Телеграм канал «Новы свет 🌞»

#верш
#лямпа

артэміда

багіня палявання, дзікіх жывёл,
лясоў і ўрадлівасці
артэміда, дзіяна
процілегласць бліскучага бога сонца
яна не выказала б мне міласці
бо я баюся звяроў, часам нават маленькіх, як апантаная

цікава, ці даляцяць яны да луны
дай божа, з імі нічога не здарыцца
цікава, жыццё – скала ці лесвіца?

ты аддаляешся ад мяне
месяц аддаляецца ад зямлі
а самы прыгожы від на зямлю ўсё роўна з месяца

─────────≪✷≫────────
Спасылкі аўтара:
● wow, so poetry (Telegram)

Надрукавана паводле матэрыялаў, прапанаваных аўтарам.
Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#верш
#Ася_Фенікс

Адліга

А дзень становіцца даўжэй
І птушкі моляцца праз спевы.
І я малюся. Так лягчэй
Знішчаць душэўныя сумневы.

Растае тлусты, цвёрды снег,
Зялёны колер будзе ўсюды.
Прырода будзе, як у сне,
Вясна падорыць зрэшты цуды...

─────────≪✷≫────────
Спасылкі аўтара:
аўтар не пакінуў спасылак на ўласныя крыніцы

Надрукавана паводле матэрыялаў, прапанаваных аўтарам.
Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#верш
#Магарэта_Мак

Мне прыснілася, што я была ў Мінску
І па вуліцах лунала прывідам.
То высока праплывала, то нізка
Над знаёмым мне здавён краявідам.

Мармытала ўслых па памяці вершы
І падэшвамі ў зямлю друкавала
Па радочку: тут апошні, там першы,
Тут Янішчыц запішу, там Купалу.

Мяне бачылі наскрозь нават коткі.
Толькі іншыя мясцовыя зданні
Прыпыняліся на позірк кароткі,
Пасміхнуцца ў ледзь заўважным вітанні.

Я праходзіла ў замкнутыя дзверы
І без сораму змяілася ў вокны,
Толькі болей узмацняючы веру
Ў рэчаіснасць паўпразрыстых валокнаў,

Сшытых швом скразным з Драздоў да Чыжоўкі,
Верхнім бокам у Траецкім прадмесці,
Адваротным — недзе ля Асмалоўкі.
А далей — па ўжо заезжаным змесце:

Зашпіліць трамвайных рэек маланку
І чырвоны дворык-гузік кішэнны,
Адарвацца ад зямлі на світанку,
Зазірнуўшы ў вочы цемры страшэннай.

Ляжа горад-паліто мне на плечы.
Рэшткі сноў вазьму, як слоік з кансервай,
Каб, прыціснуўшыся спінай да печы,
Імі ўзімку загаіць сабе нервы.

Ці яно таго наогул не варта?
Бо ўначы з тых пор мне неяк не спіцца.
Але ў ложак я кладуся ўпарта:
Раптам Мінск мне зноў калісьці прысніцца?

─────────≪✷≫────────
Спасылкі аўтара:
● Margo (Threads)

Надрукавана паводле матэрыялаў, прапанаваных аўтарам.
Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#верш
#pan_Tadevuš

Гэй, з дому я паеду
На обчую старонку,
Бо мне ня хочуць даць
Дзяўчынанькі зьлюблёнай!
Бо мне ня хочуць даць, хоса-дына,
Дзяўчынанькі зьлюблёнай...

Як не дадуць жа мне ця -
Утаплюся ў Вісле,
Абысь ты ведала,
Як я аб табе мысьлю!
Абысь ты ведала, хоса-дына,
Як я аб табе мысьлю...

Як я аб табе мысьлю,
Мысьліць не перастану,
Я ж пры табе, дзяўчына,
Назаўшэ пазастану!
Я пры табе, дзяўчына, хоса-дына,
Назаўшэ пазастану...

Хоць не дадуць мне вена,
На тым я не стаяцьму,
А тым жа пахвалюся,
Што я кахану брацьму.
А тым жа ды пахвалюся, хоса-дына,
Што я кахану брацьму....

Хоць не дадуць мне вена,
Ні з кім ня буду вадзіць,
Буду я пад акенцам
Белую ружу садзіць.
Буду я пад акенцам, хоса-дына,
Белую ружу садзіць...

Cаджу я белу ружу,
Ой, яшчэ і чарлёну.
Бо маю я за жонку
Дзяўчынаньку зьлюблёну.
Бо маю я за жонку, хоса-дына,
Дзяўчынаньку зьлюблёну...

А як гадаюць людзі
Ды пра цябе ды веле,
Мы іх папросім
На наша на вясельле.
Мы іх папросім, хоса-дына,
На наша на вясельле.

─────────≪✷≫────────
Спасылкі аўтара:
● CORDA FIDELIUM (Telegram)

Надрукавана паводле матэрыялаў, прапанаваных аўтарам.

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні! Адказнасць за дакладнасць цытат, арфаграфію, пунктуацыю нясуць аўтары.
─────────≪✷≫────────