Телеграм канал «Sevgi haqida sherlar»

Sog‘inyapman...

Muhabbatning daryosidan g‘amlar tutib,
Zulmat to‘la yo‘llaringga shamlar tutib,
Kipriklarim orasidan namlar tutib,
Yo‘lingga zor, seni hamon sog‘inyapman.

Bosh ko‘tarib, o‘solmay ishq maysalari,
Sanchiladi dilga hijron nayzalari,
Vaqt yugurib yonimizdan ketsa nari,
Tunlar bedor, seni hamon sog‘inyapman.

G‘ururlarim birin-ketin o‘lgan sari,
Sabrlarning zahirasi to‘lgan sari,
Yuragimda to‘rt fasl qish bo‘lgan sari,
Qovoqda qor seni hamon sog‘inyapman.

Sinovlari yo‘limizni to‘ssin, mayli,
Vaqtinchalik tikanaklar o‘ssin, mayli,
Anduhlarim shamollarda to‘zsin, mayli,
Chekib ozor, seni hamon sog‘inyapman.

Hijron payhon qilmasidan gul-bog‘imiz,
Kel o‘chmasin mehr nomli chirog‘imiz,
Boshimizda hilpirab baxt bayrog‘imiz,
Kelgin ey yor, seni hamon sog‘inyapman

✍. MUSLIMA.

telemetr.me/sevgi_haqida_sherlarimiz

☝️Obuna bo‘lishni unutmang!

MEN SIZNI SEVAMAN, BILASIZ...

Hijronning otashi kuydirar,
Balki siz...rostmana sevasiz?!..
Sog‘inchlar qaytadan suydirar,
Men sizni sevaman, bilasiz.


Bosh egdim sabrning poyiga,
Ishqingiz o‘t yoqsin, mayliga.
Yetdim-a eng go‘zal joyiga,
Men sizni sevaman, bilasiz.


Ko‘rishni xohlaydi ko‘zlarim,
Izingiz izlaydi izlarim.
Bir tinglang tugamay so‘zlarim,
Men sizni sevaman, bilasiz.


Yulduzlar shivirlar sekin-jim,
Ertaklar so‘zlaydi bo‘lib dim.
Menchalik sevarmi?..Ayting, kim?!
Men sizni sevaman, bilasiz.


Muhabbat yoritar yo‘limni,
Sabolar chimchilar qo‘limni.
Bahorlar bezaydi so‘limni,
Men sizni sevaman, bilasiz.


Aytolmas so‘zlarim bir talay,
Armonlar yumshadi, harqalay.
Bahslashish befoyda, aylanay,
Men sizni sevaman, bilasiz...

✍Go‘zal G‘aybullayeva

telemetr.me/sevgi_haqida_sherlarimiz

Qaniydi...

Barbod qilib orzu tilakni,
Zir titratib osmon-falakni,
Yaratdingku joni halakni,
Qaniydi ketmaganingda!

Hotiralab yashayman hamon,
Unutmadim hech bir on ishon,
Berganingda boʻlardi imkon,
Qaniydi ketmaganingda!

Tunlar charos koʻzlarimda nam,
Vujudimni qurshab oldi gʻam,
Tabiiyki ketmasdim men ham,
Qaniydi ketmaganingda!

Oʻlgunimcha sevaverardim,
Baxtim sensan deyaverardim,
Telbalarcha suyaverardim,
Qaniydi ketmaganingda!

Uzr, sendan sevgilim uzr,
Topolmading yonimda huzur,
Shunday deyman endi bir umr,
Qaniydi ketmaganingda!

Eng chiroyli kunlar boʻlardi,
Dil toʻlsa ham baxtga toʻlardi,
Mumtozbegim kulib yurardi,
Qaniydi ketmaganingda!

Armonlarga yetmaganingda,
Sogʻinchlarga eltmaganingda,
Boʻlar edi yonimda qolsang...
Qaniydi ketmaganingda!

✍ Mumtozbegim

telemetr.me/sevgi_haqida_sherlarimiz

Hayotning tashvishlari ko'payib she'r joylashga ham vaqt bo'lmay qoldi azizlarim😔

Qosh ko‘zlari boshqacha onam.
Gap so‘zlari boshqacha onam.
Boshqalarga o‘xshamaydi hech,
Boshqalardan boshqacha onam.

Bildirmaydi qayg‘ularini,
Dildagi dard tuyg‘ularini,
O‘xshashi yo‘q kulgularini,
Boshqalardan boshqacha onam.

Bo‘lsam dardmand bo‘lsam jonsarak,
Boshqalarning parvoyi falak,
Meni deya bo‘ladi halak,
Boshqalardan boshqacha onam.

Bog‘ yaratib qurigan ko‘ldan,
Olov yoqar bir tutam kuldan,
Iforini topmadim guldan,
Boshqalardan boshqacha onam.

O‘z kunimga omon bo‘lsam ham,
Umas o‘zgalar tomon bo‘lsam ham,
Yaxshi ko‘rar yomon bo‘lsam ham,
Boshqalardan boshqacha onam.

Yuragimdan olib dardimni,
Tushunadi ko‘ngil qalbimni,
Kechiradi hamma aybimni,
Boshqalardan boshqacha onam.

Hayotimda bir o‘zi ma'no,
Oy-u quyosh yerdayin tanho,
Ona so‘zi bir hildir ammo,
Boshqalardan boshqacha onam.

Muallif: Komila Qiz.✍
Muallif huquqi himoyalangan.

telemetr.me/sevgi_haqida_sherlarimiz

Koʻngil sizniki.

Biz sevsak, sevamiz oshiqlarga xos,
Haqiqiy muhabbat chindir bizniki.
Koʻnglimiz nozikdir, oʻzimizga xos,
Gar sevsangiz seving, koʻngil sizniki.

Sevmagan koʻzlar hech chaqnamas, kulmas,
Sevgi der yurakning kamlari toʻlmas.
Seving deb majburlab sevdirib boʻlmas,
Gar sevsangiz seving, koʻngil sizniki.

Oʻzingizni koʻkda oy deya bilmang,
Har xil oʻyin qilib qalbimni tilmang.
Uni deb, buni deb, bahona qilmang,
Gar sevsangiz seving, koʻngil sizniki.

Ham sevib, sevilmoq yarashar bizga,
Bu koʻnglim tushmagan hech biror qizga.
Ishqimiz tushibdi adashib sizga,
Gar sevsangiz seving, koʻngil sizniki.

Koʻkdagi oylarni hayol surmasman,
Men ham peshonasi bitta shoʻrmasman.
Sev deb ortingidan chopib yurmasman,
Gar sevsangiz seving, koʻngil sizniki.

Yoʻq desangiz, ortga qaytib ketaman,
Meni sevmaganni sevib netaman.
Xoʻp desangiz, sizni baxtli etaman,
Gar sevsangiz seving, koʻngil sizniki.

✍ Sobitjon Eshtemirov 25.09.2026.

🌹🍃🩵 🎵

Sen qo'limdan ushlasang kelib,
Va shivirlab sevaman desang .
Muhimini aytay qo'y bilib,
Men dunyoga sig'may qolaman .

Sig'moq uchun bu dunyo bir kam
Har to'kisda nuqson topilar
Uchratmadim biror bir beg'am
Haddan oshsang yo'ling yopilar.

Ko'plik qilar yoningda bo'lmoq,
Ko'plik qilar hattoki visol
Bu hayotdan oldim ko'p saboq
Sekin yongin, bo'lsang sham chiroq

Bu dunyoga sig'may qolaman .

Asrora 🌱✍

telemetr.me/sevgi_haqida_sherlarimiz