Телеграм канал «Вясна / Правы чалавека ў Беларусі»

У Беларусі палітвязням пагражаюць высылкай з краіны

У Беларусі з'яўляецца новая практыка ціску на асуджаных па палітычных справах. Людзей, якія абскарджваюць прысуд перад адпраўкай на «хімію», прымушаюць падпісваць дакументы, дзе пазначана, што пры паўторным парушэнні Крымінальнага кодэкса іх могуць выслаць з краіны

Юрысты адзначаюць, што такія выпадкі маюць сістэмны характар ​​і не выключаюць, што такія дзеянні могуць стаць прадметам разбору ў Міжнародным крымінальным судзе ў Гаазе.

«З прававога пункту гледжання гэта бязмежжа, — кажа юрыст Праваабарончага цэнтру «Вясна» Леанід Судаленка. — Няма ніводнага закону, які б прымушаў людзей пакінуць сваю краіну. Наадварот, Канстытуцыя гарантуе беларусам права на свабоднае перамяшчэнне. Немагчыма дэпартаваць грамадзян з краіны нараджэння, таму дзеянні ўладаў незаконныя».

Deutsche Welle распавядае, што адбываецца і што пра гэта кажуць юрысты і праваабаронцы

«You are finally free! Those shit is finished» — Валянцін Стэфановіч пра сваё вызваленне

«Завялі ў мікрааўтобус. Асобы ў цывільным апранулі мне на галаву шапку, каб я нічога не бачыў, і кайданкі. Яны сказалі даслоўна так: “Граждане осужденные, вы убываете для участия в следственных мероприятиях”. То бок ніхто не сказаў, што нас вызваляюць. Сітуацыя магла быць якой заўгодна.

[...]

У лесе каля Каменнага Лога мы стаялі некалькі гадзін. Потым прыстроіліся ў хвост амерыканскаму эскорту. Джон Коўл зайшоў у бус і сказаў па-англійску нешта накшталт: "You are finally free! Those shit is finished" (Вы нарэшце вольныя. Гэтае гаўно скончылася). У іншым бусе, куды мы пераселі, я пабачыў Насту Лойку і Марфу Рабкову. Вельмі ўcцешыўся! Марфу я да гэтага бачыў на Валадарцы ў СІЗА: калі яна ішла на прагулку, я вылазіў у "кармушку" і паказваў ёй знак "віктары"».

🔹«Турма — гэта як смерць, толькі ты жывы». Вялікае інтэрв’ю Валянціна Стэфановіча пасля вызвалення

У Індэксе свабоды прэсы Беларусь заняла 165-е месца — паміж Еменам і М’янмай

У 2025 годзе Беларусь займала 166-е месца са 180 у сусветным рэйтынгу свабоды прэсы, які складае міжнародная арганізацыя «Рэпарцёры без межаў», піша «Свабода».

Беларусь, паводле іх, была «самай небяспечная краінай Еўропы для журналістаў да ўварвання Расіі ва Украіну», там звяртаюць увагу на масавыя рэпрэсіі супраць незалежных СМІ, тое, што Беларусь з'яўляецца адным з лідэраў па колькасці зняволеных журналістаў. Цяпер 22 журналістаў і працаўнікоў беларускіх СМІ застаюцца за кратамі.

У студзені 2025 году арганізацыя «Рэпарцёры без межаў» падала скаргу ў Міжнародны крымінальны суд на «беспрэцэдэнтныя рэпрэсіі» ў дачыненні журналістаў з боку Лукашэнкі.

❗️У Беларусі прызналі «экстрэмісцкім» YouTube-канал «вДудь» — на яго падпісаныя больш за 10 мільёнаў чалавек

Адпаведнае рашэнне было прынятае судом Чыгуначнага раёну Віцебска 27 красавіка.

Таксама «экстрэмісцкі» спіс папоўнілі:
• кніга «Мясцовыя выбары ў найноўшай палiтычнай гiсторыi Беларусi - Менск: Аналiтычны грудок 2003. – 296 с»;
• сайт «ecohome.ngо»;
• старонка ў TikTok «user37482224238772»;
• старонка ва «Укантакце» «Калі ласка – Беларусь»;
• Instagram-старонкі «e.solenkov», «baza-_florida», «Shimizu satoshi», «komissarovalecs», «malyavko.vladimir», «jurkadeshuk», «vasili.nikalayey.official», «Беларусы Тампы»;
• старонкі ў Facebook «Baza Florida», «Паўлюк Быкоўскi», «Сяргей Пятрухiн», «Usau Pavel», «Михаил Политыко», «Беларусы Тампы i ваколiц (Tampa,St. Pete, Sarasota etc.)»;
• старонка ў Threads «klasby84».

🔗Хроніка палітычнага пераследу

У калоніі за беларускую мову маглі перарываць званкі з роднымі ці адправіць у ШІЗА

Пра гэта распавёў праваабаронца і былы палітвязень Валянцін Стэфановіч.

«Я не карыстаўся беларускай мовай пастаянна па шэрагу прычын. У калоніі за гэта перарывалі званкі з роднымі і нават маглі адправіць у ШІЗА. Хаця ў СІЗА і на крытай турме з гэтым было спакайней. Лісты дадому я пісаў па-беларуску, і цэнзар іх прапускаў.

Сярод палітвязняў мы часта гаварылі па-беларуску. Была моцная салідарнасць: калі прыязджаў нехта новы з палітычных, мы адразу падыходзілі, знаёміліся, пыталі, што трэба, падказвалі правілы, каб іх ніхто не падмануў. На "промцы" мы дапамагалі адзін аднаму выконваць норму па алюмінію: калі хтосьці не паспяваў, мы яму дакідвалі свой метал, каб чалавека не кінулі ў карцар».

🔹«Турма — гэта як смерць, толькі ты жывы». Вялікае інтэрв’ю Валянціна Стэфановіча пасля вызвалення

70-гадовы праваабаронца з Мазыра Уладзімір Целяпун прызнаны палітычным зняволеным

Яго ўзялі пад варту ў пачатку красавіка. Мяркуецца, што спачатку ён знаходзіўся ў ІЧУ Мазырскага РАУС, пасля яго перавялі ў СІЗА-3. Супраць яго распачатая крымінальная справа. Падрабязнасці абвінавачанняў невядомыя, але сутнасць справы мае палітычны характар.

Уладзімір Целяпун вядомы ў рэгіёне сваёй дзейнасцю па абароне правоў чалавека, у тым ліку права на мірныя сходы. У 1986 годзе ўдзельнічаў ў ліквідацыі наступстваў аварыі на Чарнобыльскай АЭС. Мае праблемы са здароўем.

📝Рэпрэсіі ў рэгіёнах Беларусі ў красавіку: агляд «Вясны»

На працягу больш чым пяці з паловай гадоў у Беларусі працягваюцца маштабныя рэпрэсіі. Затрыманні і крымінальны пераслед грамадзян сталі звычайнай практыкай для ўсіх рэгіёнаў краіны. Асаблівую інтэнсіўнасць пераслед набыў у Гомельскай вобласці пасля пачатку поўнамаштабнага расійскага ўварвання ва Украіну — менавіта там зафіксавана большасць выпадкаў па «справе Гаюна».

Акрамя гэтага, затрыманых на памежных пунктах Беларусі змяшчаюць у бліжэйшыя часовыя ізалятары ў Брэсцкай ды Гродзенскай абласцях.

«Вясна» падрыхтавала агляд сітуацыі ў рэгіёнах і зафіксавала асноўныя факты парушэння правоў чалавека.

Чытаць па спасылцы 👉 https://spring96.org/be/news/120186

🌿Чытаць з Беларусі праз сайт-люстэрка

✍️Паведаміць праваабаронцам пра палітычны пераслед 👉 @ViasnaSOS