Телеграм канал ''




313 подписчиков
300 просмотров на пост


Детальная рекламная статистика будет доступна после прохождения простой процедуры регистрации


Что это дает?
  • Детальная аналитика 784'652 каналов
  • Доступ к 308'366'486 рекламных постов
  • Поиск по 1'239'947'742 постам
  • Отдача с каждой купленной рекламы
  • Графики динамики изменения показателей канала
  • Где и как размещался канал
  • Детальная статистика по подпискам и отпискам
Telemetr.me

Telemetr.me Подписаться

Аналитика телеграм-каналов - обновления инструмента, новости рынка.

Найдено 35 постов

مــن طحت يــم النهـر
تدري شنهي الي انكسر
ظهر الحسين يا أبو فاضل يا أبو فاضل
*
يا ابو فاضل من رحت صوب الشريعه
بقـه أمنـاطــر جيّتـك روح الـوديعــه
شحالــه لمّــن شـــاف چفينــك گطيعه
ضاگـت أبعـين الاخو هــاي الــوسيعه
ناده يا خويه الگمر بيك اشد انه الظهر
صار نصين يا أبو فاضل يا أبو فاضل

*
تــدري يا خــويه شجـره ذيـچ الظهيره
ابطيحتك ظهــره انكسر شيـخ العشيره
ومن رجع للخيمه شفت أبوجهه حيره
چنــه گلــي صرتــي يــا زينــب أسيره
من أجه وهل مدمعه بعينه شفت المشرعه
وبيهه چفين يا أبو فاضل يا أبو فاضل
*
من رجــع للخيمه يــا خــويه وسألته
گتلـــه ويــن الكافـــل وهلّــت دمعتــه
عينه گالت عـل النهر يا وسفه عفته
أبصفه جـــوده ورايته وچفينه شفته
شفت يا خويه الِأمرْ بالسهم طافي النظر
ماخذ العين يا أبو فاضل يا أبو فاضل

*

خـويه يــا فگـــد الاخــو يسعــر لهيبه
وابد مــا تشبها كــل محنــه و مصيبـه
حسين صارت روحه من بعدك غريبه
نــاده چنــه منين ابـو فاضـــل أجيبـه
يا نظر عيني وعمّت وي سهم عينك طفت
ناده الحسين يا أبو فاضل يا أبو فاضل


*
شگــد رزايـــا مـــرت بــروح الزچيه
مثــل فگـــدك ابــد مــا مــرت رزيــه
طيحتــك اكبــر مــآســي الغاضــريـه
حسين داست صدره بعدك الاعوجيه
هذا يا خــويه الجره حسين گطعوا منحره
بالميادين يا أبو فاضل يا أبو فاضل

*
رف لواها المنايا رف لواها
زلزلاها بيمينه زلزلاها

•••
بـــرز طـوفان المنايــا وروج أصــبح بالــــرمال
جــِـزر صــارت مـن لفاها اليمنه تاهـت والشمال
الخوف مــن ضربت يمينه نام بأصـــلاب الرجال
من علي شمرت حسامه اتخاف من عدها الجبال

حاصراها بحسامه حاصرها
زلزلاها بيمينه زلزلاها

***

بـــرز عباس وزلمهم بــأمــره كلهـــا محيـــره
هـــذا مــــو عبـــاس صاحت هــذا قالع خيبره
جمّــع الجيش بحملتـــه بـــزوده رد وطشـــره
گلــب يـــوم الطف عليهم صــــار يوم الاخره

حيراها الاعادي حيراها
زلزلاها بيمينه زلزلاها
***
غيمت يوم الطفوف وبيه احترات هل الملا
ســـورة الرعد ابحسامه نزلت وي الزلزلـه
سيل نازل بــال أميه بيها ضـــاگت كــربلـه
چــن بــرائه اليوم نزلت بيه ماكو البسمله

واشتراها الحرايب واشتراها
زلزلاها بيمينه زلزلاها

***
وصل يم شاطي الفرات وملك ماي المشرعه
حاضت اسيوف الأعادي چن لفتها القــارعه
خيل تردم خيل ضاگت بيها كـــل الواسعـه
بيده جاب إلها المنايا المــــوت بيده يوزعه

حيرها بحملته حيراها
زلزلاها بيمينه زلزلاها


***
وارث الكـرار طبهـــا هـــذا طــاعون الحرب
حيـــراها منين تشـــرد تيهت حتـــى الـدرب
لا يمين البيــهـا ثابـــت لا يســـار ولا گـــلب
ناس من هيبة يمينه تموت ناس من الضرب

طشراها الاعادي طشراها
زلزلاها بيمينه زلزلاها

***
غيـــرة العباس سورة ونزلت ابيوم الطفوف
رتلتهــا مــــن لفاها أهنـــاك بالحومه الألوف
عالعدو نزلــــت علامه انكتبت بحد السيوف
للوفــــه إيه أترتــل ضحه للخوه الچفــــوف

رتلاها الاخوه رتلاها
زلزلاها بيمينه زلزلاها

___
طب غاضب ويصيح ابصوت
لجل حســــين املاوي الموت
طوه الجيش ابسهوله
هلا ابشــــيخ البطوله
©©©©©©

نزل يرعــد وخذ يمطـــر زلازل بالمعـــاره
وگف وگفت علي ابخيــبر ولايعرف خساره
طوه جيوش العدو بسيفه بعزم وبكل جساره
ابد محــــد گرب يمه اوگف مثل المنــــاره

لجل حسين ايهز الكون
فنهم لخــيامه ايكربون
الفخر بالطف ينوله
هلا ابشيخ البطوله
©©©©©©

برز راجل وليچهبه گرب موعد مصـــيره
اســد ضل يرتجز بيهم مِلَه الحــومه بزئيره
ولا همه العــــــــدد همه يقاتل لجل اميره
شهم عابس ترس گلبه العشگ وبراسه غيره

بس حســـــين اباله ايدور
عاشـــگ والعاشگ معذور
لعب بخصومه جوله
هلا ابشــيخ البطوله
©©©©©©©

زعل شايل زعل من طب بطل ولكل تهابه
برز چـــنه ملك مــوت ونزل بيـــهم عذابه
سحگ روس الزلم كلها وتهوسله الصحابه
الكفر سئلو منو الطبنه وتعال اسمع جوابه

آنه الترجف حدره الگاع
ماخذ من حسين اطباع
يموتون اليجــــوله
هلا ابشيخ البطوله
©©©©©©©

شِمَر درعه ومزق ثوبه وبقه ايصول ابقتاله
العشگ جنه وحمل چنه اسد يشبه خصاله
فلا منـــــهم مثل عابس رجل يحمل بساله
شهد يومه وطوى الحومه منو اليگرب خياله

محــــــد يگـــدر يدناه
ما دام الســيف ابيمناه
وفه وغيره ورجوله
هلا ابشيـخ البطوله
©©©©©©

صعب وصفه وشهد طفه يدوس اعله الشوارب
ذبح منهم عدد هائل الف او مايقارب
لجل دينه ولبواسكينه وگف بالطف يحارب
الخصم سبعين الف لكن صبح گدامه هارب

مســـتلهم قوه امن حســـين
يطوي الجيش ابرمشت عين
هتف تكفيني صوله
هلا ابشيــخ البطوله
©©©©©©©
اليوم مسلم وحده شد احزامه
فــرت أشبــاه الزلــم كَـــــدامه
هذا هذا المقوار
يرعد اويمطر نار
لـوزعل بيهــم يعيد أيـــامه
**

حشمت طوعه يمسلم كَوم رد فرسانهه
حاصرو داري عليك اوســـددو بيبــانهه
وانه اعرفك بالشجاعه يابطل عنـوانهه
مـن بــرز شتت جمعه اوتيهت ميدانهه

صاح أنه ابن المانسيتو افعاله
عمي حيـــــدر صــارع الخياله
واكَف اباب الدار
يرعد اويمطر نار
لوزعل بيهم يعيد أيــــامه
*

هذا ابن عــم الحســين وزوده من كراره
ليث وغضب والنواصب بي بقت محتاره
تفر كلهه أكَبـال عيـــنه من يشن الغـــاره
دارت الكــــوفه عليه اوحـده سل بتــاره

ونعم صرعه الكفر خلاهه
فارس اوحده الزلم لاواهه
الجيش كَدامه انهار
يرعد اويمــــطر نار
لــوزعل بيهــم يعيد أيــــامه
*

يرتجــــز هل مــن مبارز يكَـدر ايلاكَيني
آنه عنواني الشجـــاعه المعركه اتسليني
عمري كله ايروح فـدوه للحسين اوديني
آنه ماعندي بحيــاتي غير حب احسيني

ضل ينادي ابصوت يهل الكوفه
حســين حد الموت ابد ماعوفه
غيره لا ما اختار
يرعد اويمطر نار
لوزعل بيـهم يعيد أيـــــامه
***

حين ضهضب صال بيهم صولته المعروفه
صعدت الغـيره اوتحزم ضلمه خله الكوفه
مايهم ابجيش آميه اولايهــاب اصفـــوفه
بقت من خزرات عينه اوجوهم مخطوفه

صولته التاريخ يشـهد بيهه
ضلت اجيال اوكتب ترويهه
بيهه سوه الما صار
يرعد اويمطـر نــار
لـوزعل بيهــم يعيد أيــــــامه
****

اليـوم ارد حملات حيدر وانه كَد افعـالي
ياشجــاع وابن ابوه ايصير هسـه اكَبـالي
أله ادنكَ روس آميه وراسي يبقه العـالي
شبل فرســان ابوطـالب والفخـر يحـلالي

اليوم كل هاي الجيوش افنيهه
اهـــــدم الكـــوفه وهد عاليهه
بيده شـال البتار
يرعـد اويمطر نار
لـــوزعل بيهـــم يعيــــد ايامه
*
نزله لمسلم ابن عقيل ع……

السيف لايگ بيدك… والمعاره اتريدك… هاي ساعة عيدك…
يابو المراجل
*
ونعــــم منــــك يمسلم يل وفيت أوعــــودك
ما يصــح مثلك سفــــير ولا مثل مجـــهودك
يا بطل اديـــت حقــــك مـا خلفت اعـــهودك
اصرارك وعزمك خذتهن من علي ومن عودك

دافعت عن دينك… ماخذلت احسينك… قدمتله اسنينك…
يابو المراجل
*
المعاره اتريـد مثلك كون فــــارس باسـل
يسرج اظهور المنايه ولجـل اميره ايقاتل
يوگف ابوجه الجيـــوش ويرتجـز وينازل
وسيفه مايختل ابقمده وكون بالكر عادل

ونته شاطر سيفك… وصار كلشي بكيفك… الموت اصبح ضيفك
يابو المراجل
****
اهــواي ماتو من خزرتك مـن دخلت الكوفه
جندي ضل يردم ابجندي ويرتعد من خوفه
ابـن جوشن گام يسئل بالبقه امــن اصفوفه
مـــوت لو صمصام هـــذا الشايلاته اچفوفه

عجبنه افعالك… ضل يهاب اخيالك… افعل اليحـــلالك…
يابو المراجل
*
مثل فـر الشات فـــرو بالحـرب گـــدامك
ارواحهم تطلع يمسلم لو طلع صمصامك
ها علــــيهم يابو طاهـر لا تفل احــزامك
لمهم ابزودك يحــــيد ودوسهم بجدامك

اتصدر الملزومه… ابعزمك اطوي الحومه… أليل طفي انجومه…
يابو المراجل

ابـــد ليهمك عــــددهم كلــــهم ايهابونك
انته صح واحد ولاكن عسكر ايشوفونك
اتورطو ويـاك ورطـه وخــافو ايلاگـونك
قـابض الارواح كلهــــم گامـــو ايسمونك

حيدري ابحملاتك… صاعقه ابضرباتك… اتخلدن وگفاتك…
يابو المراجل
**
صگرهه .. الكوفه من طب بيهه
صگرهه .. ﭼـن عـلـي ورد ليهه
***
هذا مسلم من وصلهه الكوفه طب بطوله
صـاحـو الــكــرار هـذا يابــشــر مـعـقـوله
شـافـو الـفـقـار بـيـده وغـصـبـاً يـدنـگوله
صـاح مـو رابـع سـرانـه احـنـه النه الاوله
.................
علنهه .. ثـورتـه ويـبـديـهـه
صگرهه .. ﭼن علي ورد ليهه
***
حسين يابن عمي اسمع غايتي ومگصودي
آني تـربات الـهـواشـم من وصلهه حدودي
عهد عندي وي الزچيهّ بروحي افدي عهودي
والـوعـد بالدم كتبته وانطي كل مجهودي
...............
وعدهه .. ﭼـلـمـتـه يـوفّـيهه
صگرهه .. ﭼن علي ورد ليهه
***
نـده ياحـيـدر يـعـمـي مـن رفـع بتّاره
نبقه وي ابن الزچيّه احنه كلنه انصاره
مثل حيدر يوم خيبر شن عليهم غاره
اليوم اخلي الكوفه تنشد هذا شنهي اسراره
................
گـلـبـهـه .. گـال كـون افنيهه
صگرهه .. ﭼن علي ورد ليهه
***
صار لابن الزهره داعي وشال بيده الرايه
للشهاده انطاهه روحه وللنصر دگ ثايه
گـال عـن حسين ادافـع دين الله الغايه
ما اهاب جيوش اميه خل تجيني هوايه
................
سـمعهه .. گـام رد عـلـيـهـه
صگرهه .. ﭼن علي ورد ليهه
***
ﭼنّه حيدر من دخلهه دنگتله الكوفه
واحد يحذر بالآخر ذاك حيدر شوفه
الهيبه هيبة عمه حيدر والجفوف ﭼفوفه
مسلم الماهاب موته وقصته معروفه
.................
رفـعـهـه .. رايـتـه ويحميهه
صگرهه .. ﭼن علي ورد ليهه
***
حسين نركض بالفلا كوم اكعد اتلكانه

يحسين مو مالت ركض ما اكدر وتعبانه
حـسين نـركض بالـفلا كوم اكعد اتلكانه

من طحت ياخويه الضهر دارت علينه عدانه
حسـين نـركض بـالفـلا كـوم اكـعد اتلـكانه

حـركو خـيمنه يـاشهم محد يهد ويانه
حسين نركض بالفلا كوم اكعد اتلكانه

نركض سويه ع رمل فحطانه يم فحطانه
حـسـين نـركض بـالفلا كـوم اكعد اتلكانه

رحت اركض لصوب النهر بيه طاح حامي الوانه
حسين نركض بالفلا كوم اكعد اتلكانه

تاهت عليه بالضهر اركض وهم حيرانه
حـسين نركض بـالفلا كوم اكعد اتلكانه

يازين اختك رادتك بيك انعگد رجوانه
حسـين نركض بالفلا كوم اكعد اتلكانه

تـرجيه سلبـنا العدو وبـسلبته غثانه
حسين نركض بالفلا كوم اكعد اتلكانه

ياخويه ماهمنه العدو بس راسك الهمانه
حـسين نـركض بالـفلا كـوم اكعد اتلكانه

للتل ركضت وحشمت من العدو فشلانه
حـسين نركـض بالفلا كـوم اكعد اتلكانه

زينبكم بنص الغرب حيل الشمر هضمانه
حسـين نـركض بـالفلا كوم اكعد اتلكانه

متحيرين بكربلاء عطشانه يم عطشانه
حسـين نـركض بالفلا كوم اكعد اتلكانه

يحسين نطلع للعدو وسفه الدهر خلانه
حــسين نركض بالفلا كوم اكعد اتلكانه

نمشي بدرب مابيه علم غم الوكت سوانه
حــسين نـركض بـالفلا كـوم اكعد اتلكانه

يحسين زينب بت علي من العطش ذبلانه
حســين نـركض بـالفلا كوم اكـعد اتلكانه

هاي إنه بت خير العمل من الشمس نهلانه
حــسين نـركـض بالــفلا كوم اكعد اتلكانه
وين فاتحــــــــــــته علي مسوينهه
گبال زينب زينــــــــب الله يعينهه
**
گبال زينب نصــــبو الجادر حــزن
وليتامه گــــــــــــبالهه تنوح وتون
تصيح كلهه شــــلون حيدر يندفن
الدنيه ماتســــــــــوه بعد بسنينهه
وين فاتحــــــــــته علي مسوينهه
**
ايتام نصبو جادر وطبــــخو ثواب
والبسو اسود للحزن وبهل مصاب
خلاف حيــدر صاحو نظل للعذاب
وريت گبله رواحنــــــــه مقدمينهه
وين فاتحــــــــته علي مســوينهه
**
عل جنازه تــــــــــگابلو صاحو سوه
ياهو اليــــــــــمرنه بعد راح الظوه
گلب زينب هــــــــــــس بنار نجوه
والجنازه گــــــــــــبالهه مودعينهه
وين فاتــــــــــحته علي مسوينهه
***
منگب العــــــــباس ودموعه تصب
وعله زيــــنب گام بس يطلع يطب
يشوف اخيته شلون مفجوعه گلب
شلون زينب والعــــــــده مبجينهه
وين فاتحته علي مــــــسوينههك
***
شاف زينب تبجــي وحتار الكفيل
يفرك بجفــــــه ابن حامي الدخيل
شلون بزينب كــــــدر واحد يعيل
وعده امانه وزينــــــــــــب مخليهه
وين فاتحــــــــــــته علي مسوينهه
***
اللهم عجل فرج مولانا الامام المهدي /عج/



يا علامة البيهه تظهر يا زمـــن
طالت اسنين البُعد يبن الحسن
بيك املنـه *** تفك حزنــه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

طالت اسنين البُعد عالثـــــارك
وعنه مقطوعه يمهدي اخبارك
ننتظر چفك يسل فقـــــــــارك
يا امام العصر كلنه انصــــارك

سيدي لساعة ضهورك نرتجي
انكابر وكل عام نتأمل تجــــــي
شگد سألنه
--------------------------------

كل محب ذكرك يعيش ابالــــه
ودمعت احزان الهجر همالــه
يمته يتغير وضع هالحالــــــه
أنعيش بمأسي وغيبتك چتاله

كــــل كسر والله بطلعتك ينجبــــر
نصبر الحدمن جزعنه من الصبر
لو تجي ألنه
------------------------------

امكابر ايام العمر واسنينه
وأحنه نتنطر تجي مهدينه
مل صبرنه والله ما ملينــه
امل يتحقق تره متانينـــــه

يا أمل عشنه بوجوده وما يزول
حتى لو طال الزمن يظهر نگول
أنادي كلنه
-----------------------------

يا مغيب عشت دوم ويانـــه
چذب ننساك وچذب تنسانـه
يمته يالغالي الفرج مولانـه
شفنه انواع الظلم و ألوانه

مدد كلنه نصيح مهدينـه مدد
تدري بالخيمه تطيح بلا عمد
اتلم شملنه
-------------------------------

من يهل شهر الحزن ونشوفــه
نذكر الحره المشت مچتوفــــــه
ندري عمك مو رخيصه اچفوفه
وندري ثار حسين لا متعوفـــــــه

ندري راعي الثار وانت المنتظر
تنتهي المأسات شخصك لو حضر
من محنه
-------------------------------
يا مصيبه بهمهه اكــــــثر فجعتك
الزهره من طاحت يمهدي ونادتك
لو سياط الحره والســـــــب أذتك
يالعلينه اسنين طـــــــــالت غيبتك

شكد صبرنه وهالصبر جاز الحدود
گلنـــه للغايب نهايـــــة وهم يعود
وأنتمنه
#نزل

باجــر يصــــير الأذان
يلتقي الحب والحنان

أّشٍهِدِ وِأّنِ عٌلَيِّأّ أّمَيِّر أّلَمَؤمَنِيِّنِ


ألمؤذآ عيسـى بن مريم يصير
وبخشوع ايگولهه بأمر البشير
أّشٍهِـدِ وِأّن علــي هــوه الامير
واليضد اولايــته باجـــر يحير

ومن يصلي المهدي
يصيح ثارك جــدي


أّشٍهِدِ وِأّنِ عٌلَيِّأّ أّمَيِّر أّلَمَؤمَنِيِّنِ


باجــر اعله الكعبة تنحط رايته
ويلي ثاري حسين تصبح كلمته
وينــــــتقم من الأعادي الظلمته
وتصـــبح الكعبة مـــقره ودولته

ومــــن يـــرد للكوفة
اصيح احته اطيوفه


أّشٍهِدِ وِأّنِ عٌلَيِّأّ أّمَيِّر أّلَمَؤمَنِيِّنِ


يبــني باجــر للبـــقيع اكبر ضريح
وبظــهوره اســـعود ولوالاء يطيح
وتحــضر البوذية كلهـم ويلمسيح
تمشي ويالمــهدي لحسين الذبيح

يجي وبيــده الموت
اومن يصيح بصوت


أّشٍهِدِ وِأّنِ عٌلَيِّأّ أّمَيِّر أّلَمَؤمَنِيِّنِ


ابظـــهوره ايغــــير أنـــواع النفوس
هذه ابن الساطعة وشمس الشموس
بعينه بعده ايشوف حافرهم يدوس
ابصـــدر بــــي فاطمة جانـت تبوس

مانستهه احساسه
برمــح كـــبر راسه

أّشٍهِدِ وِأّنِ عٌلَيِّأّ أّمَيِّر أّلَمَؤمَنِيِّنِ


لجـــــــن ياخــــدام بشروا بالخدم
ابظـــهــوره وياه نـــفــــــزع للخيم
ومن يداعي بثاره ويشوف الخصم
حتـــه بگمــاطة الطفل يــرفـع علم


انشارك احــنه بثاره
أنگــول مثل انصاره


أّشٍهِدِ وِأّنِ عٌلَيِّأّ أّمَيِّر أّلَمَؤمَنِيِّنِ
العليله تخاطب محمد ابن الحنفيه.....
..........
عمـي يمحمد بگينه ابدارهم
ننتظر ترجع علينه اخبارهم
ماخذونه اوياهم
وسفـه فارگناهم
«»«»«»«»«»«»«»
گاعـــد وحمل ضعنهم وانــــه عالخد دمعتي
اتعذبت مــــن ودعتـــــهم زاد ونـي ولوعتي
والله يمحمد بعــــدهم ضلمه صــارت دنيتي
فارگت أهلي وعمامي وراح اموت ابحسرتي
عنه شالـــو وبعــــدو بضعونهم
كلشي مايسوه العمر من دونهم
ماأطيق اجفاهم-- وسفه فارگناهم
«»«»«»«»«»«»«»«»
راح عـــــن علتـــي اشتكيلك وشتكيلي علتك
بيدك امسح دمــع عيني وبيدي امسح دمعتك
خلـــي نتبـــتادل يعمـــــــي بين ونـــي أونتك
انه راح ابچي اعله اخوتي وانته ابچي اعله اخوتك
تركو ابروحــــي ألـــــم بغيابهم
اشلون لوحادي الضعن ماجابهم
نبقه نترياهم --- وسفه فارگناهم
«»«»«»«»«»«»«»«»
والفضل ضل وحــده حاير ينعه ابوه الودعه
ونتــه اتهد الرواســـــي يبچي ويهل مدمعه
اگلوبنه اخلاف النحبهم مـن حزنهه امصدعه
الدنيـــــــه بس للنايبات ابواب الهه امشرعه
الدنيــه ابد ماتنحمل نكباتهه
جرعتني امـن الزغر لوعاتهه
والعشت بحماهم --- وسفه فارگنهم
«»«»«»«»«»«»«»«»
والــــدي أبعـــد عليه ابشـــوگ اناطــــــــــر جيته
اتعــودت بحضينه انام وغفــــــــــه لو شم ريحته
الدنيه احس تضحكلي چانت من اشوفن ضحكته
واللـــه هـــد حيلي ابغيــــابه اتعذبت مــن فرگته
عني سافــر وانتظــــر خلاني
وخــــذ وياه الاهل وخــواني
مگدر ابلياهم --- وسفه فارگناهم
«»«»«»«»«»«»«»«»«»
ابالي مرسومه صورهم وانه ليليه ابحلم
هسه يرجعلي ابـــوي وعمي شيال العلم
ادري سفرتهم طويله وانـــه ذابحني الألم
ما اضن نرجـع سويه والامـل حيل انعدم
مااضـــن يلتم شمل خلاني-- (الخل)
فگد اهل بيتي صدگ اذاني
احبابي ودعناهم--- وسف فارگناهم
«»«»«»«»«»«»«»«»«»«»
نزال للإمام العباس (ع) :




بروس عـزب من دخل واديها

يذبـــح وينــطي لجـهنم بيـها

〰️ 〰️〰️〰️

جـفـه رج زلــزاله عفيه طف وشاله
حــار مثـل ادلاله فار غيض عيونه

مثل فر مـسباحه فرهم بلا راحــــه
العالي منهم لاحه حگـهم ايـملـونه


الحومه عجت من دخل راعيها

يذبـــح وينــطي لجـهنم بيـها

〰️〰️〰️〰️

يا ثكــل طــكـاته تعـور احجـايــاته
يرهب ابنـظــراته شمر رد اسباعه

تـوزّر ابــن السـاده يا دخـيل اعناده
گـط رگـــاب القاده ثگل طك اذراعه


عرفـو العبـــاس طب يطـويـها

يذبـــح وينــطي لجـهنم بيـها

〰️ 〰️〰️〰️

حيد كد احجايته الموت نز ابرايته
الگمر سوه سوايته عزب ابفقاره

شيخ وبديـــوانه فارس ابمــيدانه
جاب حك لخوانه مــــن لزم بتاره


عــــــزب بروس الثگل طـاريها

يذبـــح وينــطي لجـهنم بيـها

〰️〰️〰️〰️

الگال انـه وانــه احجايته نعسانه
شرد من امجانه شاف لوي اجفوفه


الوكف ضل شحده معلم اعله الشرده
طلع يشبه جــــده نزع بلـكي يعـوفه

بلا برد رجفت زلم طب ليها

يدبح وينطي لجـــنهم بيها

〰️〰️〰️〰️

واللذيذه اسوالفه لو زعل ما شايفه
نصها ماتت خايفه من يكف اردانه

روس عزب بــــيها الموت ضل شاريها
كلمة ضل يحجيها وينكم هذا انه

بخزرة عيـــونه الــــزلم يعميها

يذبـــح وينــطي لجـهنم بيـها

〰️〰️〰️〰️

ضلو يهابونه رادو يغـدرونه
فكرو بمتونه يطلعلهم حـيله

اليفز من اخياله الكمر يتراواله
الشمر بيّد حـاله سوه بيهم ميله


رفع سافــــلهه وگــلب عاليــها

يذبـــح وينــطي لجـهنم بيـها

〰️〰️〰️〰️
اگبورهم نبنيهه ..... ابزودنه انعليهه
ـ*****ـ

احنه حشد الله المقدس باجر انصـــــدر أمر
تنبني اگبور البقيع ونهــــدم اقصـــــور الكفر
نخذل اهل الظلم كلهه وكل طواغيت العصر
بالنفس نفدي البقـــيع ونبني قـــبه الكل گبر

امن الكفر نحميهه .... ابزودنه انعليهه
ـ*****ـ

لو انطه السيستاني فتوه انثور ضد أهل الحقد
باچـــــر انزلزل عرشــــــهم وحــنه ابناء الحشد
للبقـــــيع انروح كلنه انشـــــيد القـــــــبه اونرد
داخل الصــحن المقدس نزرع ابچــــــفنه الورد

ابروحنه انخليهه ... ابزودنه انعليهه
ـ****ـ

لو وصلنه ارض البقـيع انسوي مجلس للعزاء
ونلبس اهـدوم السواد وتعتلي أصوات البكاء
نفتــــخر خـــدام احـــنه وما نبـطل هل ولاء
نبقه نعشگها البقــيع ابگد عشــــگنه الكربلاء

نقره مجلس بيهه .... ابزودنه انعليهه
ـ*****ـ

عهد وقعـــــنه ابدمانه ابنهج ابو الاكبر نســــير
مانعوف أهل الرساله اشما جره اعلينه اويصير
احـــنه قائدنه الصمـــــيده بينه كل ظالم يحير
سيف بيد المرجعـــيه ونذبح الفاگد ضمـــــــير

كل وكت نحجيهه ... ابزودنه انعليهه
ـ*****ـ

نقسم ابدم الشهيد وبالحسين ومصــــــرعه
نبنـي كل مـــــرقد تفجــر ولي طاح انرجعه
احنه للمظلوم عون ابچـــفنه نمسـح مدمعه
العنده غيره اعله العقيده هذا طيب مرضعه

شيعه ونواليهه .... ابزودنه انعليهه
ـ****ـ
يحسين بالطف لاتهم ربيتلك اربع زلم
كلهم وفه وحنيه تربات ام بدويه
*
الله رزقني بأربعه ذيج الوجوه الحلوه
وربيتهم ذاك الربه وبيهم زرعت الخوه
ماشفت برباهم تعب والتعب الهم يسوه
غيرة علي ونخوة علي خضرت بيهم نخوه

شبان كلهم مرجله ايرفعون راسي بكربله
ادعيلهم يوميه تربات ام بدويه
****
عن كربله وعن الخيم وياهم حجيت اهوايه
آنه امهم وأم الوفه وطلعو علي وفايه
يحسين دكولي الصدر ومنهم خذيت حجايه
وشمحله بجفوف الگمر باجر رفيف الرايه

معدل وأمه معدله ولو زعل زعله شيحمله
طالع اوليدي عليه تربات ام بدويه
**
وصيتهم يا ابو علي اگبالك يدنگون الراس
سيدهم انته وسيدي اتراب جدمك ينباس
ولخيام زينب بالغرب ايصيرون الهن حراس
وعباس بالطف كشختي صاح ونعم من عباس

ربيتلك خوش اربعه والموعد عله المشرعه
وعالشاطي يسطع ضيه تربات ام بدويه
*
يا ابو علي اول درس علمته الهم حبك
والثاني حب ام الخدر ويمشون دوم بدربك
وعالتضحيه وبذل النفس ويبقون اريد بقربك
وعباس لو مرك عطش من ماي عينه ايشربك

وصيتهم بيك اشكثر وگلولي نفديله العمر
وارواحهم ثوريه تربات ام بدويه
*
محظوظه يحسين شكثر حظي ييمه شكبره
وفقني الله وخادمه صرت العزيز الزهره
يالخدمتك اعظم شرف وخادمك ترفع قدره
وتتباها دوم بخدمتك ام البنين الحره

كلش جبيره محبتك وشرفنه الله بخدمتك
ووجوهم قدسيه تربات ام بدويه
***
تمنيتهم عشره الولد عشرتهم افديهم راح
لجلك واكولن قصرت ما طعنته جسمي ارماح
وياك كون بكربله وتسحگني خيل وارتاح
ومثلك اطيح من المهر ويحز وريدي الذباح


وبصدري مثلك انرفس وهناك انامن بالشمس
وامشي ردت مسبيه تربات ام بدويه
***
ياويلهم گـــــوم الرجس ياويلهم
زلزال طب شبل الحسن ياويلهم
*
دگت اطبول العســــاكر ونفـخ بوق الحرب
طبهم العريس جاسـم ومتلو خوف ورعب
حاصر الجيش أبساله وسد عليهم كل درب

انهار گدامه ورگد كل حيلهم
*

كســر قمده وركض غاضب ونثنت گــــدامه
بالحرب دخنت ايـــده مـــــن لزم صمصــامه
الگاع ترجف حدره ضلت خوفن امن اجدامه

فرو اگباله وبقت بس خيلهم


الگوم تتــــرادم جعلهه وتيهت مشــــــرادهه
وحـــــده گام ايحوش بيهه ولجهــنم گادهه
ضلمه سوه الطف عليهه وگص رگب قوادهه

مايعرفون الصبح من ليلهم
*

الجيش صار ابعينه افعه من حمل گص راسهه
شتت اصفوف العســـاكر والشـــوارب داســـهه
جــــنه عزرائيل مــن طب خمـــدلهه انفاســهه

وبحسامه اعله الاجل يوميلهم


نار شب الغاضــريه والحطب عـــــدوانه
ابزوده تشهد كـــربلاء وثبتت عنــــــوانه
تشبه الكرار حيـــــدر وگفته ابميــــــدانه

عن بطولت جده ضل يحجيلهم
**
ارجع اشلون.      ياحلاة اسنين اخيّك
ارجع اشلون       والنهر حارمني ضيّك
ارجع اشلون.       والحرم منتضره ميّك
يابو فاضل يابوفاضل
*****

جرح الاموادع جبل مابين الاخوان
والحلاته اتروح يعني الخلّه دفّان
ارجع اشلون؟ بجروحي طولي غرگان
وشاهد الله الك خويه گلبي عطشان


هو ضل حيل ؟   بي ارد لخيامي بيّه
هو ضل حيل؟  طاح يمّك عالوطيّه
هو ضل حيل ؟  يل اعز من روحي اليّه
يابوفاضل يابوفاضل
****


اليناضر جسم اخيه لابس جروح
تعمه عينه ويم غلاته ايودع الروح
والتحبه بكد معزتك خويه مذبوح
من نضرلك ياكمر عالارض مطروح

ياگمر ليش.   وحده غاليك تعوفه
ياكمر ليش.   وعالنهر ترجف جفوفه
ياكمر ليش.    صارت وريتك تشوفه
يابوفاضل. يابوفاضل
******

للمخيّم لمّن ارجع موش الحسين
حسين راح اعله النهر من شاف جفين
گلبه طاحن عالشريعه ونبله بالعين
ويبقه بي لون الوگعله ضي السنين؟ او حيل السنين

طولي مدفون.   عالنهر من دامي شفتك
طولي مدفون.   من ردت اشلع نبلتك
طولي مدفون.    من وداعا خويه گتللك
يابوفاضل يابوفاضل
******

هاي اوّل مرّه امشي موش ويّاك
وحدي اروحن يالعشت بسواد عيناك
احنه مهيوبين بيك وصعبه فرگاك
ماأضل لا آنه لا خدري بلّيّاك

ريتك اتگوم    والسّكن گلبك تسنده
ريتك اتگوم   طولك انته الخدري سده   **
ريتك اتكوم.    وماتخلّي حسين وحده
   يابوفاضل يابوفاضل
*****

رجعتي للخيمه كلفه ونار الانفاس
بدربي خويه اشكد اطيح ومچوي الاحساس
وشحجي يم زينب اجيه اِمنزّل الراس
وتلطم اعله الراس اكلهه راح عباس


كوّه اللسان.      يلفض الكلمه يتمتم
گوّه اللسان.      لمن ارجع للمخيّم
گوّه اللسان.       راح عباس وتخذّم  او  وتهدّم
يابوفاضل يابوفاضل
****

ضهري معتازك حزامه ونته العضيد
ابغربته اتعيف اخوك اشلون ووحيد
والحرم مشتاگه خويه وطولك اتريد
ولبسِت ثوب السبي من رحت يالحيد

انه مشتاگ     الامانك والعقيله
انه مشتاگ   طيحتك الهه ثكيله 
انه مشتاگ  حملي ياخويه تشيله
يابوفاضل يابوفاضل
***
بالخيم يهتف صوت لنصاركم
گالو اليـوم انطيــح جدامــكم
ـــــــــــــــــ ❁ ❁ ❁ ــــــــــــــــــ

حسين ياشيخ العشيره .. انصارك البطف جثيره
وكسبو اعظم منزله
الف واحــــدهم يساوي .. الجفه ما واحـد يلاوي
وكله غيـره ومرجله
اليعشگ ايضحي الخليله .. وقسمو ابستر العقيله
انوافي ابن عقد الوله

سيدي ابهل انصار هنيالكم
گالو اليـوم انطيح جدامكم
ـــــــــــــــــ ❁ ❁ ❁ ــــــــــــــــــ

ابد ما نتــخله عنـــكم .. ناذرين ارواحنه الكم
مـن نطب الكربله
خل تأمــن بت محــمد .. للخـــيم مايدنه احد
احنه سور العايله
ندخل الحومه ونشبهه .. وزينـب نفرح گلبهه
وتبقه دوم امدللـه

بينه ابد لا متخيـب آمالكم
گالو اليوم انطيح جدامكم
ـــــــــــــــــ ❁ ❁ ❁ ــــــــــــــــــ

شيخ النصار ابن ظاهر .. سيف بين اجفوفه شاهر
فرت اگباله الجـــيم
كلهم ايهابون ســـــيفه .. وزود ظرباته المخــــيفه
كسب من حيدر همم
واعــد الحــره الابــــيه .. اليوم نحصد روس اميه
وهوس اباب الخــيم

احنه يازينب صاح خدامكم
گالو اليوم انطيــح جدامكم
ـــــــــــــــــ ❁ ❁ ❁ ــــــــــــــــــ

شـــدو احـــزام المنايه .. وعلگو بالحـــومه رايه
وسيـــفهم بالدم روه
حســين مانتخله عنه .. لجله للمـــــوت انتــعنه
ابصوتهم صاحو سوه
ارواح ضحو للعقــيده .. وكتبو ابدمهم قصيده
احنه فتيت نينوه

يخسه اي واحد راد يدنالكم
گالو اليوم انطيــح جدامكم
ـــــــــــــــــ ❁ ❁ ❁ ــــــــــــــــــ

صحبتك يحسين ذوله .. ابزودهم صـنعو بطوله
والله واحدهم شرس
ثورتك همه البــــدوهه .. وللوفه الرايه اعگدوهه
خرسو العكسر خرس
الجيش سبعين الف فارس.. لچن ماألهــم منافس
روســــهم ما تنتكس

ونعـم صارو سور لخيامكم
گالو اليوم انطيح جدامكم
ـــــــــــــــــ ❁ ❁ ❁ ــــــــــــــــــ
نازل گمر سگاي .. زينب تلقبة بهاي
قائد لواء الماي .. والرتبه زينب
~~~
استرخص امن الشيخ الاعظم زم مهرته وعرجه طگ
شد لواء الحمد بيدة وچفة عالراية انطبگ
اختنگ من الدنيا كلها انوخذ من احگوگة حگ
الماي مايحترگ گالوا لاكن بچفة احترگ

وبظله فارس ليل .. دگاها خيل بخيل
بعيونه شاره وحيل .. امهر مقاتل
~~~~
صفّن اعيون القيافة وكلشي يم وجهه انسطر
الخوذة جامع والمنارة الريشة البراس الگمر
الماي ما ينعد يوادم وابو فاضل لا أصَّر
اكثر امن الماي نفسة ازلام شمّر عالنهر

رجعّهم لكوفان .. واحد لچن طوفان
مو راية، لا قران .. شدها بيمينه
~~
للكواكب حيله واصل وبزحل وزّع مدد
بالسمة انعرف الرعيدة وهوه بلگاع ورعد
ندري من تطلع الگمرة الشمس تتكتر بعد
صگر والصيدة اليحبها ايجرها من حلگ الاسد

والغيرة مو تعلوم .. ابلامة حرب مفطوم
اول لغز مفهوم .. عينه الوسيعة
~~
مقتدر قادر قدير ايعدّل ويعكس امر
ايخلي هلهولة جنازة اتصير هلهولة نصر
ابنيه من زمزم جربتة وعاشت بخيمة خدر
بس بالابهر عنده قدرة ايچتّف الجيش ويجر

من الله بالتنزيل .. للطف اجاه توكيل
يگدر يجيب النيل .. يم المخيّم
~~~
راية حيدر من هزاهه /// وفاهه الكافل وفاهه
شايلهه العباس بزوده /
وياويله اليوصل لحدوده
وفاهه الكافل وفاهه
..........................
راية عباس المعروفه ماتنذل هيهات الراية
من طه لكرار لجفه معروف المقصد والغاية
بيهه يشيد دين الهادي راية عباس الوفاية
وبيوم العاشردكهه للعز والخوه اعظم ثاية
وفاهه وماخان عهوده //هل الراية بجفكمعكوده
برض الطف للعزخلاهه
وفاهه الكافل وفاهه
..............................
من طب للميدان بسيفه كالوحيدر رد لساحه
والعسكر فر من جدامه ويا ويلهالعباس الاحه
ماهمه بكثرت عسكرهم ولاهم بسيوفه وبرماحه
طشرهه ولماهه الكافل متحزم والغيره سلاحه
لحسين بعزمه ومجهوده /زمالراية وتارس جوده
وعين اخته الكافل كراهه
وفاهه الكافل وفاهه
.... ...........................
صاح اكلبهه اليوم افنيهه عباس انا وليث الغابه
اليوم تكر عين الحره وتنشف دمعتهه السجابه
خليهه الماتعلم تعلم خيبر جفي القالع بابه صال وطب شاطيهه واغضب جر الشط بجروفه وجابه
الميدان وكثر جنوده // ماكدرت تتخطه حدوده
يوم الطف محشر سواهه
وفاهه الكافل وفاهه
... ............................

طب الشاطي وزم بجفه والشاط تراجف من شافه
وجيوش الطاغي وكثرتهم دوف الحنه الكافل دافه
شال الشط عباس بغيره شاله من الكاع عالجتافه
بس ذكر جبد عضيده ذب الماي من يده وعافه
والراية اليومك موجوده
يمهه الجود ويمهه زنوده
اتاني اليظهر خلاهه
وفاهه الكافل وفاهه
.............................
يـمـه ذكـريـنـي مـن تـمـر زفـة شـباب
مـن الـعـرس مـحـروم ... حـنتي دم المصاب
شــمــعـة شـبـابـي مـن يـطـفـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
------
بـزغ  من برج المخيم ..... جاسم ونوره يتشعشع
نـاشر  جعوده  على متنه .... ومثل طير الجنه يلمع
هـلهلت  رمله وتگله ..... هاك إخذ گلبي المگطع
شـنـهـي يـجـاسم نيتك.... ثاير بجمرة همتك
چـنـك وفيت برگبتك.... صاح إلي دوفي المرضع
مـن  ثـدي الـنـيـبـه راضـع بصافي الحليب
وبـهـالـشـهـاده صـار إلـي قسمه ونصيب
حــوفـتـي بـدمـي خـل يـفـرشـوهـا
حـنـتـي دمـي .. والـجـفـن ذاري التراب
يـمـه ذكـريـنـي مـن تـمـر زفـة شـباب
------
هـلـلـه هـلله شلون فزعه من فزع جاسم لعمه
ضـاگت بـعـيـنـه الوسيعه والوفا يطشه ويلمه
تـنـومـسـت رمله بولدها حنت ضلع الصبر يمه
صـاحت  النيه  راشده... وگلب أمك الله يساعده
صـاح  إلـي يـوصي والده... عالوصيه يبيع دمه
أهـلـي  وصـونـي بـالـوفـا يـوم الطفوف
مـن  دم  وريـدي يـصـبح خضاب الچـفوف
هـذي  وصـيـتـي يـالـتـسـمـعـوهـا
حـنـتـي  دمـي.. والچـفـن ذاري الـتراب
يـمـه ذكـريـنـي مـن تـمـر زفـة شـباب
-----
هـنـا  يـهالغذيت روحك من ثمر روحي وحليبي
مـن نـصـيـبـك هالشهاده واليسر يبني نصيبي
بـالـجـهد بيض لي وجهي يا ضوه عيوني وحبيبي
ناداها  لا يصيبج رعب..... جدميلي لامات الحرب
والـنـايـبات شماتصب..... إدعي والصارم مجيبي
والـوفـا شـانـه يـنـعـدم بـيـه الـوجود
وآنـه  وجـدانـي يـغـتـنـم جـنـة الخلود
نــيـتـي  بـديـوان جـدي كـتـبـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
-----
ضـمـتـه  بـصـدر المحنه وانطبع رسمه بصدرها
وتـشـم ريـحـانـة جماله وتكف دمعتها بصبرها
وذكـرت  أيـام الرضاعه ولوجت الروح وسهرها
وصـاحت  شوصاك  الحسن.. يا منوتي ونعم المضن
هاك إلبس ثياب الچـفن ... يا أمل رمله ويا ذخرها
يـوم الـمـبـارك أصـبـح لـديـنـي شهيد
وافـزع لـعـمـي مـن يـضـل بالطف وحيد
ورمــلـه بـمـصـابـي خـل يـواسـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
-----
يـمـه  حـاسبني ضميري وشفت مگصود اليريده
والـضـمـيـر يـريـد مني أتخضب بدم العقيده
والـيـريـد  الـغانمات  على الطعن يعرض وريده
صـاحـت الـنيه راشده ... نيتي ويا نيتك واحده
وجاسم سفر عن ساعده .. وسيف ابوه الحسن بيده
صـاح  أنـا بـديـنـي مـلـتزم فرع وأصول
أفـدي وجـدانـي والأجـر عـنـد الـرسول
وامــي الــزهــره خــل يـهـنـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
-----
لـزمـت  الـدلال  بـيـد وإيد بيها إلزمت ريعه
ونـادتـه  ودعـك عـنـدي الحسن يمدلل وديعه
الـيـوم چـنك ضيعتني وضعت مني شلون ضيعه
نـاداهـا  يمي  تيتمت...... وبحجر عمي ترعرعت
ربـانـي  ولـيـوم إنـشأت.. ولربايه اليوم ابيعه
دهـري يـتـمـنـي والـتـزم عـمـي برباي
ومـا اعـز عـنـه مـهـجـتي وروحي ودماي
وأمـي بـمـصـابـي خـل يـفـجـعـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب

Найдено 35 постов