Телеграм канал «疫苗副作用频道»

鼎泰豐美國分店部摺餐巾機械人，1個鐘摺到95條，仲快過上一代2.7倍。如果香港餐廳都引入，你接唔接受？

Dyna Robotics 喺8月27日公布，旗下摺餐巾機械人正式喺鼎泰豐美國分店網絡全面鋪開。
官方形容鼎泰豐係全美單店營收最高餐飲連鎖，公司預計2027年上半年裝機量可達數百部，部署仲包埋酒店、物流同數據中心。

官方話新一代 Dyna-2 每粒鐘摺到95條餐巾，93%達到品質標準，一日做到1,590條上得枱。
鼎泰豐要求每部機喺18個鐘班次內摺出1,500條，即係每日產量已經跑贏要求。

對比上一代 Dyna-1，每粒鐘得摺到大約35條，得75%過標，一日產量約480條。
Dyna-2 速度快2.7倍，品質通過率高咗18個百分點。
最特別係訓練方式，佢哋用超過100萬小時第一人稱人類影片做預訓練，換算大約170年，完全冇用機械人遙操作數據。
官方仲話，客戶端零樣本部署品質通過率去到87%，而 Dyna-1 得46%。

Dyna-2 行嘅係世界行動模型（WAM），同 Physical Intelligence、NVIDIA、Skild AI 用嘅視覺語言行動路徑唔同，佢會同時預測下一畫面同下一動作指令。
現場切換都算靈活，餐巾摺好要放去10個指定堆疊位，實際放邊堆由指令決定，有分店設5堆，有啲設10堆，改指令就得，唔使換模型。
新場域由設定到達投資回報門檻，最短3日搞掂。

除咗餐飲，佢哋旗下摺疊機械人 Sophy Swiftfold 已經喺美國 Sacramento 一間洗衣店 Monster Laundry 投產，係北美首個投入生產嘅 AI 摺疊機械人，24小時連續運作成功率99.4%，效率約人手六成。

背景方面，Dyna Robotics 總部位於加州 Redwood City，由 Lindon Gao、York Yang 同前 Google DeepMind 研究員 Jason Ma 創立。
York Yang 之前將創辦嘅 Caper AI 以3.5億美元（約港幣27.3億元）賣畀 Instacart。
公司累計融資1.44億美元（約港幣11.2億元），其中2025年9月A輪1.2億美元（約港幣9.36億元）由 Robostrategy 同 CRV 領投。
佢哋行 B2B 訂閱制，客戶按月俾錢用機械人，唔使一次過買斷硬件，停用可以隨時停訂，對連鎖品牌嚟講風險低好多。

#鼎泰豐 #餐飲機械人 #AI #DynaRobotics #最新潮流

腦出血搶救無效
一代武打巨星陳觀泰病逝 享年80歲

資深傳媒人汪曼玲今早（2日）在社交平台宣布，邵氏武打影星陳觀泰於今晨5時，因腦出血搶救無效不治，享年80歲。有指與他相識多年的邵氏舊友透露，陳觀泰近年身體狀況正常，上月還與好友飲茶見面，當時未見異樣，估不到今晨接獲陳觀泰弟弟通知他離世消息。

陳觀泰由九歲開始習武，跟隨大聖劈掛門第二代宗師陳秀中，因而獲培訓和參加打擂台，並獲國術比賽輕重量級冠軍，後被邵氏睇中加入影壇，並獲大導演張徹賞識成為其「契仔」之一。陳觀泰代表作甚多，包括《馬永貞》（1972）、《成記茶樓》（1974）、《大哥成》（1975）。後期作品是2011年榮獲金像獎最佳電影的《打擂台》（2010），戲中跟梁小龍飾演師兄弟。

#陳觀泰 #馬永貞 #成記茶樓 #打擂台 #娛聞新村

https://www.hk01.com/sns/article/60386240?utm_medium=Social&utm_source=fbpost&utm_campaign=news