Телеграм канал «Новы свет 🌞»

#верш
#pan_Tadevuš

Дума Камянецкая

Там, дзе Камянец Падольскі, ой, Падольскі,
Стаіць турчын з дужым войскам, ой, ды з войскам.
Ён стаіць ды не ваюе, не ваюе -
Дужэй войска патрабуе, патрабуе.

Гетман у полі колы точыць, ой, ды точыць:
Турэччыне плюе ў вочы.
"Не адзін з каня тут падзе,
А фартэца не ўпадзе, ой, ня ўпадзе!".

Пасылае матка сына, ой, ды сына
На военку да турчына.
Пасылае сястра брата, ой, ды брата
На военку на тры лята.

А харугвы ў полі хвеюць,
А пад коньмі ногі млеюць.
Як харугвы тыя трушчаць, ой, ды трушчаць,
Ся жагнаюць з плоцьцю душы.

Ляціць страла за стралою,
Ся ліе кроў ды ракою, ой, ракою.
Ляціць куля, ано фурчыць,
Ся ліе кроў, ано дзюрчыць.

Ляцяць кулі бы віхрамі,
Ся ліе кроў рукавамі, ой, ды рукавамі...
Мінуў рок, другі мінае - сястра брата выглядае.
Брат жа ейны ляжыць у полі, ой, ды ў полі,
З галавою на куколі.

Вэдле конік жа сумуе, ой, сумуе,
Грабе ножкай ды жалуе.
Грабе з цёмна і да рана, ой, ды да рана -
Так свайго жалуе пана.

"Калі, пане, цябе меў, ой, ды меў,
Дык авес чысты еў, ой, ды еў,
Няма тэраз і саломы, ой, саломы.
Разьдзяруць крукі-вароны, ды вароны.

Ўстань жа, пане малады, дай зярна мне і вады!
Не даеш мне і саломы, ды саломы,
На зямлю сам палажоны, ой, палажоны...

Лепш удома йсьці за плугам,
На вайне ніж шляхам другім.
На военцы пекна ходзяць, ой, пекна ходзяць:
Па калена ў крыві бродзяць, ой, ды бродзяць!".

─────────≪✷≫────────
Спасылкі аўтара:
● CORDA FIDELIUM (Telegram)

Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы цяпер можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#песня #музыка
#ТоЯ

>> Слухаць на YouTube <<

─────────≪✷≫────────
☀️ Прапанаваць свае творы/малюнкі/музыку/вырабы цяпер можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#музыка #песня
#Лінь

https://open.spotify.com/album/53q7hm76LqKf4nhaAT6lHg?si=Ct2RW0nVTceJ0aLlFCwjOw

─────────≪✷≫────────
Спасылкі аўтара:
● Telegram

Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы цяпер можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#верш
#Цвіль

Апала лісце, звяла паныла,
Зямля ў цішы ўсё накрыла.
Як маю труну з рук апускалі,
Як маці родную абнялі…

Не хацеў я, каб вам балела,
Я хацеў — каб воля пела.
Доля ж выпадак падлажыла,
Душу з жыццём перакрыжыла

Труну спускалі ўніз нясмела,
На неба хтосьці паглядзела.
І жыла надзея — раптам ўстану,
Абтрасу сон і гляну ў рану.

А сам здалёк на вас глядзеў,
Як дзед стаяў і ледзь пацеў.
Чорная кошка, з мною была
І ў вечны пакой мяне адвяла

Можа, гэты дол — горкі, не мой?
Апошнім чуць: «Даруй, родны».
І ўжо без сіл сядзець, чакаць,
І лёс свой чорны праклінаць.

Звесці тыя ж лісце паныла,
Цішу лівень халодны разбіла.
Так праводзіла мяне прырода —
Больш, чым «сябры», ў цяжкія годы.

Памятаю пса, яго вітанне,
І рукі той, чыё дыханне…
Труну спускалі… плач нячутны…
Твар сяброўкі быў пазалотай смутны

─────────≪✷≫────────
Спасылкі аўтара:
● Telegram

Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы цяпер можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#верш
#Воля_Броўка

Вольная

Вольная птушка - для вольнага неба,
Ёй ні цяпла не патрэбна, ні хлеба.
Лётаць увысь ды цапляць сабой зоркі,
Хмары пранзаць і рабіць ім аборкі.

Што ёй баліць, ну куды яна рвецца?
П’янай свабодзе хіба прадаецца?
Хто зразумее яе адзіноту?
Той, хто аддаўся калісьці балоту?

Вольная птушка святло выбірае,
Можа, ёй страшна, ніхто і не знае.
Хай жа нішто белых крылаў не звяжа,
А іншая птушка на песню адкажа.

02.03.2026
─────────≪✷≫────────
☀️ Прапанаваць свае творы/малюнкі/музыку/вырабы цяпер можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────

#ADM

Вясна ідзе, красуе ранне квеццем —
Не трэба ёй нагоды і прычын.
Вясна ідзе. Я адчуваю сэрцам:
Яна ідзе за моцаю жанчын.

Дарагія жанчыны і дзяўчыны! Панны і пані! Спадаркі і спадарыні! 💐

Ад шчырага сэрца хочацца павіншаваць вас з Міжнародным жаночым днём — днём, калі ўсе мы надаем асаблівую ўвагу ролі жанчын у нашым свеце, нашай культуры, нашай гісторыі.

Хацелася бы пазычыць вам моцы і непахіснасці, трывання і мэтлівасці — але вы, агмень беларускай душы, і так маеце іх.
Таму пажадаем вам выканання мрой і мараў, мірнага неба і дому, каб блізкія і любімыя людзі заўжды былі побач, а час прыносіў толькі добрыя навіны.

Усіх, хто жадае, заклікаем таксама далучыцца да віншаванняў пад гэтым допісам! Лепшыя віншаванні будуць апублікаваны у канале! 💛

#проза
#Максім_Крывіч

Вяртанне дадому

Трэба дома бываць часцей,
Трэба дома бываць не госцем,
Каб душою не ачарсцвець,
Каб не страціць святое штосьці.

Рыгор Барадулін

Гэтым вечарам на вуліцы было незвычайна пагодна. Промні барвовага сонца адбіваліся ад шкляных панэляў на роўнай паверхні асфальту, афарбоўваючы яго ў мяккі ружовы колер. Пяшчотны ветрык павольна хістаў ледзь-ледзь распукнутыя галінкі дрэў, з якіх час ад часу было чуваць вясёлую гамонку чыжоў, здаецца, зусім не стомленых доўгай дарогай на поўнач. Што шукалі яны ў гэтым краі? Што такога знаходзілі яны ў гэтым маленькім кутку Еўропы, што прымушала іх штогод вяртацца да родных мясцін з цёплых паўднёвых краін?

Не ведаю. Але разумею. Бо я такі жа самы, як і яны — маленькія спадарожнікі вясны. Бо, куды б не заводзіла мяне жыццё, усё адно я апынаўся тут: ля маленькай хаты з сіняю брамай, з-за якой, нібы родны бурчлівы дзядзечка, выглядаў стары трухлявы ядловец, які, адмаўляючыся пакідаць гэты свет, штогод упарта нараджаў усё новую і новую ігліцу, чым заўжды выклікаў у мяне нявольную павагу.

Я выцягнуў з кішэні невялікі ключык і ўставіў яго ў замочную шчыліну. Брамка заўпарцілася, зарыпела — і, адмовячыся аддаваць ключ назад, стала колам. Я чартыхнуўся, прысеў на кукішкі і пачаў бессэнсоўна круціць замок у спадзеве на тое, што стары механізм не саржавеў канчаткова. Калі надзеі не засталося амаль зусім, пачуўся гучны пстрычок — і замок урэшце паддаўся. Выціраючы з ілба дробныя кропелькі поту, я зайшоў у маленькі дворык, што павольна пераходзіў у сад.

За хатай у садочку стаялі старажытныя куртатыя яблыні, сто разоў падпілаваныя і абсечаныя ў спробах захаваць іх яшчэ на год ці два. Але ўзрост усё роўна даваў пра сябе знаць, і калісьці багатыя на ўраджай дрэвы ледзь-ледзь маглі даць пару якіх дзясяткаў пладоў на сезон. Адно з іх — тая яблыня, па ствале якой я так любіў караскацца ў дзяцінстве — стаяла пустое, голае, памерлае… Яно не перажыло гэтай халоднай, суворай зімы. І астатнім, я ведаў гэта цвёрда, таксама засталося нядоўга.

Па правым баку ад мяне стаяла цагляная прыбудова, якая была адначасова і дрывотней, і сараем, і гаражом. Але розніцы ніякай паміж імі не было, бо ролі свае тыя страцілі яшчэ нават да майго народжання, пераўтварыўшыся ў склад рознага роду жалязяк, матораў, прылад і таго, што, па словах маёй бабулі, “калісьці ды і згадзіцца”.

Бабуля… На працягу ўсяго свайго жыцця яна была непарыўна звязана з гэтым месцам, увасабляла яго, сваімі кволымі, але працавітымі рукамі падтрымлівала яго жыццё, не шкадуючы ні сіл, ні самой сябе. Не маючы моцы ў нагах, яна нібыта зраслася і з гэтай хатай, і з гэтым садам, толькі зрэдку выходзячы да кагосьці ў госці. Штогод, як вяртаўся ў свой родны горад, я першай жа справай наведваў яе, а яна ўжо чакала мяне. Хоць выказваць сваю радасць пры людзях яна ніколі не любіла, але па ажыўшых вачах яе я бачыў, наколькі шчаслівай яна была ў тыя самыя хвіліны, як мая нага пераступала парог роднай хаты…

І сёння я бачыў яе таксама. Яна стаяла бокам, быццам бы выпадкова праходзіла па пярэдняй. Такая ж, як і шмат гадоў таму, калі я пакінуў гэты дом назаўсёды.
“Вячэра ўжо стыне, чаго ж ты спазніўся так, а?”
Я шчыра ўсміхнуўся і, як у дзяцінстве, бесклапотна ступіў за парог сваёй малай старэнькай хаты, ледзь чутна зачыніўшы за сабою вялізныя сталёвыя дзверы.

─────────≪✷≫────────
Спасылкі аўтара:
● Telegram
● Threads

Пераходзьце па спасылках, каб падтрымаць вашых любімых аўтараў!

☀️ Прапанаваць свае творы/малюнкі/музыку/вырабы цяпер можна ў паведамленні канала або рэдактару (@m_kryvich) ў асабістыя паведамленні!
─────────≪✷≫────────