،

-خالــــف كلامى كــــادنى لوعنى
مع نـــاس نيتهم اليــــوم قبيحـه...🪵

.

،
كثر عزيز لمهاياه.....عليه مابكينا نين هو.. 🪵


كثر صاحب صوب علينا ... بمهاياته نين بكينا🪵

،

.
الرويعي موسى

اوخاذ النصايح مالكبار عمر به
من دون العرب عقله وسابق نده
اللي عالكروب عقولهم مندربه
وناظرين مالدنيا تجارب عده
يقولوا البوم يموت وكره خربه
والصقر يتعلى كل وطن يحده
والراي فالملاطم قبل راس الحربه
والفارس يلجّم قبل شد العده
وتحصد اجنا كفك اللي تبذربه
وعلي من يريدك في عشاه تغده
وعلي كتوف شايلها تسيل القربه
وعيب صاحبك وجّاع كيف تعده
والصاحب الزين يبان وقت الكربه
نهار صاحبه رايد عضيد يشده
الاشي ساهل فالرخا والطربه
مع كل حد تعلق خيوط اموده
مثيله اللي ريّان كافي شربه
مع رشح السحاب اللي تجيه تسده
بخلاف من بعد الاجداب تدّايربه
بجي مالحداده للحداده حدّه
جناحه خبط مامن عقيره جربه
تناقل عذاها تعزقه وترده
حتى ان كان في لقبال ماتشعربه
وتقول كل حد عنده نهار يقده
الاالفرق فالداير نهار الهربه
هاضاك هو اللي شال العنا من جده
والصاحب اللي بعده سوا كي قربه
ان جيت مرحبا وان غبت مايتكده
بلاراي غيره مايوري دربه
ان جو هم يجي وان كان عدّوا عده
هاضاك وين ماضاق الملاج استربه
وجونه اخرب لاجاب لاعد وده
وسية الصاحب شي ماتسمربه
الفور لولّلي قالوا الناس تبدّه
والموت علم غيب اوانها تحضربه
كمّين طفل من قبل الفطام ترده
ويسقط الطير اللي امعدي سربه
وتشرب الناب بجلد بكره غدّه
اقرب منيش نقطاعت اللي منكربه
واللي تزيد عالمعتاد تقلب ضده
وراي الصلاح يريد من يندربه
وواعر البنا يسهل عليك اتهدّه
والمعدن الطيب فالعرب تفخربه
يزيد فالعنا مهما اتطول المدّه
مثيل الذهب فالجود وامعبر به
يفنن قرون ولابهت لاصدّه
وكاس الهنا فالدهر لاتسكربه
وكاس المنيه تشربه لابده
ودار الفنا تهوينها تاجربه
ودار المقام لها اتعد العده
وصلوا عليه اللي الدين جبربه
اعداد كل حرف وكل نقط وشدّه🪵
،

،
وراح بين رقدنا وبين اوعينا
جميع ما فنينا عمرنا لأنجازه🪵

،

.
كل الجـّوامـع سـالـن
حتى صف واحد فالصّلاه ما طالن
عـلـي اغـيـابـكم

تمّن اصفـوف قلـيله
اغـيابكم جـرا ما بـين يـوم و ليله
حتى وهن جماد احساسن واعيله
هيّالي علي صـدر الاسـلام انهـالن
و ردت الـغـربـه لـوّلـه الــطـويـلـه
اليوم المصاحف عالرّفوف انشالن

#عبدالسلام_المبري
نسأل الله الهدايه لي ولكم
.