ОҚҚА ИШОНМАНГ !

   Ибнул Жавзий роҳимаҳуллоҳ ўзининг “Заммул ҳаво” китобида келтиради:
“Ардашернинг шавкати зиёда бўлиб, бирин-кетин бошқа подшоҳлар унга итоат изҳор қила бошлашди. Ардашер Сурёнийлар салтанатини қамал қилди. Аммо забт қилиш ниҳоятда қийин кечди. Чунки қалъа ниҳоятда бақувват ва ўтиб бўлмас эди.
   Бир куни Сурёнийлар подшосининг қизи қалъа тепасига чиқиб Ардашерни кўриб қолиб ёни ёқтириб қолди. Қалъадан тушиб Ардашерга мактуб ёзди ва уни камон ўқига жойлаб қалъа ташқарисига отди. Мактубда шундай ёзилган эди:
   “Агар менга уйланишга ваъда берсанг сенга қалъага кириш йўлини кўрсатаман!”.
   Ардашер унга мактуб ёзди:
“Истаганинг бўлсин!”.
   Ардашер қиз кўрсатган йўл билан қалъага кириб шаҳар аҳлини қатл қилди. Қизнинг отасини ҳам ўлдирди ва қизга уйланди.
   Бир кеча бирга ётишганда қиз нимадандир безовта бўлди. Ардашер сўради:
-Сенга нима бўлди?
-Биқинимга нимадир қадалаяпти!
   Ардашер унинг биқинига қаради. Унинг териси ниҳоятда юмшоқ эди. Ардашер сўради:
-Отанг сени нима билан боққан?
Қиз жавоб берди:
-Отам менга асал, ёнғоқ ва майиз бериб боқар эдилар!
Ардашер ғазаб билан деди:
-Ҳеч ким сенга отанг едирган нарсаларни едира олмайди. Сен эса отангга хиёнат қилиб ўтирибсан. Ўзимни сенга ишона олмайман!
   Ардашер уни икки отга боғлади ва отларни икки томонга ҳайдади. Отлар қизни иккига бўлиб ташлади. Хоин қиз шу тариқа вафот қилди!”.

   Бирор-бир қизга совчи бўлиб боришдан олдин унинг ота-онасига қиладиган муомаласини ўрганинг. Агар ота-онасига яхшилик қиладиган бўлса унга уйланинг, уни келин қилинг!
   Ота-онасига яхшилик қилишни билмайдиган қиз гарчи ковушингизга патак бўлишни ваъда қилса ҳам унга уйланманг, уни келин қилманг. Ота-онасига яхшилик қилмаган киши сизга ҳеч қачон яхшилик қилмайди!
   Баъзи қизлар ота-онасига эҳтироми баланд йигитлардан қўрқишади. Уларни шахсияти заиф деб ўйлашади.
   Азиз сингилларим! Бунақа йигитлардан қўрқманг. Ота-онасига оқ бўлган фарзандлардан қўрқинг. Онасига яхшилик қилмаган йигит сизга яхшилик қилади деб ўйлайсизми?!
   Азиз ёшларимиз! Онасига яхшилик қилмайдиган қиз гарчи сиз учун ўнта бармоғини шам қилишга тайёр бўлсада, унга уйланманг. Онасига қилмаган ишини сизга қилармиди?!
   Яхши қиз билан ёмон қиз ўртасини ажратиш унчалик қийин эмас.
Қиз ва йигитларнинг ота-онасига, оиласига муомаласи ҳақида суриштиринг. Агар қиз отасини эҳтиром қилса, унинг гапини гап деса, унинг юзига тик қарамаган бўлса, отасининг лафзини ҳам, феълини ҳам ҳурмат қилса унга уйланса бўлади. У сизни ҳам ҳурмат қилади!
   Агар тескари бўлса гарчи дунё маликаси бўлсада, ундан моховни кўрганда қандай қочсангиз шундай қочинг.
   Баъзилар “уйланавер, уни тарбиялаб оласан”, дейишади. Бу гап нотўғри. Кўпларни кўрдим. Хотинларини ўзгартириш ўрнига ўзлари хотинларига тобе бўлиб кетишди. Баъзилари тобе бўлишмаган бўлсада, ҳаётлари жаҳаннамга айланган.
   Нажотни орзу қилган ақлли инсон мавжланиб турган денгизга кирмайди. Тўлқинлар билан курашиб бўлмайди. Борди-ю нажот топса ҳам ниҳоятда ҳолдан тояди.

@RamazonniQarshilab

🌹💞🌹Ассалому алайкум ва роҳматуллоҳи ва барокатуҳ

Бугун Чоршанба
24 Апрель  2024
15 Шаввол 1445


🌹💞🌹 Янги тонг  ҳайрларга, савобларга сероб кун бўлсин !

🌹💞🌹 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин !

🌹💞🌹Доимо туну-кун Аллоҳни  паноҳида бўлинг ! Амийн 🤲

@RamazonniQarshilab

ҲАР КИМНИНГ ҲАҚҚИНИ БЕРИШ КЕРАК

Асҳоби киромдан Абу Жуҳайфа Ваҳбул-Хайр розияллоҳу анҳу ҳикоя қилади: Расули акром соллаллоҳу алайҳи ва саллам Салмон Форсий билан Абу Дардони биродар қилган
эдилар. Бир куни Салмон Форсий Абу Дардонинг зиёратига борди. Биродарининг хотини Умму Дардони увада кийимда кўриб:
- Сенга нима бўлди? – деди. У:
- Биродаринг Абу Дардонинг дунёга ҳожати йўқ, - деди. Абу Дардо келди, меҳмонга таом тайёрладилар:
- Таомдан ол, ош бўлсин, мен бугун нафл рўза тутганман, - деди. Салмон розияллоҳу анҳу:
- Ўзинг емагунингча мен ҳам емайман, -деди. Абу Дардо ейишга мажбур бўлди. Кечаси бўлганда Абу Дардо туриб таҳажжуд намозини ўқимоқчи бўлди. Салмон розияллоҳу анҳу:
- Ёт, ухла, - деди. У ётиб ухлади. Бироздан кейин Абу Дардо яна туриб намоз ўқимоқчи бўлди. Салмон розияллоҳу анҳу:
- Ет, ухла, - деди. У ётиб ухлади. Тун охирлаганда: - Энди тур, - деди ва икковлари туриб намоз
ўқидилар. Сўнг:
- Диққат қил, биродарим, сенинг зиммангда Раббингнинг ҳақи бор, ўз нафсингнинг ҳақи бор, меҳмоннинг ҳақи бор, аҳли аёлингнинг ҳақи бор. Ҳар бир ҳақ эгасининг ҳақини адо эт, - деди. Кейин иккаласи Расулуллоҳ соллаллоҳу алайҳи ва салламнинг ҳузурларига бордилар. Абу Дардо бўлиб ўтган воқеаларни айтиб берди. Аллоҳнинг Расули:
– Салмон тўғри айтибди, - дедилар.

«Саҳобадан 101 хотира» китобидан.
mehrob_uz

1296. Абу Ҳурайра розияллоҳу анҳудан ривоят қилинади:
   "Набий соллаллоҳу алайҳи васаллам:
   "Рамазон олдидан бир икки кун олдин рўза тутманглар. Магар бир киши бирор рўза тутиб юрган бўлса, ўшани тутсин", дедилар".
   Бешовлари ривоят қилганлар.

"Сунан" эгаларининг ривоятида:
"Шаъбон ярмига етганда, рўза тутманглар", дейилган.

Шарҳ: Аҳли китоб бўлмиш кофир қавмлар ўзларига фарз қилинган рўзанинг қайси кун бошланишига шубҳа қилиб, бир-икки кун олдин тутишар, оқибатда нафл ибодат билан фарз ибодатини аралаштириб юборишар эди.
    Исломда эса иккиланишга, нафл ва фарзларни аралаштириб юборишга рухсат йўқ. Мусулмонлар ҳар бир ибодатни жазм билан, азму қарор билан нафлни нафл ўрнида, фарзни фарз ўрнида адо этишлари лозим.
   Шунинг учун ҳам Пайғамбаримиз солаллоҳу алайҳи васаллам Рамазон киришидан олдин бир икки кун қолганда рўза тутишдан қайтарганлар.
   Аммо бир одам маълум кунларда, мисол учун, душанба ва пайшанба кунларда нафл рўза тутиб юришга одатланган бўлса-ю, ўша кун Рамазондан олдинги кунларга тўғри келиб қолса, тутса бўлаверади .

🌹💞🌹Ассалому алайкум ва роҳматуллоҳи ва барокатуҳ

Бугун Сешанба
23 Апрель  2024
14 Шаввол 1445


🌹💞🌹 Янги тонг  ҳайрларга, савобларга сероб кун бўлсин !

🌹💞🌹 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин !

🌹💞🌹Доимо туну-кун Аллоҳни  паноҳида бўлинг ! Амийн 🤲

@RamazonniQarshilab

Саловат айтишнинг муҳимлиги

Шайх ибн Атоуллоҳ Сакандарий айтадилар:
«Кўп нафл рўза тута олмайдиган ва нафл намозларни ўқий олмайдиган киши Пайғамбаримиз саллаллоҳу алайҳи васалламга кўп-кўп салавот айтиши лозим. Чунки сизнинг умр бўйи қилган ибодатингиз билан Аллоҳ таоло сизнинг ҳаққингизга бир марта айтган салавоти солиштирилса, сизнинг умр бўйи қилган ибодатингиздан кўра Аллоҳ таоло сизнинг ҳаққингизга айтган биргина салавоти оғир келади. Чунки сиз ўз даражангизга мос намоз ўқийсиз, ибодат қиласиз. Аллоҳ таоло эса Ўз буюклигига муносиб салавот айтади.
Аллоҳ таолонинг биргина салавоти сизнинг бутун умр қилган ибодатингиздан устун келади. Энди У Зот сиз учун ўн марта салавот айтишини тасаввур қилиб кўринг-а!!!
Чунки Пайғамбаримиз соллаллоҳу алайҳи васаллам: «Ким менга бир марта салавот айтса, Аллоҳ унга ўн марта салавот айтади», деганлар».
(Аллоҳ таолонинг бандаларига айтган салавоти – раҳматидир.)
mehrob_uz

1300. Абу Саъийд розияллоҳу анҳудан ривоят қилинади:
   "Набий соллаллоҳу алайҳи васаллам:
   "Ким Аллоҳ учун бир кун рўза тутса, Аллоҳ унинг юзини етмиш куз дўзахдан узоқ қилади", дедилар".
   Икки шайх ривоят қилганлар.

Шарҳ: Аллоҳ таолонинг розилигини топиш мақсадида ихлос билан нафл рўза тутишнинг улуғ иш эканлигини тушунтиришга бу ҳадиси шарифдан ортиқ бирор огиз сўз керак бўлмаса керак.

Душанба куни нима учун нафл рўза тутилади?

Чунки у улуғ кун. Унинг улуғлигининг биринчи аъломати охирги замон  Пайғамбари, Сарвари олам Муҳаммад соллаллоҳу алайҳи васаллам Фил йили, Робиъул аввал ойи, душанба куни дунёга келганлар.

Шунингдек, Қуръони каримнинг биринчи оятлари тушиши Рамазон ойининг 17 куни, душанба кунида содир бўлган. Бу кунлар дунё тарихидаги энг улуғ, энг муборак кунлардир.

Шунинг учун ҳам у куннинг рўзасини ҳар хафта тутиш тарғиб қилинади.

Абу Қатода розияллоҳу анҳудан ривоят қилинади:
«Набий соллаллоҳу алайҳи васалламдан душанба ва пайшанба куни рўзаси ҳақида сўралди. Узот:
«Ўша кунда туғилдим ва ўша кунда менга Қуръон нозил қилинди», дедилар».
Абу Довуд ва Муслим ривоят қилишган.

«Ҳадис ва ҳаёт» китобидан
mehrob_uz

🌹💞🌹Ассалому алайкум ва роҳматуллоҳи ва барокатуҳ

Бугун Душанба
22 Апрель  2024
13 Шаввол 1445


🌹💞🌹 Янги тонг  ҳайрларга, савобларга сероб кун бўлсин !

🌹💞🌹 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин !

🌹💞🌹Доимо туну-кун Аллоҳни  паноҳида бўлинг ! Амийн 🤲

@RamazonniQarshilab

Пайғамбаримиз соллаллоҳу алайҳи васаллам қуйидагиларга амал қилишимизни буюрадилар:

     ☝️Доимо тоза овқатларни енг.

     ☝️Жуда иссиқ ва жуда совуқ еманг.

     ☝️Кўп чайнаб, секин енг.

     ☝️Овқатдан олдин ва кейин қўлларингизни ювинг.

     ☝️Доимо овқатдан иштаҳали бўлиб туринг, кўп еманг.

     ☝️Овқат ейиш давомида кўп сув ичманг.

     ☝️Қишда бироз кўпроқ ёғли овқатлар, ёзда эса енгилроқ овқатлар ва кўкатлардан енг.

     ☝️Овқатларингиздан хурмони кам этманг.

     ☝️Узум, хурмо ва зайтун. Аллоҳга шукур этмоқ учун сизга сиҳат ва қувват беради.

     ☝️Чарчаган вақтингизда ширинликларни енг.

     ☝️Синиқ косаларда овқат еманг, бундай идишда сув ҳам ичманг.

     ☝️Овқатланаётганда доимо яхши кайфиятда бўлинг, ёлғиз овқат еманг.

     ☝️Доимо овқатдан сўнг дуо ўқиб, шукр қилинг.

     ☝️Ҳар ойда бир кун рўза тутингки, вужудингиз дам олсин.

     ☝️Асал еб туринг, у минг дардга даводир.

«Илоҳий мўъжизалар» китобидан.
mehrob_uz

🌹💞🌹Ассалому алайкум ва роҳматуллоҳи ва барокатуҳ

Бугун Якшанба
21 Апрель  2024
12 Шаввол 1445


🌹💞🌹 Янги тонг  ҳайрларга, савобларга сероб кун бўлсин !

🌹💞🌹 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин !

🌹💞🌹Доимо туну-кун Аллоҳни  паноҳида бўлинг ! Амийн 🤲

@RamazonniQarshilab

Шифо оятлари

وَيَشْفِ صُدُورَ قَوْمٍ مُؤْمِنِينَ
1. "Ва мўмин қавмларнинг кўнгилларига шифо беради" (Тавба, 14).

يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ
2. "Эй одамлар! Сизга ўз Роббингиздан мавъиза, кўксингиздаги нарсага шифо, мўминларга ҳидоят ва раҳмат келди" (Юнус, 57).

يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لَآَيَةً لِقَوْمٍ يَتَفَكَّرُونَ
3. "Уларнинг (асалариларнинг) қоринларидан одамлар учун шифо бўлган турли рангдаги шарбат (асал) чиқур" (Наҳл, 69).

وَنُنَزِّلُ مِنَ الْقُرْآَنِ مَا هُوَ شِفَاءٌ وَرَحْمَةٌ لِلْمُؤْمِنِينَ
4. "Биз Қуръонни мўминлар учун шифо ва раҳмат ўлароқ нозил қилурмиз" (Исро, 82).

وَإِذَا مَرِضْتُ فَهُوَ يَشْفِينِ
5. "Бемор бўлганимда менга шифо берадиган ҳам Унинг Ўзи" (Шуаро, 80).

هُوَ لِلَّذِينَ آَمَنُوا هُدًى وَشِفَاءٌ
6. "У, иймон келтирганлар учун ҳидоят ва шифодир" (Фуссилат, 44).

#Қуръонга_муҳаббат

Буюк саҳоба Абдуллоҳ ибн Масъуд розияллоҳу анҳу Пайғамбаримиз соллаллоҳу алайҳи васаллам олдиларига бориб кўз оғриғидан шикоят қилганида, ул муҳтарам зот:

«Мусҳафга доим назар солиб тур!» деб тавсия этганлар.

Байҳақий «Шуъбул иймон»да ривоят қилган

1299. Абдуллоҳ ибн Буср розияллоҳу анҳудан, у киши сингиллари розияллоҳу анҳодан ривоят қилади:
   "Набий соллаллоҳу алайҳи васаллам:
    "Шанба куни сизга фарз қилинган рўзадан бошқа рўза тутманглар. Агар бирортангиз узум донаси пўчоғи ёки дарахт шохидан бошқа ҳеч нарса топмаса, ўшани чайнасин", дедилар.
  "Сунан" эгалари ривоят қилганлар. Имом Ҳоким саҳиҳ деган.

Шарҳ: Демак, ушбу ривоятга биноан, ёлғиз шанба куни рўза тутиб бўлмайди. Агар шундай қилинса, яхудийларнинг иши қилинган бўлади. Бу ишга алоҳида эътибор беришимиз лозим. Чунки Пайғамбаримиз соллаллоҳу алайҳи васалламнинг "Узум донаси пўчоғини ёки дарахт шохини топса ҳам шимиб олсин", деганлари шуни кўрсатади.