Телеграм канал «Pharmacist Abdullah | الصيدلاني عبدالله»

صارلي 7 أشهر بدون انستا وقبل كم يوم سويت هذا الحساب إذا تحبون تضيفوني وأضيفكم🥲❤️‍🔥 https://www.instagram.com/auje_1?igsh=MTEyemNrazg0YmJvZQ%3D%3D&utm_source=qr

من شنو لازم تحذر ؟! 🤔 مو أي شخص يجيك ويسألك هالسؤال وتجاوبة بجملة " اي طبيعي هالشي " !! ليش ؟! لأن ممكن الشخص عندة حالة مرضية ، لذالك لازم تاخذ منة هستري قبل لاتگلة هذا الكلام شنو الحالات المرضية اللي يصير بيها كثرة الأدرار ؟! _ياخذ ادوية مدررة _عندة سكر من النوع الثاني _عندة التهاب مسالك بولية _عندة مشاكل بالمثانة _عندة مشاكل بالبروستات _عندة حصى الكلى او المثانة _عندة مرض السكري الكاذب _التوتر والقلق هم يزيد الأدرار _يمكن تجيك حامل وتسألك هالسؤال وإذا حامل سألتك هيچ ، شنو راح تجاوبها ؟

معلومة اليوم عن Frequent urination ويعني الأدرار المُتكرر خلال هاي الأيام والأيام القادمة راح يجون هواي مُراجعين للصيدلية ويسألون عن أكثر سؤال متكرر ، وهوَ ! دكتور عندي ادرار كلش هواي وبالساعة اروح 3 او 4 مرات للحمام، يعني عندي سُكر ؟! انتَ هنا لازم تكون عندك فكرة عن الموضوع وهسة اني راح اشرحلك ❤️‍🔥 بهاي الفترة الجو راح يصير بارد ، وخصوصاً احنة مُقبلين على شتاء ، لذالك الشخص بالصيف چان يتعرق حتى يتخلص من السوائل الزائدة اللي بجسمة ، بس هسة الجو بارد والأنسان ماراح يتعرق بكثرة ، لذالك شلون يتخلص من السوائل اللي بجسمة ؟! راح يتخلص منها عن طريق الأدرار بعد شنو السبب الثاني ؟! 🥶 من يصير الجو بارد ، الأوعية الدموية الطرفية وخصوصاً الموجودة بأطراف الأيد والرجل ، راح تتقلص ، وإذا تقلصت يعني صار بيها Vasoconstriction شنو راح يصير ؟! راح يرتفع ضغط الدم ، وإذا ارتفع ضغط الدم ؟! راح يرتفع حجم الدم ، لذالك الكلى شراح تسوي ؟! راح تصفي السوائل الزائدة من الدم وتطلعها خارج الجسم ، لذالك الشخص راح تصير عندة زيادة بالأدرار بعد شنو السبب الثالث ؟!🤔 من يجي الشتا ، راح نقلل من شرب السوائل ، الماء والعصير الخ… ، ليش ؟! لأن مو عطشانين وإذا قللنا شرب السوائل بالشتاء ، شنو راح يصير ؟! البول راح يزداد تركيزة بالمثانة ، وإذا ازداد راح يهيج جدار المثانة ، لذالك المثانة حتى ميتهيج الجدار مالتها ، لذالك أحد اسباب الأدرار المتكرر بعد انطيك سبب ؟! ☕️ اكيد بالشتاء راح نشرب چاي وگهوة بكثرة والچاي والگهوة يعتبرن مدررات طبيعية لذالك إذا الواحد يشربهم بكثرة ، كذالك راح يتدرر هواي وخليك حذر ‼️ ليش ؟! تابع هنا 👇🏼

وإذا تعرفون شخص يداوم تحليلات سواء طالب او متخرج ، ياريت تدزولي حسابة 🤍