Телеграм канал «Вясна / Правы чалавека ў Беларусі»

📄 Што пачытаць у нядзелю? Сабралі для вас галоўныя матэрыялы «Вясны» за тыдзень: 🔹Больш за 3670 асуджаных: як беларусаў пераследуюць за ўдзел у пратэстах ў 2020-м 🔹Рэпрэсаваная маладосць: дзесяць гісторый палітвязняў 🔹Дзярждэп ЗША: цягам года ў Беларусі не адбылося значных зменаў у галіне правоў чалавека 🔹Палітзняволенага IT-спецыяліста асудзілі да калоніі 🔹«Правасуддзе патрабуе свабоды для ўсіх палітвязняў у Беларусі»: як міжнародная супольнасць падтрымлівае Беларусь 🔹ЕС: Рэпрэсіі, якія працягваюцца ў Беларусі, непрымальныя і павінны спыніцца 🔹Вынесены прысуд гарадзенскаму лекару 💳Падтрымаць «Вясну» на Patreon | Аднаразовым данатам

💔4 гады і 11 месяцаў за кратамі Марфа Рабкова Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення і велізарнага штрафу. Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію. Amnesty International Polska збірае подпісы ў падтрымку Марфы — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне. Падпісаць петыцыю па спасылцы 💌Месца ўтрымання: ПК № 4, 246035, Гомель, Антошкіна, 3, Марфа (Марыя) Аляксандраўна Рабкова 💳Падтрымаць «Вясну» на Patreon | Аднаразовым данатам

✍️Amnesty International Polska працягвае збор подпісаў пад зваротам да польскіх уладаў з заклікам дапамагчы беларусам «Польшча здаецца бяспечнай гаванню, але гэта толькі павярхоўна: людзі з Беларусі апынуліся ў пастцы заганнага кола бюракратыі, дзе лягчэй атрымаць пашпарт для сабакі, чым дакументы для дзіцяці. Без дакументаў яны не могуць хадзіць у школу, звяртацца да лекара, легальна працаваць або здымаць кватэру. Яны не могуць купіць квіткі на цягнік анлайн або ажаніцца са сваімі блізкімі. У іх няма гарантаванай прававой, сацыяльнай або эканамічнай бяспекі». Праваабаронцы збіраюць подпісы пад зваротам да Міністра ўнутраных спраў і Адміністрацыі. Падпісаць па спасылцы

✊ Падтрымайце «Вясну» на Patreon альбо аднаразовым данатам На сёння за кратамі знаходзіцца чацвёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, праваабаронцы і валанцёры «Вясны» працягваюць сваю працу па абароне і фіксацыі парушэнняў правоў чалавека ў Беларусі. Акрамя магчымасці падтрымаць «Вясну» падпіскай на Patreon, ёсць магчымасць зрабіць і аднаразовы данат праваабаронцам. Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў. ❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў 💵Падтрымаць «Вясну» аданаразовым данатам 💶Падтрымаць Вясну на Patreon ⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах Па стане на сёння ў Беларусі прызнаныя палітычнымі вязнямі каля 1200 чалавек, агулам жа праваабаронцам вядома пра больш за 7000 фігурантаў крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады. ❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS 📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой. ✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

Лекара з Гродна асудзілі за «распальванне варожасці» і «фінансаванне экстрэмізму» У Гомельскім абласным судзе вынесены прысуд 64-гадоваму лекару ультрагукавой дыягностыкі з Гродна Сяргею Рамашову. Яго абвінавачвалі ў «распальванні варожасці» (ч. 1 арт. 130 КК) і «фінансаванні экстрэмісцкай дзейнасці» (арт. 361-2 КК). Які менавіта тэрмін прызначылі лекару — невядома. «Гомельская Вясна» толькі мае інфармацыю, што лекара асудзілі да пазбаўлення волі. Пра Сяргея Рамашова вядома, што апошняе ягонае месца працы — лекар ультрагукавой дыягностыкі гарадской паліклінікі № 4 Гродна. Ён захапляўся гульнёй у шахматы. У 2022 годзе Рамашоў стаў пераможцам абласнога турніру ў шахматах сярод супрацоўнікаў медычных установаў. Чытаць па спасылцы 👉 https://spring96.org/be/news/118480

У Гомелі па палітычнай справе асудзілі адваката Сяргея Хлыстова Яго абвінавачвалі па двух палітычных артыкулах — «распальванне варожасці» (ч. 1 арт. 130 КК) і «заклікі да прычынення шкоды нацыянальнай бяспецы Беларусі» (ч. 3 арт. 361 КК). Які менавіта прысуд вынеслі чальцу Гомельскай абласной калегіі адвакатаў — невядома. Па інфармацыі «Гомельскай Вясны», Хлыстова затрымалі разам з іншымі двума адвакатамі, у тым ліку з загадчыкам юрыдычнай кансультацыі аднаго з раёнаў Гомеля. Пазней дваіх адвакатаў вызвалілі, а загадчыка юркансультацыі звольнілі з пасады. Чытаць па спасылцы 👉 https://spring96.org/be/news/118479