Телеграм канал 'Тошкент вилояти | Kun.uz'

Тошкент вилояти | Kun.uz


13'539 подписчиков
4'677 просмотров на пост

Kun.uz’нинг Тошкент вилоятига оид хабар ва янгиликлар расмий канали.

Реклама: +998 55 5001122

Хабар юбориш учун 👉 @Kunuzgaxabarbot

Детальная рекламная статистика будет доступна после прохождения простой процедуры регистрации


Что это дает?
  • Детальная аналитика 208'846 каналов
  • Доступ к 80'703'246 рекламных постов
  • Поиск по 310'407'618 постам
  • Отдача с каждой купленной рекламы
  • Графики динамики изменения показателей канала
  • Где и как размещался канал
  • Детальная статистика по подпискам и отпискам
Telemetr.me

Telemetr.me Подписаться

Аналитика телеграм-каналов - обновления инструмента, новости рынка.

  • 1
  • 2
  • 3
  • ...
  • 132

Найдено 2634 поста

Оҳангаронда «Зил-130» машинаси ёниб кетди

23 январ куни Оҳангарон шаҳрида 1988 йилда туғилган Д.А. бошқарувидаги «Зил-130» русумли юк автомобилида ёнғин содир бўлган. Ёнғин натижасида тан жароҳати олганлар йўқ. Ёнғин бартараф этилган.

Ҳодиса юзасидан Оҳангарон шаҳар ИИБ ЙҲХБ ва ФВБ томонидан суриштирув ишлари олиб борилмоқда.

👉 Тошкент хабарлари
Изображение
«Чимён»да қалбаки долларни «ўтказиб» кетган шахслар қўлга олинди

21 январ куни вилоят ИИББ Хавфсиз туризмни таъминлаш бошқармасига Бўстонлиқ туманида яшовчи икки нафар фуқаро ариза билан мурожаат қилган. Улар аризасида «Чимён» дам олиш маскани ҳудудида уч нафар номаълум шахс 3 та 100 АҚШ долларлик қалбаки купюрани 3 миллион 25 минг сўмга айирбошлаб, номаълум томонга кетганини маълум қилиб, уларга нисбатан қонуний чора қўришни сўраган.

Тезкор-қидирув натижасида уч нафар фуқаронинг икки нафари ушланган. Гумонланувчилар – Қўқон шаҳрида яшовчи 1991 йилда туғилган И.К. ҳамда Данғара туманида яшовчи 1995 йилда туғилган А.А. эканлиги аниқланиб, улардан 4 та 100 АҚШ миқдоридаги қалбаки купюра далилий ашё сифатида олинган.

Ҳолат юзасидан Жиноят кодексининг 176-моддаси 2-қисми билан жиноий иш қўзғатилган. Шунингдек, учинчи шахсни ушлашга қаратилган тезкор-қидирув тадбири давом эттирилмоқда.

👉 Тошкент хабарлари
Изображение
Президентга чой қуйиб узатган қизнинг ҳаяжони. У кейинги пиёлани кимга узатишни билмай довдираб турганида, бувиси вазиятни ўз қўлига олди.

Давлат раҳбарининг Бухорога ташрифидан эксклюзив видеолар – Xpress.uz'да

📹 Бошқа видеолар:
https://t.me/joinchat/AAAAAFjwJTe_ROCX2GmiSQ
Видео/гифка, 23 сек, mQfC0ksRTQiSAjSx.mp4
Қалбаки валюта қимматликларининг муомалага киритилишининг олди олинди

Бош прокуратура ҳузуридаги Департаментнинг Тошкент ва Наманган вилояти бошқармалари томонидан Божхона ходимлари билан ҳамкорликда Наманган вилояти, Учқўрғон туманида ўтказилган тезкор тадбирда, фуқаро О.К. қалбаки валюта қимматликларини муомалага киритиш орқали даромад орттиришни кўзлаб, таниши Б.Қ.дан сотиб бериш учун олган қалбаки 8 950 АҚШ долларини харидорга 4 500 АҚШ долларига сотган вақтида ашёвий далил билан ушланган.

Мазкур ҳолат юзасидан О.К. ва бошқаларга нисбатан Жиноят кодексининг 176-моддаси 2-қисми билан жиноят иши қўзғатилиб, тергов ҳаракатлари ўтказилмоқда.

👉 Тошкент хабарлари
Изображение
Зангиотадаги боғча раҳбарлари салкам 1 миллиард сўмни талон-торож қилишда айбланмоқда

Айбловга кўра, боғча мудираси ва бошқалар 6 йил ичида аслида у ерда ишламайдиган 37 кишига маош ҳисоблаб юрган, шулардан 4 нафари – мудиранинг яқин қариндоши.

Иқтисодий жиноятларга қарши курашиш департаменти Зангиота туман бўлими ва Мактабгача таълим вазирлиги мутахассислари тумандаги 16-сонли боғчада текшириш ўтказди. Бу ҳақда ҳар икки идора матбуот хизмати хабар қилди.

➡️ Батафсил ўқинг

Текширувда аниқланишича, МТТ мудираси ва бошқалар 2014–2020 йиллар давомида аслида боғчада ишламайдиган 37 кишини ишга қабул қилиб, ҳужжатларни қалбакилаштирган ва 983,5 млн сўм бюджет маблағини талон-торож қилган. 37 кишидан 4 нафари мудиранинг яқин қариндоши экани айтилмоқда. Боғча мудираси ва бошқаларга нисбатан Жиноят кодексининг тегишли моддалари билан жиноят иши қўзғатилди.

👉 Тошкент хабарлари
Изображение
📹 Вилоят ҳокими Бўка тумани аҳолиси билан учрашув ўтказди

23 январ куни Бўка туманида вилоят ҳокими Рустам Холматов, сектор раҳбарлари, бошқарма, ташкилот ва корхона бошлиқлари иштирокида сайёр қабул бўлиб ўтди.

👉 Тошкент хабарлари
Видео/гифка, 118 сек, Bo`ka sayyor qabul Vil hokim.m4v
🌦 #Об_ҳаво

25 январ куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 25 январ куни Тошкент вилоятида ҳаво ўзгариб туради, ёғингарчилик кутилмайди. Баъзи жойларга туман тушиши мумкин.

Шамол ғарбдан 3-8 м/с тезликда эсади.

Ҳарорат кечаси –10... –5 даража совуқ, кундузи 0... +5 даража илиқ бўлади.

👉 Тошкент хабарлари
Изображение
Тошкент вилояти боқилаётган отлар сони бўйича республикада етакчи

Давлат статистика қўмитаси маълумотига кўра, 2021 йил 1 январ ҳолатига республикада 254,0 минг бош от мавжуд.

Ҳудудлар кесимида отлар сони:
🔹Тошкент – 55,5 минг;
🔹Қашқадарё – 33,2 минг;
🔹Жиззах – 27,9 минг;
🔹Самарқанд – 27,2 минг;
🔹Қорақалпоғистон Р. – 25,9 минг;
🔹Навоий – 19,8 минг;
🔹Сирдарё – 15,1 минг;
🔹Сурхондарё – 14,7 минг;
🔹Фарғона – 9,5 минг;
🔹Андижон – 6,8 минг;
🔹Наманган – 6,8 минг;
🔹Бухоро – 5,9 минг;
🔹Хоразм – 5,6 минг.

👉 Тошкент хабарлари
Изображение
Чирчиқ шаҳрида 900 минг сўмга марихуана сотаётган фуқаро ушланди

18 январ куни вилоят ИИББ Хавфсиз туризмни таъминлаш бошқармаси ҳамда Чирчиқ шаҳар ИИБ ЖҚБ ходимлари ҳамкорлигида ўтказилган тезкор тадбир натижасида гиёҳванд моддасининг ноқонуний савдоси билан боғлиқ жиноят фош этилди. Чирчиқ шаҳрида яшовчи 34 ёшли П.М. шартли мижозга бир дона гугурт қутига солинган марихуанани 900 минг сўмга сотаётган вақтида тезкор ходимлар томонидан далилий ашё билан қўлга олинган.

Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан Жиноят кодексининг 273-моддаси 2- қисми билан жиноят иши қўзғатилган. Ҳозирда тергов ҳаракатлари олиб борилмоқда.

👉 Тошкент хабарлари
Изображение
#Биласизми

Автомашинани кимлар ишончномасиз бошқариши мумкин?

Транспорт воситаси эгасининг қуйидаги қариндошлари транспорт воситасини ишончномасиз бошқариши мумкин:
• ота-онаси;
• эри (хотини);
• болалари;
• ака-укалари;
• опа-сингиллари.

Ушбу яқин қариндошлар ҳақида маълумот (фамилияси, исми, отасининг исми, қариндошлик даражаси) транспорт воситаси эгасининг суғурта полисида кўрсатилган бўлиши керак.

👉 Тошкент хабарлари
Изображение
🍇 #Нарх_наво

Нурафшон шаҳри марказий деҳқон (озиқ-овқат) бозоридаги нархлар

🗓 24 январ ҳолатига

🥩 Мол гўшти (1 кг) ➖ 55.000 – 60.000 сўм
🍖 Қўй гўшти (1 кг) ➖ 60.000 – 65.000 сўм
🍗 Товуқ гўшти (1 кг) ➖ 18.000 – 25.000 сўм
🌻 Ўсимлик мойи (1 л) ➖ 16.000 – 19.000 сўм
🌱 Пахта мойи (1 л) ➖ 15.000 сўм
🍚 Гуруч (1 кг) ➖ 7.000 – 16.000 сўм
🍚 Шакар (1 кг) ➖ 7.500 – 8.000 сўм
🍚 Ун (1 кг) ➖ 5.000 – 6.500 сўм
🍞 Нон (буханка) ➖ 1.650 сўм

🥛 Сут (1 л) ➖ 5.500 сўм
🥚 Тухум (10 дона) ➖ 11.000 – 12.000 сўм
🍅 Помидор (1 кг) ➖ 5.000 – 10.000 сўм
🥒 Бодринг (1 кг) ➖ 20.000 – 28.000 сўм
🧅 Пиёз (1 кг) ➖ 2.000 – 2.500 сўм
🥔 Картошка (1 кг) ➖ 3.500 – 5.000 сўм
🥬 Карам (1 кг) ➖ 1.500 – 2.000 сўм
🥕 Сабзи (1 кг) ➖ 2.000 – 2.500 сўм
🍏 Олма (1 кг) ➖ 5.000 – 20.000 сўм

👉 Тошкент хабарлари
Изображение
Янги-Ангрен ИЭС бошқарув компанияси: қозон тозаловчиларнинг хавфсизлик техникасига риоя этмаганлиги портлашга олиб келди

2021 йил 20 январ куни Янги-Ангрен иссиқлик электр станциясида содир бўлган фавқулодда вазият тўғрисида станция бошқарув компанияси Kun.uz’га маълумот тақдим этди.

➡️ Батафсил ўқинг

“2021 йил 20 январь куни соат 11:30 да «Энергоқозонтозалаш» масъулияти чекланган жамияти ходимлари томонидан Янги-Ангрен иссиқлик электр станцияси 5-қозон агрегатининг 12,0 метрлик белгисида кулни кимёвий тозалаш пайтида, кўмир-кукун аралашмасининг чақнаши юзага келди, натижада уч киши ҳалок бўлди, яна уч киши турли даражада куйиш жароҳати олган. Ушбу 5-қозон агрегати вақтинча тўхтатилган ва у кимёвий тозаланаётган пайтда қозон тозаловчиларнинг техника хавфсизлиги қоидаларига риоя этмаганлиги ана шундай аянчли оқибатларга олиб келди.

👉 Тошкент хабарлари
Изображение
Вилоят ҳудудида бир кунда 27 нафар ширакайф ҳайдовчи аниқланди

Вилоят Ички ишлар бош бошқармаси ЙҲХБнинг йўл-патрул хизмати инспекторлари томонидан мунтазам равишда ўтказилаётган рейдлар ўз самарасини бермоқда. Хусусан, 20 январда кун давомида транспорт воситасини спиртли ичимликдан маст бўлган ҳолда бошқариб келаётган 27 нафар ҳайдовчи аниқланган.

Масалан, Қибрай туманида хизмат олиб бораётган ходимлар “Нексия-3” русумли транспорт воситасини текшириш учун тўхтатган. Текширув вақтида ушбу автомобилни ишонч қоғози орқали бошқараётган Паркент туманида истиқомат қилувчи Ж.Қ.нинг оғзидан спиртли ичимлик ҳиди анқиб турган. Шунингдек, Тошкент туманида рейд ўтказаётган ходимлар ҳам текшириш учун “Матиз” русумли транспорт воситасини тўхтатишган. Бу ҳолатда ҳам ҳайдовчи маст ҳолда машина бошқаргани маълум бўлган.

Тиббий хулосага асосан ҳар иккала ҳайдовчи ҳам маст деб топилган ва уларга нисбатан маъмурий баённома расмийлаштирилиб, машинаси жарима майдонига киритилган.

👉 Тошкент хабарлари
Изображение
Тошкент вилояти курашчилари умумжамоа ҳисобида 1-ўринни қўлга киритди

Андижон давлат тиббиёт институти спорт залида “Универсиада – 2021” спорт ўйинларининг белбоғли кураш тури бўйича республика финал босқичи мусобақаси бўлиб ўтди.

Мусобақада Қорақалпоғистон Республикаси, Тошкент шаҳри ва республикамизнинг барча вилоятлари терма жамоалари таркибида 100 нафарга яқин полвонлар етти вазн тоифасида ғолиблик учун баҳс олиб борди.

Мусобақанинг якуний натижаларига кўра, бешта олтин, битта кумуш ва битта бронза медалини қўлга киритган Тошкент вилояти курашчилари умумжамоа ҳисобида биринчи ўринни қўлга киритди.

Фарғона вилояти вакиллари иккинчи, наманганлик полвонлар эса учинчи ўринга сазовор бўлди.

👉 Тошкент хабарлари
Изображение
📹 Жаҳонгир Обиджонов: «Бугунги электр энергияси узилишларига сабаб – тармоқларнинг 60 фоизи эскирган»

«Ҳудудий электр тармоқлари» АЖ раисининг биринчи ўринбосари Жаҳонгир Обиджоновнинг Kun.uz мухбирига маълум қилишича, республикада ҳаво совиши оқибатида электр энергиясида содир бўлаётган узилишларга сабаб – тармоқларнинг эскирганлигида.

«Ҳудудий электр тармоқлари» мутасаддиси Жаҳонгир Обиджоновнинг сўзларига кўра, юртимизда 240 минг км.дан ортиқ электр тармоқлари ва 86 мингта трансформатор мавжуд. Ҳозирги кунда буларнинг 60 фоизи эскирган, чунки йиллар давомида буларни модернизация ва қайта қуриш ишларига эътибор берилмаган. 2017 йилдан бошлаб бунга эътибор қаратилмоқда. 2016 йилда эскирганлик даражаси 80 фоиз эди. Шундан бери линияларни янгилаш ишлари бажарилиб, бу кўрсаткич 60 фоизга тушган. Ҳозирда тармоқларда модернизация ва қайта қуриш ишларини давом эттириш бўйича 5 йиллик дастур ишлаб чиқилмоқда.

👉 Тошкент хабарлари
Видео/гифка, 183 сек, Мои видео.mp4
🌦 #Об_ҳаво

24 январ куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 24 январ куни Тошкент вилоятида ҳаво ўзгариб туради, кечаси ва эрталаб баъзи жойларда бироз қор ёғиши, туман тушиши мумкин.

Шамол ғарбдан 7-12 м/с тезликда эсади.

Ҳарорат кечаси -10...-5 даража совуқ, кундузи -2 даража совуқ +3 даража илиқ бўлади.

👉 Тошкент хабарлари
Изображение
Янги-Ангрен ИЭСда цех раҳбари бўлиб ишловчи ходим ўзини осди

Бугун, 23 январ куни Янги-Ангрен ИЭСда цех раҳбари лавозимида ишлаб келган 40 ёшли С.Ш. уйида ўзини осиб, вафот этган. Марҳум ИЭСда содир бўлган портлаш иши бўйича терговга жалб қилингани айтилмоқда.

Маълум бўлишича, ИЭСдаги портлаш айнан у раҳбарлик қиладиган цехда содир бўлган. Мазкур хабарни Тошкент вилояти ҳокимлиги матбуот хизмати раҳбари Беҳзод Қобулов тасдиқлади.

Ҳозирча марҳум С.Ш.нинг ўзини осишига нима ёки қандай воқелик сабаб бўлгани маълум эмас.

Эслатиб ўтамиз, 20 январ куни, соат 11:42да Янги-Ангрен иссиқлик электр станциясининг профилактика чораларини кўриш учун тўхтатилган 5-энергия блокида чанг-кўмирли ҳаво аралашмасининг портлаши содир бўлган эди.

👉 Тошкент хабарлари
Изображение
Бўстонлиққа олиб борувчи йўлнинг маълум қисмида машиналар учун ҳаракат вақтинча бир томонлама ташкил этилди

Бўстонлиқ туманининг тоғли ҳудудларидаги дам олиш масканига олиб борувчи йўлнинг маълум қисмида автотранспорт воситалари учун ҳаракат вақтинча бир томонлама ташкил этилди. Бу ҳақда ИИВ ЙҲХББ ахборот хизмати хабар бермоқда.

Қайд этилишича, тоғли ҳудудларда қор ёғганлиги муносабати билан кўплаб фуқаролар айни дам олиш кунларида Тошкент вилоятининг Бўстонлиқ туманидаги тоғли ҳудудларда жойлашган дам олиш масканларига узлуксиз равишда ташриф буюришмоқда. Тумандаги автомобил йўлларининг ўтказувчанлик қобилиятини инобатга олиб, турли кўнгилсизликларнинг олдини олиш мақсадида “4Р-12” “Бектемир-Чорбоғ” автомобил йўлининг 61-километридан “4Р-6” “Тошкент-Чирчиқ-Чимён” автомобил йўлининг 57-километрига ўтиш қисмидан, яъни Бўстонлиқ туманининг Ғазалкент шаҳридан чиқиш жойидан то “4Р-6” автомобил йўлининг 87-километрига, яъни Бўстонлиқ тумани “Юсуфхона” аҳоли яшаш жойига қадар автомобиллар ҳаракатланиши вақтинча бир томонлама ташкил этилди.

“Ушбу ҳолатда барча ҳайдовчилардан вазиятни тўғри тушуниб, ўрнатилган йўл белгиларига риоя қилишни, хизматга жалб қилинган ЙПХ инспекторларининг ишора ва кўрсатмаларига амал қилиб ҳаракатланишни сўраб қоламиз”, – дейилади маълумотда.

👉 Тошкент хабарлари
  • 1
  • 2
  • 3
  • ...
  • 132

Найдено 2634 поста