Телеграм канал «Nuraddin Sham - FHS»

Koreewwan Dhaabbiifi Itti Aantota Koreeewwan Dhaabbii Caffee Oromiyaa haaraya muudaman

1. Kab. Obbo Gabiree Urgeessoo Dura Taa’aa Koree Dhaabbii Dhimma Bulchiinsaa seeraafi Misooma Namaa Caffee Oromiyaa
2. Kab. Aadde Kokabee Diidhaa Dura Teessuu Dhimma Dubartootaafi Hawaasummaa
3. Kab. Obbo Abdulhakiim Aliyyii Koree Dhaabbii Dhimma Misooma Baadiyyaa
4. Kab. Obbo Diriirsaa Waaqumaa Dura Taa’aa Koree Dhaabbii Dhimmi Misooma Magaalaa Caffee Oromiyaa
5. Kab. Aadde Lalisee Ittaanaa Dura Teessuu Koree Dhaabbii dhimmi Baajataafi To’annoo Horataalee Mootummaa ta’uun muudamaniiru.

Akkasumas, Itti aantota 1. Kab. Aadde Dastaa Nageessoo- Itti aantuu D/T Koree Dhaabbii Dhimma Misooma Magaalaa
2. Kab. Aadde Caaltuu Tuqaa Itti aantuu Koree dhaabbii Dhimma Misooma Baadiyyaa
3. Kab. Obbo Birhaanuu Baqqalaa Itti aanaa Koree Dhaabbii Dhimma Bulchiinsaa, Seeraafi Misooma Namaa
4. Kab. Aadde Iftuu Mahaammad- I/Aantuu Dura Teessuu Koree dhaabbii Dhimma Dubartootaafi Hawaasummaa Caffee Oromiyaa
5. Kab. Obbo Gabiree Dhaabii I/A Dura Taa’aa Koree Dhaabbii Dhimma Baajataafi To’annoo Horataalee Mootummaa ta’uun muudamanii jiru.

Manni Marii Yubootaa Gandaa Maal Hojjata? Aangoofi gaheen hojii isaanii maali ? Iti Waamamni Isaa hoo eenyuufi ?

Manni Maree Yubootaa kan jedhamu Miseensa 15 kanneen jiraattoota gandaan filataman kan of keessaa qabu Mootummaa cimaa sadarkaa Gandaatti ijaaruufi hojiiwwan misoomaa, nageenyaafi bulchiinsa gaarii milkeessuu keessatti hirmaannaa uummataa kan mirkaneessu tokkoon tokkoo Ganda Naannoo Oromiyaa keessatti Labsii Gurmaa’insa, Aangoofi Hojii Qaama Raawwachiistuu Godina,Aanaaleefi Gandoota Mootummaa Naannoo Oromiyaa Murteessuuf Qophaa’e Labsii Lakk 268/2019n hundaa'ee jira.

#Manni_Maree_Yubootaa aangoofi hojii armaan gadii ni qabaata.

1) Karoora misoomaa Gandichaa qophaa’e irratti mari’achuun yaada galtee ni dhiyeessa; ni gabbisa;

2) Hawaasni Gandichaa qophii karoora misoomaa, raawwii isaafi gamaaggama raawwii irratti akka hirmaatuufi gahee isaa akka bahu ni kakaasa; ni jajjabeessa;

3) Hojii misoomaa, nageenyaafi bulchiinsa gaarii keessatti ummanni dammaqinaan akka hirmaatuufi gahee irraa eegamu akka bahu ni taasisa; qindoominni akka cimu ni deeggara;

4) Nageenya, tasgabbiifi ol’aantummaan seeraa Gandicha keessatti akka mirkanaa’u Bulchiinsa Gandichaa ni deeggara; ni gorsa;

5) Dhimmoota misoomaa, bulchiinsa gaariifi kanneen biroo irratti Bulchiinsa Gandichaa ni deeggara; ni gorsa;

6) Imaammanni, tarsiimoon, seeronniifi sagantaaleen mootummaa akka Gandichaatti hojiirra akka oolu ni deeggara;

7) Qabeenyi uumamaa Gandichaa sirnaan akka kunuunfamu, eegamuufi bulu ni hordofa; hirmaannaa uummataatiin akkasumas jiraattoonni Gandichaa sirnaan akka itti fayyadamaniifi eegaan ni taasisa;

8) Tajaajila mootummaa sadarkaa Gandaatti kennamu ni hordofa; ni deeggara; bakka rakkoon jirutti tarkaanfiin akka fudhatamu ni taasisa;

9) Dhimmoota xiyyeeffannaa addaa barbaadan irratti hawaasa Gandichaa ni mariisisa; yaada ni sassaaba; Bulchiinsa Gandichaa ni gorsa;

10)Hojii Mana Maree bulchiinsaa Gandichaa ni hordofa; ni gorsa;

11)Tooftaalee adda addaa misooma Gandichaa hojiirra oolchuuf gargaaran kanneen akka sosochii hawaasaafi qabeenya maddisiisuu irratti hirmaannaan uummataa akka cimu ni taasisa;

12)Koreewwan addaa addaa aangoofi hojii isaa sirnaan raawwachuuf isa dandeessisu yookiin koreewwan yeroofi kaayyoo murtaa’eef tajaajilan ni hundeessa; ni bobbaasa;

13)Qaamolee adda addaa misooma Gandichaa irratti hojjetaniif deeggarsi barbaachisaa akka taasifamuuf ni hojjeta;

14)Hojiiwwan dabalataa kaayyoo isaa galmaan gahuuf gargaaran ni raawwata.

#Sirna_Walgahii_Mana Maree Yubootaa
1) Manni Maree Yubootaa ji’a sadiitti yeroo tokko walgahii idilee kan qabaatu ta’ee, akkaataa barbaachisummaa isaatti Walitti Qabaan yookiin miseensa Mana Maree Yubootaa keessaa tokko sadaffaan (1/3) yoo gaafatan yeroo kanaa gadi keessatti walgahii ariiffachiisaan gaggeeffamuu ni danda’a.

2) Miseensota Mana Maree Yubootaa keessaa harki caalu yoo argaman korri walgahii guutuu ni ta’a.

3) Murtiin Mana Maree Yubootaa kan kennamu sagalee caalmaatiin ta’ee, sagaleen miseensotaa walqixa yoo ta’e, yaadni Walitti Qabaadhaan deeggarame murtii Mana Marichaa ta’a

#Aangoofi_Gahee_Hojii_Walitti_Qabaa
1) Walgahii Mana Maree Yubootaa yeroon ni waama; ni hooggana;

2) Ajandaa walgahii akka qophaa’u ni taasisa; miseensota akka dhaqqabu ni taasisa; ni hordofa;

3) Qaboon yaa’ii sirriitti qabamuu isaa ni mirkaneessa;

4) Mana Maree Yubootaa bakka bu’uudhaan qaama biroo waliin quunamtii ni taasisa;

5) Koreewwaan Mana Maree Yubootaa jalatti hundeeffaman ni qindeessa;

6) Hojiiwwan kan biroo Mana Maree Yubootaatiin kennameef ni raawwata.

#Aangoofi_Gahee_Hojii Itti Aanaa Walitti Qabaa
1) Hojiiwwan Walitti Qabaan kennameef ni raawwata; Bakka Walitti Qabaan hin jirreetti yookiin hojii isaa raawwachuuf hin dandeenyetti bakka bu’ee ni hojjeta.

✅Itti Waamamni Mana Maree Yubootaa Ummata Gandichaatiif ta'a

Waajjira Abbaa Alangaa Aanaa Meettaa

Share The_Ethiopian_National_Dialogue_Assessme.pdf

Share Jabana Dijitaalaayizeeshinii.pdf