__

مارايده يوم حلو ومليان مفاجأة وشغلات تفرحني
ولا رايده حدث بي يخليني سعيده ،
كل الي رايدته أعيش يوم عادي
عادي الي هوّ مابي تفكير زياده مابي صداع مابي شرود مابي مغثات مابي خوف
مابي هالنغزه الي بالقلب ،
ولا أي شي يوم عادي أعيشه وأكون راضيه بنهايته ..

باقي بس الـ٣٨ من اشباهيي

شاركوني الأفكار الي زرعوها اهلكم بعقلكم ولحد هسه تصدكون بيها

أحب الأفكار الي زارعتها بعقلنا أمي لمن جنا صغار
مثل لمن إذا أكلنا الخبزه المحروگه الله يرزقنا وينطينا فلوس ، وجنا دائمًا ناكلها وراه شويه نلگي جوا مخدتنا الف دينار لو خمسميه ونركض عليها فرحانين دگللنا "هاي الله دزها لأن اكلتوا الخبزه المحروگه وماذبيتوها"

كبرنا وعرفنا انو هيّ الي جانت داتخليلنا هالفلوس جوا المخده بس لساتنا لمن نشوف خبزه محروگه نتعارك عليها منو ياكلها ..

معاك قلبي♥️.

صباح الخير ..

احلى مرحلة يصلها الشخص الي ماتتحدد بيا عمر تجيك
لكن بعد ماتتأذى وتعرف قدر روحك ونفسك والي هيّ مرحلة الـ"محَد يستحق"
وتجي عادةٍ مع كمية من الـ"طز" بعد كل شي ..

بگد كلمة "يارب"
الي تختصر كل الحيرة والخوف والحزن وكلشي بقلبنا ،
يارب نطمئن ، نطمئن وبس ..

الحياة تستحق تنعاش
لگيت مسلسل حلو اتابعه ..

مشتهيلي حچاية
تنذب اعله گلبي
تبرّد بحرگة ظنونه .

-زيد الهاجري.

يارب نُقع في طريق حنون ،
مهما مَرّ فينا مابيقساش علينا ..

💙💙💙💙💙💙💙

ومثل ماگال مُبارك لمن شاف جميلة تبچي وگلتله "أني ولا شي" بعد ما أذاها حبيبها الي جان يشوفها شخص عادي ماذكر شجان اسمه ،
نعم هذا الي كنت اقصده ..

كلنا بهالحياة هاي نشبه الصفر
راح تستغرب واحتمال جبير لا بس بكل الاحوال راح اجاوبك
كلنا اكو أشخاص تشوفنا مهمين وأشخاص ثانية تشوفنا بدون اي قيمة وفائده مثل الصفر ،
الصفر اكو أشخاص دگول عنه مهم لأن لمن ينحط كدام رقم تزيد قيمة هالرقم
مثل العشره والميه وحتى المليون لو خلينا ست اصفار فادنا من انو نكعد نحط مليون رقم حتى نصل للمليون ،
وأشخاص ثانيين تشوفه مو مهم لمن ينحط بجهة يسار الرقم مجرد رقم هامش
يكون ماعنده أي قيمة ولا أي تأثير على باقي الأرقام ! ،
المهم أنت تحدد وين تحط روحك وويامن حتى تبرز من قيمتك ..

اللقطه الي خلتني اتعلم الدبجة شكد ماعدتها وشفتها
تجنن تجنن

♥️♥️♥️♥️♥️

__

عمري ماحسيت نفسي بمكان صح أو بطريق طريقي وبي نهاية اليه ، أصلا بعمري ماجنت بمكان اليه لوحدي وانتمي اله ،
ولهالسبب انُ داعيش حياتي وأني اشكك بكلشي يصيرلي وما أحس بالأمان بأي شي وأي شخص ..