Ачуу чындык

Өлүм - акыйкат мөөнөтүнөн кечикпеген ,
Жан алууда түйшөлүп терикпеген .
Кабылды го чеңгелине канчалары ,
" Эртең деп " убактысын менчиктеген !

Өлүм бар ак - караны териштирген ,
Атылган ок мөөнөтүнөн кечикпеген .
Туура жолду туя билип ээрчибестен ,
Канчалары өтүп кетти жетишпестен !

Өлүм деген кулачына чеңгелдеген ,
Кармаганын жаза басып кой бербеген .
Тыңгылыктуу иш кыла албай нечендери ,
Сөзү калды артындагы "кийин деген " !

Өлүмдүн кулачы арбын кенен экен ,
Көрөр күнү түгөнгөндү кайсап жеген .
Бирок , кучак тосуп жылмайып келет дешет ,
Абийир менен таза жүрүп эмгек этсең !

К . Заманбеков . 5/1/2021.

Имам Газалийден ( Жараткан ал кишиден ыраазы болсун! ) нускалуу сөз :

Бала - ата -энеси үчүн Кудайдан берилген эң чоң аманат !
Анын калбып соккон назик таза жүрөгү - эң кымбат табылга .
Аны жакшылыкка көндүрүп ,асыл баалуулуктарга үйрөтүп торолтсо, эки дүйнө бакытка баркып келечеги жаркын , телегейи тегиз болот .
Тескерисинче көпөлөктүн канатындай үлбүрөгөн назик жүрөгүн жамандыкка толтуруп шыкап , жаныбар сыяктуу кароосуз ээн калтырса , ал бала бактысыздыкка баш багып , түбү барып жамандыкка дуушугат. ( Жакшылыктан безе качып , айың кепке жана сыңар ишке чуу чыгат . Ичи арамзалыкка быксып , элден бөтөн куу чыгат ). Келечеги ошентип караңгы ,тайкы болор.
Баланы таза сактоо үчүн - ага оболу адепти ,туура көсөм тарбияны жана көркөм асыл мүнөздү үйрөтүп ,( көкүрөгүн ыйманга ,акылын илим билимге нурлантып ,денесин кажыбас кайратка , кыялын бекем эркке калыптандыруу) керек !

Өмүр деген бир көз ирмем.