Телеграм канал «HR Mahalla»

Tizimsiz kompaniya yo‘q va bo‘lmaydi ham Ba’zi biznes trenerlar: "Korxonangizda tizim bo‘lmasa, uni tizimlashtiring" deb maslahat berishadi. Lekin bu xato fikr. Chunki har qanday korxonada tizim bor. Asosiy mavzudan oldin misol: Bolaligimizda ko‘pchiligimiz ko‘chada futbol o‘ynaganmiz. U yerda ham qoidalar bor edi. Ammo unga hamma har xil amal qilardi: o‘yin paytida har doim ham "shtraf" yoki penaltilarni ololmasdik. O‘yin qachon boshlanishi va tugashi aniq emas. Lekin u hech qachon qoidasiz bo‘lmagan. Hammamiz to‘p egasining kayfiyatiga qarashimizga to‘g‘ri kelardi. Agar o‘sha joyda bittagina hakam va hamma uchun ishlaydigan qoidalar bo‘lganda, o‘yin umuman boshqacha bo‘lardi. Endi korxonaga qaytamiz. Har bir jamoada rahbar yoki xodimlar shakllantirgan tizim bo‘ladi. Xodimlar tizimni qanday shakllantiradi? — Turli sinovlar bilan Masalan: ertalab kech kelishni sinab ko‘radi. Rahbardan reaksiya bo‘lmasa, bu doimiyga aylanadi Maosh haqida so‘rashga kirganda, ishdan ketishini aytadi. Foyda bersa — qolganlarga ham tavsiya qiladi. Bu orada rahbar kayfiyatiga qarab, qarorlar chiqaradi. Keyin xodimlar doim rahbar kayfiyatiga qarab ish qilishga o‘tadi. Natijada — biznesning ko‘chadagi futboldan farqi qolmaydi. Xulosa: Jamoangiz ko‘chadagi futbol jamoasi emas, Real yoki Barsa bo‘lishini istasangiz, hamma uchun ishlaydigan aniq qoidalarni ishlab chiqing. Shunda uni boshqarolasiz. Shuningdek, u shamolga qarab, har qayoqqa uchadigan qog‘oz emas, betondek mustahkam bo‘lishi ham kerak. To‘g‘ri, bu orqali birdan "qirollik klubi" bo‘lib qolmaysiz. Ammo kamida shu darajaga chiqish uchun imkon bo‘ladi. Korxonangizdagi tizimni kim boshqaryapti? Xodimlar — 🔥 Rahbar — ⚡️ @HR_Javob

Турникет (face id) шунга ўхшаш келди кетдини назорат қилувчи восита ўрнатилганини ўзи етарли эмас. Балки уни хужжатлаштириш ва ходимларга таништириш мухим. Шу ерда барчаси чиройли қилиб тушунтирилган: https://t.me/yuristkadr/15790 @HRmahalla

#тавсия Турникет қачон оддий жиҳоздан, интизомни назорат қилувчи ҳуқуқий воситага айланади? Бугунги кунда айрим ташкилотларда шундоққина бинога кириш жойида ҳар бир ходимнинг ишга келиш ва кетишини ҳисобга оладиган махсус электрон тизимлар – турникетлар ишлаб турибди. Кимдир ходимларга турникетга уриладиган махсус карталар тарқатган, яна кимдир "Face-ID" тарзида ҳисобга оладиган турникетлардан фойдаланмоқда. Қаранг, МК 200-моддасига кўра ишга келишни ва ишдан кетишни ҳисобга олиш белгиланган шаклдаги иш вақтидан фойдаланиш табелларида ҳамда бошқа ҳужжатларда юритилади, шунингдек, аппарат, аппарат-дастурий ва дастурий воситалар ёрдамида қайд этилиши мумкин. Демак, ходимларнинг ишга келиб-кетишини ҳисобга оладиган турникет тизими юқоридаги қоиданинг мақсадига мутлақо мос келади. Тўғрими? Бундай тизим биринчидан, ходимларнинг ишга келиб-кетишини ҳисобга олиш вазифасини, иккинчидан, ходимларнинг меҳнат интизомига риоя этишини назорат қилиш вазифасини ўташи мумкин. Биринчисида, иш берувчи ушбу тизимдаги маълумотларга таяниб, ходимга амалда ишлаган вақти учун иш ҳақи тўлаш ҳуқуқига эга бўлиши мумкин. Иккинчисида эса, ўз вақтида иш жойида бўлмайдиган ходимга тегишли интизомий ёки бошқа таъсир чораларини қўллаш орқали интизомни таъминлаши мумкин бўлади. Бироқ, турникет тизимини жорий қилишда шунчаки, уни техник жиҳатдан жиҳозлаш ва ишга туширишнинг ўзи билан чекланилмаслиги керак. Юқорида МК 200-моддасига асосан буни ҳуқуқий жараён эканини тушунтирдик. Ҳуқуқий жараёнлар эса, албатта тегишли расмий ҳужжат билан мустаҳкамлаб қўйилиши керак. Қолаверса, мазкур тизимнинг меҳнат интизомини таъминлаш воситаси ҳам бўлиши мумкин, деяпмиз. Бу борада МКнинг 295-моддасига кўра, меҳнат интизоми ташкилотнинг ички меҳнат тартиб қоидаларидан ташқари, бошқа ички ҳужжатларида ҳам белгилаб қўйилиши мумкин. Шунга кўра, турникет тизимини техник жиҳозлаш ва уни ўрнатиш ишлари тугалланганидан сўнг, албаттта, бу тизимнинг ҳуқуқий жиҳатлари бўйича алоҳида ички-меъёрий ҳужжат расмийлаштириш керак. Бунда МКнинг 12-моддасига мувофиқ иш берувчининг якка тартибда қабул қиладиган ҳужжати сифатида буйруқ, яъни ташкилий буйруқ чиқарилса ҳам бўлади. ▪️Масалан бунда, "ходимларнинг ишга келиб-кетишини турникет тизими асосида тартибга солиш ҳақидаги буйруқ" чиқариш мумкин. Мазкур буйруқда ходимлар ҳар куни ишга келишда ва ишдан кетишда, жумладан, оралиқ кириб-чиққанда ҳам махсус картасини турникетга қайд қилиш ёки "Face-ID"дан ўтиши шартлиги, иш вақти ва иш ҳақи ҳисоби айнан шу турникет маълумотлари асосида аниқланиши, шу билан бирга, ундаги келиб-кетиш қайдларига асосан, ходимларнинг интизомига баҳо берилиши каби муҳим қоидаларни киритиш керак. Шундан сўнг, мазкур буйруқ барча ходимларга имзо қўйдирилган ҳолда таништириб чиқилиши лозим. Ана шундан кейингина, сиздаги турникет тизими техник жиҳоздан ходимларга мажбурият юкловчи ва уларнинг кунлик-келиб кетишини, яъни иш вақтини ҳисобга олувчи ҳамда меҳнат интизомига риоя этилишини назорат қилувчи ҳуқуқий воситага айланади. 👉@yuristkadr

Қоидалар ёхуд ўша машҳур тизим! Компанияга қоидалар киритмоқчи бўлганингдаги биринчи ва асосий хатойинг бу қоидаларни фақат ходимлар назорати учун деб яратишинг. Мошинчангда қўшиқни баланд қиволиб, келажакда қанақа зўр одам бўлиб кетаётганингни орзу қилиб кетаётган бир вақтда шартта ГАИ жаноблари тўхтатади. Нима штраф қилганингни билмайсан ҳам. Секин “Командр, тинчликми?” деб сўрасанг, у чиройли қилиб камаржонни тақмай келаётганингни айтади ва штрафчани ёзиб, қўйиб юборади. Хўш, шу ерда нима бўлди? Биринчи хаёлингга келган нарса қоидалар бор ва шуни бузганим учун штраф ёзди ва шу билан тугади дерсан. Лекин, аммо, бироқ бу ерда ГАИ ходимининг мажбуриятлари ва у ишлаши керак бўлган қоидалари бор ва у шунга бўйсунган ҳолда ишлади. Яъни, сенга бақириб кетмади, сиксилёнлик штраф ўйлаб топиб ёзмади, уйда хотини билан уришиб қолган бўлса ҳам сендан аламини олиш учун правангиз лишен бўлди, камар тақмаганингиз учун демади ва ҳаммасини тартиб бўйича қилиб жўнатворди. Сабаб? Чунки, қоидалар биринчи навбатда унинг учун ишлаб чиқилганидир. Камар тақмадингми камарга штраф белгилай олади холос ва буни сен жуда яхши биласан ва такой 200 мингча тўлайман-у қутуламан дейсан, камига 15 кун ичида тўласанг бонус ҳам бор (50% пулинг ёнингда қолади) бу аслида скидка эмас, балки вақтида мажбуриятингни бажарганинг учун рағбат (HRни тушунмайдиганлар KPI ҳам деса бўлади). Тушунганлар учун шу ерда пост тугади. Тушунмаганлар эса скрытыйни боссин. Қоидалар бошқаришни шаффофлаштириш – рағбат ва жазони аниқ қилиб белгилаб, шу асосда иш олиб борилишини таъминловчи восита. Масалан, Ишга келиб ўз вазифангни бажарган бўлсанг ҳар ойнинг 5 санасида маоштўланади. Бу қоида раҳбарни тўлашга ундовчи қоида ҳисобланади. Агар сен шартнома бўйича вазифа ва мажбуриятларни бажармаган бўлсанг, унда шунга ярашасини ҳисоблаб туриб беришга мажбур. Ишхонада сўкиш, вазифасидаги ишларни бажариш дегани бу биринчи ўринда раҳбар фақат шуларни талаб қилиш хуқуқига эга дегани. Бошқасини сўраши бу ҳудди ГАИ ходими сени баланд овозда мусиқа эшитиб келаётганинг учун ҳам штраф солишига ўхшайди. Так вот, агар ишлайдиган ва самарали қоидаларни ишлаб чиқиб, компанияга жорий қилмоқчи бўлсанг биринчи тушунчангни тўғирлаб ол. Эмаса менда ишламаяпти-ку, мени компаниям особенный бўлса керак деб юраверасан)) Технично ишхона группасига ташлаб қўядиган жойи @HRmahalla

HR сал жиддийроқ бўлиши керак! Ҳа, сени кўпчилик таниса яхши, лекин бунинг учун масқарабозлашиш, спамлашиш касбни хурматини бир жойга тиқворяптими дейманда... Бу касб жиддийлигини ўзимиз таъминламас эканмиз хеч ким жиддий қабул қилмайди. @HRmahalla

Номоддий мотивация/имтиёз харажати (100$), қиймати эса хеч йўқ 101$ бўлмаса, тинчгина қуруғини бериб қўявер. @HRmahalla