሁለተኛ ድሉን ለማሳካት ይፋለማል።

በዲያጎ ሲሞኔ የሚመራው አትሌቲኮ ማድሪድ በአንጻሩ የማድሪድ ደርቢን ጨምሮ በላሊጋው ያደረጋቸውን ያለፉት አራት ጨዋታዎች በማሸነፍ በድንቅ ብቃት ላይ ይገኛል።

ሁለቱ ቡድኖች ከዚህ ቀደም በመድረኩ ሁለት ጊዜ እርስ በእርስ የተገናኙ ሲሆን፤ አትሌቲኮ አንዱን አሸንፎ በቀሪው አንድ ጨዋታ አቻ ተለያይተዋል።



በሳምንቱ መጨረሻ በፕሪሚየር ሊጉ በቋሚነት የተሰለፉት ኮቢ ማይኑ እና ሉክ ሾው በጉዳት ምክንያት ከምሽቱ ጨዋታ ውጪ ሆነዋል።

የአምናው የፍጻሜ ተፋላሚ አርሰናል በተመሳሳይ ምሽት 4 ሰዓት የፈረንሳዩን ክለብ ሊል በኤሚሬትስ ያስተናግዳል።

መድፈኞቹ በሳምንቱ መጨረሻ ሊድስ ዩናይትድን በመርታት በ5ኛ ሳምንት የሊጉ መርሐ ግብር በብራይተን ከደረሰባቸው ሽንፈት በኋላ ወደ አሸናፊነት ተመልሰዋል።

አርሰናል በምሽቱ ጨዋታ የአሸናፊነት ቅድመ ግምት የተሰጠው ሲሆን፤ ሊሎች በአንጻሩ በመድረኩ የውድድር ዓመቱን የመጀመሪያ ነጥብ ለማሳካት እንደሚፎካከሩ ይጠበቃል።

ጋላታሳራይ ከባርሴሎና፣ ቫይኪንግ ከባየርን ሙኒክ፣ ቪያሪያል ከናፖሊ፣ ኢንተር ሚላን ከክለብ ብሩጅ፣ አርቢ ሌይፕዚግ ከፒኤስቪ በተመሳሳይ ምሽት 4 ሰዓት ላይ የሚደረጉ የዛሬ ጨዋታዎች ናቸው።

ከእነዚህ ጨዋታዎች ቀደም ብሎ ምሽት 1 ሰዓት ከ45 ሎንስ ከስፖርቲንግ እንዲሁም ሳባህ ባ

ሠንደቅ ዓላማና አትሌቶች የድልና የአንድነት ተምሳሌት

አዲስ አበባ፣ ጥቅምት 2፣ 2019 (ኤፍ ኤም ሲ)ሠንደቅ ዓላማ የሀገር ማንነት፣ ክብርና አንድነት መገለጫ ነው። ለአትሌቶች ደግሞ ከምልክትነቱ በላይ፣ የሀገር አደራን፣ የሕዝብን ተስፋና የድልን ደስታ የሚወክል ነው።

ይህ ስሜት ድካምን እንዲቋቋሙ፣ በተግዳሮቶች እንዲጸኑና ለተሻለ ውጤት እንዲተጉ ያነሳሳቸዋል።

የኢትዮጵያ አትሌቲክስ ታሪክ የዚህ ቁርኝት ሕያው ምስክር ነው። አበበ ቢቂላ በ1960 ሮም ኦሊምፒክ በባዶ እግሩ ማራቶንን በማሸነፍ የሀገሩን ስም በዓለም አስጠራ።

ከዚያ በኋላ ደራርቱ ቱሉ፣ ኃይሌ ገብረስላሴ፣ ቀነኒሳ በቀለ፣ ጥሩነሽ ዲባባና ሌሎችም አትሌቶች በኦሊምፒክና በዓለም ሻምፒዮና ባስመዘገቡት ድል የኢትዮጵያን ሠንደቅ ከፍ አድርገዋል።

የእነዚህ አትሌቶች ስኬት የአካል ብቃትና የልምምድ ውጤት ብቻ አይደለም፤ የጽናት፣ የሥነ-ልቦና ጥንካሬና የሀገር ውክልና ኃላፊነት ውጤትም ነው።

በድል ቅጽበት ሠንደቃቸውን ይዘው ሲያከብሩ፣ የግል ስኬታቸው ወደ ሀገራዊ ኩራት ይቀየራል።

ከዚህም በላይ ስፖርት የልዩነት ድንበሮችን አሻግሮ ሰዎችን በጋራ ዓላማ የሚያስተሳስር ኃይል ነው።

በብዝሃነት የተዋቀረችው ኢትዮጵያ በስፖርት የጋራ ማንነቷን፣ የመከባበር እሴቷንና የአብሮነት መንፈሷን ማጠናከር ትችላለች።

ሠንደቅ ዓላማ የድል ምልክት ብቻ ሳይሆን አትሌቶችንና ሕዝብን የሚያገናኝ የጋራ ኩራት ነው።

ስፖርትም ከውድድር ባሻገር የሰላም፣ የአንድነትና የጋራ ተስፋ መሠረት ነው።

በወርቅነህ ጋሻሁን

ማንቼስተር ሲቲ ሊቨርፑልን 3 ለ 0 አሸነፈ

አዲስ አበባ፣ ጥቅምት 1፣ 2019 (ኤፍ ኤም ሲ) በ6ኛ ሳምንት የእንግሊዝ ፕሪሚየር ሊግ ማንቼስተር ሲቲ ሊቨርፑልን 3 ለ 0 አሸንፏል፡፡

ምሽት 12 ከ30 በአንፊልድ ሮድ በተደረገው የሁለቱ ክለቦች ጨዋታ የሲቲን ግቦች ሀላንድ፣ ጄሬሚ ዶኩ እና ራያን ሼርኪ አስቆጥረዋል፡፡

አትሌት ሀዊ ፈይሳ የቺካጎ ማራቶንን አሸነፈች

አዲስ አበባ፣ ጥቅምት 1፣2019 (ኤፍ ኤም ሲ) በተጠባቂው 48ኛው የቺካጎ ማራቶን ኢትዮጵያዊቷ አትሌት ሀዊ ፈይሳ በቀዳሚነት አጠናቀቀች፡፡

አትሌት ሀዊ ርቀቱን በ2 ሰዓት 13 ደቂቃ ከ33 ሰከንድ በማጠናቀቅ ለሁለተኛ ተከታታይ ጊዜ ውድድሩን አሸንፋለች፡፡

በውድድሩ በወንዶች ምድብ ኢትዮጵያውያን አትሌቶች ታደሰ ታከለ እና ሚልኬሳ መንገሻ 2ኛ እና 3ኛ ደረጃን በመያዝ አጠናቀዋል።