💙💙💙💙💙💙💙

عادي يمر عليك يوم
ماتنجز بيه كلشي ،
وماتكون سوبر هيرو كل يوم ،
عادي لو فشلت وضعفت ،
عادي لو تركت بهاليوم انك تستمر بأي شي جاي تسويه ،
عادي تاخذ ريست من كلشي ،
عادي مايكون عندك طاقة فـ تقرر تبقى بمكانك يوم كامل بدون ماتتحرك ودكوم وتواجهة نفس الصراعات ،
عادي تعيش يوم كل اللي انجزته بيه هوّ انك صبيتلك استكان جاي ،
ماكو داعي كل الأيام نبقى ضروري نصارع وننجز وضروري ننجح وضروري نكون أقوياء
كلشي عادي لمن يكون الموضوع متعلق براحتك وروحك ..

يالله شكد واقعي وشكد أثر بيه هالموقف
وتذكرت بكل مرة ختلت خلف أمي كلما أذتني وقست علية الدنيا من جنت صغيرة ولحد هسه ..

وليد أستاذ الرياضيات الجبير
لمن تعب والدنيا أذته
المكان الوحيد اللي راحله هو غرفة أمه وتمدد خلف ضهرها بكل هدوء ..

__

لم تبقى لي سوى صفحة واحده لأكتب عليها ،
وساملؤها بكلمات صغيرة من مقطع واحد : أحب وأحببت وسأحب .
-رواية I capture the castle .

انا مو داخله بسباق ولا تحدي ولا عندي غايه اصير احسن من احد لو داسعى حتى انجح على عناد فلان شخص وحتى الناس دگول أنا احسن منّا ،
لا مادخل بمقارنات اصلًا
أنا عايشه لأحلامي ولنفسي
عسى مايصير فلان وزير أنا مالي؟ ،
عندي حدودي أكبرها وعندي خطتّي ودراسمها مثل ما اريد ويسعد قلبي وأوصل للمكان اللي اريده وانجح بمجالات حابتها ،
اسعى لغايات لنفسي انو اي انجح واتطور
وارجع اشوف روحي القبل واللي واصلته هسه ،
كلش بعيده عن غايات الناس ومقارناتهم والله ..

اكو هواي مرات ادزون للبوت وماكدر اردلكم لان تحظروه
يعني أني جاي ارد عليكم لا عبالكم متجاهلة

اقرب قصيدة لقلبي هي وكل كلمة بيها احبها

شكرًا للشعر والأغاني والمسلسلات والرسم والكتابة ولنسمات الهوى وكلشي يساعدني اشرد من كل هالعالم ولو لثواني ..

ومرمرتني
موتتني
مره غازلتك جذب وتورطيت
والف مره تعذرت وماسامحتني .