🌸🌺ВОСПИТАТЕЛИ & СУПЕР МУЗИКАНТЫ🌸🌺 : 4'617 | на пост: 459 | ER: 10.4% Публикации Упоминания Аналитика

ДАДАЖОН

Бугун шунчалар ҳам соғиндим сизни,
Йиғладим, расмингиз махкам қучоқлаб.
Кечиринг дадажон, сиз қизингизни,
Бир байт ёзолмадим, сизга бағишлаб.

Сиз дея шеър ёзмас қўллар не керак
Керакмас, номингиз битилмаган байт.
Соғинчдан минг битта бўлинган юрак,
Сиз чун байт битолмай турибман шу пайт.

Бардоши тоғлардек виқорли отам,
Соғинч кўзларимдан оқяпти селдек.
Қиролсиз саройлар тутмоқда мотам,
Умрим ҳам ўтяпти шамолдек, елдек.

Бугун роса кўргим, келдику сизни,
Ўқиб бергим келди сизга шеърларим,
Меҳрингизни қўшиб эркалаб бизни,
Бир бор десайдингиз, Она қизларим.

"Ана бу бошқа гап" деган сўзингиз,
Қулоғим остида жаранглар ҳамон,
Яна бир кўрсайдим нурли юзингиз
Соғинчдан юрагим ёнмоқда ёмон.

Дада, дадажоним соғиндим сизни
Ҳар тун тушларимда йўқланг эркаланг.
Силаб қўлингизда нам тортган кўзни,
Тонгача бошимдан кетманг аллаланг.

Ёрқин хотирангиз ўчмайди абад,
Куч олиб яшайман ҳар сўзингиздан.
Аллоҳим жаннатни этсин иноят,
Мехрингиз соғинган ой қизингиздан.

Дадажон жудаям соғиндим сизни.
✍Санобар Тилакова

🌸🌺ВОСПИТАТЕЛИ & СУПЕР МУЗИКАНТЫ🌸🌺 : 4'617 | на пост: 459 | ER: 10.4% Публикации Упоминания Аналитика

ОНА.


Она юзингизга тушибди ажин.
Кўзингизни нури ҳиралашибди.
Ҳеч ким эшитмапди онамни дардин.
Бечора қалбини яралашибди.



Мен нодон мусофир юртида юриб.
Онам қариганин сезмай қолибман.
Йиллар ўтибди ҳам давримни суриб.
Битта асочалик бўлмай қолибман.

Ўша отам эккан мажнунтол дараҳт.
Онамни асрабди соялар бўлиб.
Менчи дараҳтчалик бўлмапман бадбаҳт.
Шу кундан қанийди ўлсайдим қолиб.


Онамни оёғин ўпиб йиғладим.
Қалтироқ қўлларин кўзимга суртиб.
Ўтган умримга мен бағрим тирнадим.
Дудоғим қалтирар овозим ютиб.


Юзимни силаган қўлларни ҳиди.
Мушки анбарлари бурқиб турарди.
Болам тирикмисан қийналдингми деб.
Мендан ҳавотирда қўрқиб турарди.



Она қарғамангиз кечиринг мени.
Ёлғиз ўғлингизни кўзи кўр бўлган.
Милён топдим аммо қадри йўқ уни.
Онасин зор қилиб ўзи ҳўр бўлган.


Болам ҳайриятки жоним чиқмади.
Озиб кетибсанми соғиндим жуда.
Юборган ҳатларим сенга етмади.
Мени асраб турди яратган ҳудо.......




Малак Сиймо✍

🌸🌺ВОСПИТАТЕЛИ & СУПЕР МУЗИКАНТЫ🌸🌺 : 4'617 | на пост: 459 | ER: 10.4% Публикации Упоминания Аналитика

Она дуоси

Бир куни бой бадавлат ўғил онасидан хабар олгани ёшликда ўсиб улғайган хонадонига келди. Онаси пешин намозини ўқиётган эди. Ўғил эшикда анча кутиб қолди. Она узоқ дуо қилиб намозини якунлаб ўғли ёнига чиқди, кутиб тоқати тоқ бўлган ўғил жаҳлда онасига деди:

– Она сиз ҳар куни беш вақт намоз ўқиб, узундан узоқ дуо қилиб, бир нарсаларни сўрайсиз? Лекин ҳеч нарсангиз йўқ, ночор ҳаёт кечирасиз. Мана менинг бошим саждага тегмаган, намоз ўқимайман, лекин ҳаммаси етарли, бирор нарсага муҳтожлигим йўқ – деди

Шунда она ўғлига: Болажоним, мен саждага бош қўйиб, сенинг униб ўсишингни, бой бадавлат яшашингни, ҳар ишда омадли бўлишингни сўрайман. Менга бундан бошқа ҳеч нарса керак эмас. Мана меҳрибон Аллоҳ сўраганимни беряпти, яна битта энг катта тилагим бор, шу тилагим ҳам рўёбга чиқса, мендан бахтли она йуқ дунёда -деди кўзларига ёш олиб.

– Нима тилак экан у, онажон – деди ўғил.
Она: сенинг беш вақт намоз ўқишингни, намозга шошилишингни кўзларим билан кўрсам армоним йўқ эди, болажоним. Онасининг сўзларини эшитган ўғил беихтиёр кўзига ёш олиб:
– Меҳрибоним, мен гумроҳ ўғлингизни кечиринг, деди.

Эй ўғил! Сиз ўйламанг, «мен беибодат бўлсам ҳам, Аллоҳ менга беряпти» деб. Сизни хаққингизга кеча-ю кундуз дуо қилаётган ота-онангиз сабабчидирлар. Дуогўй ота-онангизни эъзозланг, ҳурмат қилинг, қадрига тириклик чоғида етинг.