Телеграм канал «Новы свет 🌞»

#верш
#Мацей_Мілашэвіч

Балота

Дрымотная вада, чарот і трысьнягі,
Бяздонная дрыгва — прыстанішча тугі..
Маркотнаму маўчаньню роўнядзі шкляной
Адказваюць нябёсы зь цьмянаю віной,
І беспрытульна носіцца пашум глухі.

А штось расьце ды сьпее ў цёмнай глыбіні —
І падымаюцца таемныя агні.
Ды кветкі бляклыя чаруюць над вадой,
І думы змрочныя нясуцца чарадой —
То багна штосьці сьніць у жудкай цішыні.

─────────≪✷≫────────
Спасылкі аўтара:
● Purpur jašče ŭvaskreśnie (Telegram)
● Мацей Мілашэвіч (Stihi.by)
─────────≪✷≫────────

Надрукавана паводле матэрыялаў, прапанаваных аўтарам.

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!

#верш
#Сп_Сонечны

Вязень

Ты забываешся:
Ты быў замкнуты ў цёмнай вежы.
Ты не змагаешся:
Раскрый шырэй сагнуты плечы.
Ты там хаваешся?
У сценах вежы цёмнай, цеснай.
Ці прызвычаіўся
Ў няволі жыць панурай, вечнай?

Ты сцісні рукі!
Кулак твой будзе быццам молат.
Бей мур той крухкі!
І ты ўзгадаеш: ты ёсць волат!
Бей мур дашчэнту!
Сачыцца будзе скрозь каменне
Твой лек ад гора:
Свабоды яснае праменне.

28.07.2026

─────────≪✷≫────────
Спасылкі аўтара:
● Хай Ззяюць (Telegram)
─────────≪✷≫────────

Пераходзьце па спасылках, каб падтрымаць вашых любімых аўтараў!

Надрукавана паводле матэрыялаў, прапанаваных аўтарам.

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!

#верш
#Мацей_Мілашэвіч

* * *

Дыхае туманны вечар летуценна.
Я, зьбіраючы распылены нэктар,
Келіх свой ізноў — як і заўжды, сумленна —
Стаўлю на зарослы мхом сівы алтар.

З Сонцам сумна-бронзавым пераглянуўся —
Соннае, як і заўжды, яно маўчыць.
І той дзіўны гук, што вуха не крануўся,
Я ўплятаю рупна ў залатую ніць.

Тку зь няіснага адвечны Ідэал,
Ды, няверныя, зь мяне сьмяюцца кросны.
Разіць у крыло халодны мінэрал —
Кроплі лаламі сьцякаюць у нябёсы.

Ды скрозь хвалі летуценнага туману,
Скрозь парфумы, стылыя ў нябесным шкле,
З падсьвядомасьці, ахутанай дурманам,
Юны месяц мне сваё пасланьне шле.

Ведама ж! Як я не здагадаўся? Вытку
Вэлюм Ідэалу я з блакітнай мроі,
У ахвярным келіху абмыўшы нітку
Агнявым віном — сваёю ўласнай кроўю.

─────────≪✷≫────────
Спасылкі аўтара:
● Purpur jašče ŭvaskreśnie (Telegram)
● Мацей Мілашэвіч (Stihi.by)
─────────≪✷≫────────

Надрукавана паводле матэрыялаў, прапанаваных аўтарам.

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!

#верш
#Какáўка

Йду па праспекце. Лета.
Шкарпэткі з Марозам Дзедам
Апранутыя:
Халадзяць абутак.

Спёка. Сонца гарыць нястрымна.
Свеціць дурное і мне
З акуляраў шклянак вочы
Выжыгае.

Яно палае, урэшце згарае,
А вочы цякуць па акулярах.

─────────≪✷≫────────

Надрукавана паводле матэрыялаў, прапанаваных аўтарам.

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!

#верш
#Сп_Сонечны

Бывай вайна

Бывай вайна, бывайце жахі!
Вяртаецца ваяр дахаты.
Бывай бясконцы шлях крыві,
Бывай варонаў крык ліхі.

Ляжаць шляхі перада мною,
Што прывядуць мяне дадому.
Ляжаць перада мной палі,
Што кроўю макаў параслі.

Заўсёды буду мець пустэчу
Чакаючы штодзень сустрэчу
З братамі, што ляглі ў баях,
Спачын знайшоўшы на палях.

Свой боль хаваючы у сэрцы,
Далей жывучы ў паняверцы,
Кажу - бывай пара вайны!
Ня варта ты людзкой крыві.

03.06.2026

─────────≪✷≫────────
Спасылкі аўтара:
● Хай Ззяюць (Telegram)
─────────≪✷≫────────

Пераходзьце па спасылках, каб падтрымаць вашых любімых аўтараў!

Надрукавана паводле матэрыялаў, прапанаваных аўтарам.

☀️ Прапанаваць свае творы/малюнкі/музыку/вырабы можна ў паведамленні канала або рэдактару (@m_kryvich) ў асабістыя паведамленні!