Телеграм канал «РАМАЗОННИ ҚАРШИЛАБ»

РАСУЛУЛЛОҲНИНГ ЯҚИН КИШИЛАРИДАН БИРИ БЎЛИШНИ ХОҲЛАЙСИЗМИ?

“Албатта, Аллоҳ ва Унинг фаришталари Пайғамбарга салавот айтурлар. Эй иймон келтирганлар! Сиз ҳам унга салавот айтинг ва салом юборинг” (Аҳзоб сураси, 56-оят).

Пайғамбаримиз саллоллоҳу алайҳи васалламга кўп салавот айтган киши, У зотнинг яқинларидан бирига айланади. Шунинг учун ҳам аҳли илмлар орасида: “Муҳаддислар Расулуллоҳга энг яқин инсонлардир. Чунки, улар ҳадис китобларидан таълим бериш асносида Расулуллоҳга ўта кўп салавот айтадилар” деганлар. Муҳаммад Тақий Усмонийнинг дадалари Шафиъ Усмоний раҳматуллоҳи алайҳ Расулуллоҳнинг зиёратига бориб, Масжиди Набавийдаги устунлардан бирига суяниб: “Расулуллоҳнинг атрофида ва равза яқинида юрган инсонлар, У зотга энг яқин кишилар бўлса керак” деб фикр юритиб турсалар, муборак қабр томонидан қулоқларига қуйидаги овоз чалинган экан: “Менга кўп салавот айтувчилар менга энг яқин кишилардир, гарчи улар мендан манзилда йироқда бўлсалар ҳам. Менга салавот айтмайдиган кишилар мендан узоқ кишилардир, гарчи манзилда яқин бўлишса ҳам”.

Муҳаммад Тақий Усмоний. Ислоҳи хутубот. -Ж. 6.

mehrob_uz

ЖУМА ДУОСИ

АЛЛОҲИМ мен ҳам барча қулларинг каби ожиз ва бечораман. Қўлимдан келганини қилсамда, кучим етмаган нарсаларнинг барчасидан ёлғиз СЕНГА сиғинаман, СЕНДАН ёрдам сўрайман. Қалбимдаги дуойим ила ҳаддим сиғмаса-да яна эшигингдаман Ё РАБ ! Беморларимизга шифо бер, қарздор биродарларимизга чиқиш йўли бер, дарди борларга давони эҳсон айла. Иззат ва шарафидан ҳеч қандай шубҳа бўлмаган РОББИМ !
Гуноҳларимизни афв айла, бизни динингга, севганларимизга, ўлкамизга ҳайрли қил.
АЛЛОҲИМ кўнглимизда бор бўлганни умримизга ҳайрли қил. Биз учун ҳайрли бўлиб кўнглимиздан жой ололмаганга кўнгил беришни насиб эт.
Қўл очиб ёлворишимиз мумкин бўлган ягона эшик СЕНИНГ эшигингдир. Эй буюкларнинг энг буюги бўлган АЛЛОҲИМ !
Фақирликдан, имонсизликдан, ҳаёсизликдан, золим бўлишдан ва ҳорликдан ёлғиз ЎЗИНГГА сиғинаман ва СЕНДАН ёрдам сўрайман. Мени ва барча мусулмонларни бало ва ёмонликлардан асра РОББИМ !
Ё РАББИЙ ! Йўлимиздан СЕНИ унуттирадиган, СЕНГА ибодат қилишдан бизни тўсадиган инсонларни эмас, бизга ҳар доим СЕНИ эслатиб, СЕНИНГ эшигингга олиб борадиган қулларингни чиқар.
Барча дардларимдан СЕНГА арз қиламан АЛЛОҲИМ ! Дуоларни ижобат этувчи юксак шаънинг ила қилган дуоларимни ЎЗИНГ ижобат айла ! Амин, амин, амин !

@RamazonniQarshilab

ЖУМА КУНИ АСР НАМОЗИДАН КЕЙИН ДУО ҚИЛИШ 

📿 Расулуллоҳ соллаллоҳу алайҳи васаллам дедилар :
"Жума кунида бир шундай соат борки, ўша вақтда Аллоҳдан бирор нарса сўралса, У Зот албатта беради. Уни асрдан кейинги охирги соатда изланглар"
(Абу Довуд, Насоий ривояти).

Солиҳлардан бири айтган : 
"Жума куни асрдан шомгача дуо қилганимда, Аллоҳ таоло барча дуоларимни ижобат этди !".

@RamazonniQarshilab

Жума куни кўп-кўп салавот айтишни унутманг !

Салавот қалбни нурлантиради, дилни ёриштиради, ақлга зиё беради. Унутган нарсани ёдга келтиради, исонга ҳаловат ва хотиржамлик бахш этади. Умматни Пайғамбар алайҳиссалом билан боғлайди. Инсон Расулуллоҳга салавот ва салом йўллар экан, унинг барча ғам-ташвишларига Аллоҳнинг Ўзи кифоя қилади, ризқини мўл-кўл этиб, буюк мукофотлар билан тақдирлайди.

Ҳазрати Алий ибн Абу Толиб розияллоҳу анҳудан ривоят қилинади : «Ким жума куни Набий соллаллоҳу алайҳи васалламга юз марта салавот айтса, қиёмат куни у юзида бир нур билан келади. Одамлар: «Бу нима қилар эди?» – дейишади»
(Байҳақий ривоят қилган).

🌹 Аллоҳумма, солли ъалаа Муҳаммадин ва ъалаа оли Муҳаммад!

@RamazonniQarshilab

Саловат айтишни унутманг,  Азизлар !
Тириклигингизда саловотлар билан тилларингиз хушбўй бўлса, сафар қилган кунингиз қабрингиз ҳам хушбўй, ин шаа Аллоҳ Жаннат бўлади...

Аллоҳумма солли аъла Набиййина Муҳаммад ва аъла али Муҳаммад
«Аллоҳумма солли ъала Саййидина  Муҳаммад ва аъла али Муҳаммад»

@RamazonniQarshilab

Абу Ҳурайра розияллоҳу анҳудан ривоят қилинади.
Расулуллоҳ соллаллоҳу алайҳи васаллам :
«Ким : «Ла илаҳа иллаллоҳу ваҳдаҳу ла шарийка лаҳ, лаҳул мулку ва лаҳул ҳамду ва ҳува ъала кулли шай`ин қодийр», деб бир кунда юз марта айтса, ўнта қул озод қилган баробарида бўлибди. Унга юзта ҳасанот ёзилиб, юзта ёмонлиги ўчирилади, кундузидан то кеч киргунича шайтондан омонлик бўлади. Унинг бу амалидан афзалроқ ишни ҳеч ким қила олмайди. Фақат шу калималарни кўпроқ айтган киши ўзиб кетади», дедилар.
Ва яна у зот : «Ким :
«Субҳаналлоҳи ва биҳамдиҳи», деб бир кунда юз марта айтса, хатолари денгиз кўпикларича бўлса ҳам, ўчирилади», дедилар.
(Муттафақун алайҳ).

@RamazonniQarshilab