Телеграм канал «Тез ёрдам | | Tez yordam»

🏥 Боланинг иситмаси кўтарилса, нима қилиш керак?

3 ёшгача бўлган болаларда тана ҳарорати кўтарилганда ота-онанинг тўғри ҳаракат қилиши жуда муҳим. Иситма ҳар доим ҳам хавфли касаллик белгиси эмас, аммо айрим ҳолларда шошилинч тиббий ёрдам талаб этилади.

☑️ Биринчи ёрдам қоидалари:
🔹 Тана ҳароратини термометр ёрдамида ўлчанг.
🔹 Болани қалин кийим ва кўрпага ўраб ташламанг.
🔹 Оз-оздан, тез-тез суюқлик бериб туринг.
🔹 Зарур бўлса, боланинг ёши ва вазнига мос равишда иситма туширувчи дори воситасини қўлланг.
🔹 Болани спирт ёки сирка билан артманг.

⚠️ Қачон 103 рақамига қўнғироқ қилиш керак?
❗️ Бола нафас олишда қийналса;
❗️ Ҳушёрлиги пасайса ёки уйғотиш қийин бўлса;
❗️ Талваса кузатилса;
❗️ Терисида босганда йўқолмайдиган тошма пайдо бўлса.

Муҳим! 3 ойликкача бўлган чақалоқда тана ҳарорати 38°C ёки ундан юқори бўлса, зудлик билан тиббий кўрикдан ўтказиш зарур.

📌 Эсда тутинг: иситманинг тушиши касаллик хавфи бартараф этилганини англатмайди. Боланинг умумий аҳволини диққат билан кузатинг ва хавфли белгиларни эътиборсиз қолдирманг!

@TezyordamUZB -Шошилинч ҳолатлар учун.

Патологик нафас турлари.

@TezyordamUZB -Шошилинч ҳолатлар учун.

Қон айланиши тўхташи, юрак-ўпка ва мия реанимацияси нозологияси бўйича клиник протокол.

@TezyordamUZB -Шошилинч ҳолатлар учун.

🩺 TIBBIYOT XODIMLARINI MODDIY RAG‘BATLANTIRISH: KIMGA VA QANCHA USTAMA BERILADI?

Tibbiyot muassasalarida xodimlarni moddiy rag‘batlantirish va muassasalarni rivojlantirish jamg‘armasi mablag‘laridan foydalanish tartibi belgilangan.

📊 1. Jamg‘arma mablag‘lari qanday taqsimlanadi?

Birlamchi tibbiy-sanitariya yordami muassasalarida jamg‘armani shakllantirish uchun umumiy xarajatlarning 10 foizi miqdorida budjet mablag‘lari nazarda tutilgan.

Jamg‘arma mablag‘larining:

✅ 75 foizi — tibbiyot, farmatsevtika va boshqa xodimlarni moddiy rag‘batlantirishga;

✅ 25 foizi — muassasaning moddiy-texnika bazasini mustahkamlash, modernizatsiya qilish va ta’mirlashga yo‘naltiriladi.

🏅 2. Tibbiyot xodimlariga ustamalar qanday belgilanadi?

Xodimlarning faoliyati 100 ballik reyting tizimi asosida baholanadi.

Tibbiyot xodimlari uchun:

🔹 75–84 ball — lavozim maoshining 50 foizigacha;

🔹 85–94 ball — 75 foizigacha;

🔹 95–100 ball — 100 foizigacha oylik ustama belgilanishi mumkin.

Tibbiyot xodimlaridan tashqari boshqa xodimlar uchun tegishlicha 25%, 50% va 75% gacha ustamalar nazarda tutilgan.

📋 3. Xodimning faoliyati qanday baholanadi?

Maxsus komissiya quyidagi 5 ta asosiy ko‘rsatkichni baholaydi:

1️⃣ Ish yuklamasi.

2️⃣ Bajariladigan vazifalarning murakkabligi.

3️⃣ Ish samaradorligi.

4️⃣ Sohaga qo‘shgan hissasi.

5️⃣ Hujjatlar bilan tasdiqlanishi mumkin bo‘lgan boshqa muhim ko‘rsatkich.

Har bir ko‘rsatkich — 20 ballgacha, jami — 100 ball.

Baholashda mehnatga vijdonan munosabat va kasb etikasiga rioya qilish ham hisobga olinadi.

🗓 4. Ustamalar qachon belgilanadi?

Xodimlar faoliyati har chorak yakunida baholanadi.

Yuqori natija ko‘rsatgan xodimlarga keyingi chorak davomida oylik ustamalar maxsus komissiya qarori va muassasa rahbari buyrug‘i asosida belgilanadi.

👨‍⚕️ 5. Yosh shifokorlarga qanday qo‘shimcha to‘lovlar bor?

Yangi ish boshlagan, belgilangan talablarga javob beruvchi salohiyatli yosh shifokorlarga dastlabki 3 yil davomida:

✅ 1-yil — oyiga 1 000 000 so‘m;

✅ 2-yil — oyiga 750 000 so‘m;

✅ 3-yil — oyiga 500 000 so‘m maxsus ustama belgilanishi nazarda tutilgan.

🏥 6. Ikkinchi smenada ishlovchi shifokor va hamshiralar-chi?

Kunduzgi statsionar faoliyati soat 20:00 gacha uzaytirilgan muassasalarda ikkinchi smenada ishlovchi shifokor va hamshiralarga lavozim maoshining 30 foizigacha qo‘shimcha ustama nazarda tutilgan.

💰 7. Mukofot va moddiy yordam ham beriladimi?

✅ Kasbiy va boshqa bayramlar munosabati bilan bir yil davomida jami 2 lavozim maoshigacha mukofot.

✅ Kasallik, og‘ir jarohat, yaqin qarindoshlar vafoti yoki tabiiy ofatlar kabi holatlarda har bir holat bo‘yicha 1 lavozim maoshigacha moddiy yordam berilishi mumkin.

❗️ Muhim: ustamalar va mukofotlar jamg‘armada mavjud mablag‘lar, belgilangan baholash mezonlari hamda maxsus komissiya qaroriga muvofiq tayinlanadi.

💕 Moddiy rag‘batlantirishning asosiy maqsadi — xodimlarning mehnat samaradorligini oshirish, sifatli tibbiy xizmatni qo‘llab-quvvatlash va munosib mehnatni rag‘batlantirishdir.

📌 Huquqiy asos: 2023-yil 16-yanvarda Adliya vazirligida 3416-son bilan davlat ro‘yxatidan o‘tkazilgan Nizom, keyingi o‘zgartirishlar bilan.

O‘zbekiston Respublikasi Sog‘liqni saqlash vazirligi
Birlamchi tibbiy-sanitariya yordamini takomillashtirish boshqarmasi

@TezyordamUZB -Шошилинч ҳолатлар учун.

Тез тиббий ёрдамда ишлаш қанчага тушади.

🤩@TezyordamUZB -Шошилинч ҳолатлар учун.

🎁 INGLIZ TILI DARSLARI — BEPUL!

Ingliz tilini noldan o'rganmoqchimisiz, lekin kursga vaqt ham, pul ham yo'qmi?

Guzal_English kanaliga a'zo bo'ling va har kuni bepul dars oling:

📌 Grammatika — o'zbek tilida sodda tushuntirish
🧠 Har kuni 5 ta quiz — javobi darhol ko'rinadi
🎧 Shadowing — talaffuz va gapirish mashqi

👩‍🏫 Ustoz: Go'zal Ikromovna (8 yillik tajriba, IELTS 7.0)

⏰ Kuniga atigi 15 daqiqa kifoya.
🔥 Hozir 1 haftalik grammatika marafoni ketyapti — ayni qo'shiladigan payt!

👉 A'zo bo'lish: telemetr.me/guzal_ikromovna

Кома турлари.

Кома I (юзаки) - ҳушнинг йўқлиги, беморни умуман уйғотиб
бўлмайди. Оғриқли таъсиротларга хаотик, координациялашмаган, оёқ-
қўлларни букиш ёки ёзиш билан жавоб қайтарувчи дистоник ҳаракатлар,
лекин кўзини очмаслиги. Кўз рефлекслари: цилиар, корнеал, корачиқ
рефлексларининг сақланганлиги, орал автоматизм ва патологик товон
рефлексларининг пайдо бўлиши, чанок аъзолари назоратининг йўқлиги,
нафас ва юрак қон-томир тизими томонидан енгил бузилишлар бўлиши
мумкин.

Кома II (чуқур) - ҳушнинг йўқлиги, ҳимоя реакцияларининг
бўлмаслиги, мушак тонусларининг бузилиши (горметониядан то диффуз
гипотониягача), пай рефлексларининг пасайиши, кўз рефлекслари суст
ёки умуман чақирилмайди, чуқур нафас бузилишлари, баъзан спонтан
нафас сақланган, юрак қон-томир тизими декомпенсацияси.

Кома III (терминал) - агонал ҳолат, тўлик атония, арефлексия, икки
томонлама мидриаз, витал функциялар сунъий бошқарилади.

@TezyordamUZB -Шошилинч ҳолатлар учун.