Телеграм канал «Huquqshunos yordami»

❓Pedagog xodimlar farzandlariga 30 foizlik kontrakt chegirmasi qanday qo‘llanadi?
❓Chegirma kimlarga beriladi
Mazkur imtiyoz Adliya vazirligi tomonidan 2026-yil 9-iyul bilan ro‘yxatdan o‘tkazilgan 3849-raqami qo‘shma qarorda belgilangan Pedagogik faoliyat bilan bogʻliq lavozimlar roʻyxatidagi xodimlarning farzandlariga tatbiq etiladi.
Ma’muriy-boshqaruv, texnik va xo‘jalik xodimlari mazkur pedagogik lavozimlar ro‘yxatiga kirmaydi.
❓ Chegirmadan qanday foydalaniladi?
1️⃣ Talaba kontrakt.edu.uz axborot tizimi orqali to‘lov-kontrakt shartnomasini olish bo‘yicha ariza yuboradi.
2️⃣ Tizim orqali talabaning pedagog farzandi ekanligi elektron tarzda tekshiriladi va tasdiqlanadi.
3️⃣ Tasdiqlanganidan so‘ng 30 foizlik chegirma qo‘llaniladi.
Ariza 2 ish kun ichida ko‘rib chiqiladi va chegirma bir o‘quv yili davomida bir marotaba qo‘llaniladi.
❓Endi eng muhim savol: qancha to‘lanadi?
Agar kontrakt summasi 100 foiz bo‘lsa:
30 foizi — chegirma;
70 foizi — talabaning to‘lovi.
Ya’ni talaba kontraktning to‘liq 100 foizini emas, faqat 70 foizini to‘laydi.
70 foizlik to‘lovni ikki xil usulda amalga oshirish mumkin:
1-usul — summani to‘liq to‘lash.
Talaba chegirmadan keyingi 70 foizlik summani bir martada to‘laydi.
2-usul — bo‘lib-bo‘lib to‘lash.
1-bosqich: 25 foiz
— 1-kursga tavsiya etilganlar uchun — 15-oktyabrgacha;
— 2-kurs va undan yuqori bosqich talabalari uchun — 1-oktyabrgacha.
2-bosqich: yana 25 foiz — 1-yanvargacha.
Shunda jami to‘lov 50 foiz bo‘ladi.
3-bosqich: qolgan 20 foiz — 1-martgacha.
Shunda jami to‘lov 70 foizga yetadi.
Qolgan 30 foiz nima bo‘ladi❓
Kontrakt summasining chegirmaga to‘g‘ri keluvchi 30 foizlik qismi Davlat budjeti mablag‘lari hisobidan 1-maygacha oliy ta’lim tashkilotiga qoplab beriladi.
Arizalar qachon topshiriladi❓
Hozirda kontrakt.edu.uz axborot tizimida vazirlik va idoralar o‘rtasida ota-onaning pedagogik faoliyatini avtomatik aniqlash bo‘yicha maʼlumotlar bazalarini tizimga integratsiya ishlari olib borilmoqda.
Arizalarni qabul qilish imkoniyati tez kunlarda ishga tushiriladi. Ariza topshirish jarayoni boshlanganligi haqida qo‘shimcha e’lon beriladi.
@Huquqshunos_yordami
Savol yuborish uchun 👇👇
@Online_maslaxatchii

Rasmiy ishlamaydigan ayollar ham dekret puli olishi mumkinmi?
⠀
🤰 Ha, mumkin.
⠀
Agar ayol rasmiy ish joyiga ega bo‘lmasa ham, ayrim hollarda unga homiladorlik va tug‘ish (dekret) nafaqasi to‘lanadi.
Buning uchun quyidagi shartlardan biri bajarilgan bo‘lishi kerak:
⠀
✅ ayol o‘zini o‘zi band qilgan shaxs sifatida ro‘yxatdan o‘tgan bo‘lishi va ixtiyoriy ijtimoiy sug‘urta badallarini to‘lab kelayotgan bo‘lishi;
⠀
✅ ayol ishlamasa, uning uchun turmush o‘rtog‘i ixtiyoriy ijtimoiy sug‘urta badallarini to‘lab kelayotgan bo‘lishi kerak.
⠀
📌 Muhim shart:
Dekret puli olish uchun ixtiyoriy sug‘urta badallari kamida 10 oy davomida to‘langan bo‘lishi, shundan oxirgi 6 oy uzluksiz bo‘lishi lozim.
⠀
💰 Nafaqa miqdori qanday belgilanadi?
Ixtiyoriy sug‘urta badallari qancha uzoq muddat va muntazam to‘langan bo‘lsa, tayinlanadigan nafaqa miqdori ham shunga mos ravishda yuqori bo‘ladi.
⠀
❗️Bunda homiladorlik va tug‘ish nafaqasi mehnatga haq to‘lashning eng kam miqdorining 5 baravaridan oshmaydi. Bugungi kunda ushbu miqdor 6 mln 355 ming so‘mni tashkil etadi.
⠀
↗️ Ixtiyoriy ijtimoiy sug‘urta badalining eng kam oylik miqdori mehnatga haq to‘lashning eng kam miqdorining 5 foizi miqdorida belgilangan bo‘lib, hozirda 63 550 so‘mga teng.
⠀
Badallarni Baraka mobil ilovasi orqali to‘lang va nafaqangiz Baraka kartangizga avtomatik o’tkazib beriladi.
⠀
Ilovani yuklab olish
⠀
📞 Ishonch raqami: 1070
🌐 Batafsil: baraka.gov.uz
⠀
@Huquqshunos_yordami

Savol yuborish uchun 👇👇

@Online_maslaxatchii

Pedagoglarning kontraktda o‘qiyotgan farzandlariga beriladigan 30 foizlik chegirma haqida ayrim savollarga javoblar:

❓Pedagog deganda kim tushuniladi o‘zi?

Javob: Adliya vazirligi tomonidan 2026-yil 9-iyunda 3849-raqami bilan ro‘yxatdan o‘tkazilgan Pedagogik faoliyat bilan bog‘liq lavozimlar ro‘yxatida 465 ta lavozim nomi tasdiqlangan. Ushbu 465 ta lavozimda kim bo‘lsa, o‘shaning farzand(lar)i uchun 30 foizlik chegirma beriladi.

❓Maktabgacha ta’lim muassasalaridagi tarbiyachilar uchun ushbu qaror qo‘llanadimi?

Javob: Ha, qo‘llanadi. Bog‘cha tarbiyachilarining kontraktda o‘qiyotgan farzandlari uchun ham 30% chegirma qo‘llanadi.

❓Oliygohlardagi tyutorlarning farzandlari uchun ushbu qaror qo‘llanadimi?

Javob: yo‘q, tyutorlar ro‘yxatdan mavjud emasligi sababli ularning farzandlariga chegirma berilmaydi.

❓O‘quv markazlaridagi o‘qituvchilarning farzandlari uchun ushbu qaror qo‘llanadimi?

Javob: yo‘q, o‘quv markazlari ro‘yxatdan mavjud emasligi sababli ularning farzandlariga chegirma berilmaydi.

❓To‘liq bo‘lmagan grantda o‘qiyotgan (50% davlat granti, 50% kontrakt) talabaning kontrakt summasi uchun ham chegirma beriladimi?

Javob: ha, chegirma beriladi. 50% kontrakt qismi uchun 30% chegirma qo‘llanadi.

❓Qaror chiqqunga qadar 2026/2027 o‘quv yili uchun to‘liq yoki qisman kontrakt to‘lovini to‘lab qo‘yganlar uchun chegirma qanday hisoblanadi? Ortiqcha to‘langan summa qaytariladimi yoki keyingi yil hisobi uchun o‘tkaziladimi?

Javob: ha, to‘lab qo‘yganlar uchun ham chegirma qo‘llanadi va ortiqcha to‘langan summani istasa qaytarib olishi, istasa kelasi o‘quv yili uchun o‘tkazib yuborishi mumkin.

❓Pedagog xususiy ta’lim tashkilotida ishlasa ham chegirma beriladimi yoki faqat davlat ta’lim tashkilotida ishlashi kerakmi?

Javob: xususiy ta’lim tashkilotida, masalan, xususiy oliygoh, xususiy maktab yoki xususiy bog‘chada ishlayotgan pedagoglarning farzandlari uchun ham 30% chegirma beriladi.

❓Qachondan ariza topshirish boshlanadi?

Javob: hozirda kontrakt.edu.uz saytida texnik ishlar olib borilmoqda, taxminan 1 haftalarda chegirma olish uchun ariza yuborish imkoniyati yaratiladi. Arizani talabaning o‘zi beradi, ota-onasi emas.

 ©️xushnudbek

@Huquqshunos_yordami

Savol yuborish uchun 👇👇

@Online_maslaxatchii

1️⃣2️⃣3️⃣4️⃣5️⃣6️⃣

Tungi vaqtdagi ishning davomiyligi va haq toʻlash tartibi

🕙 Soat 22-00 dan to soat 06-00 gacha boʻlgan vaqt tungi vaqt hisoblanadi.

Ish davomiyligi: Har kun belgilangan ish davomiyligining kamida yarmi tungi vaqtga toʻgʻri kelsa, ish haftasining davomiyligi bir soatga qisqartiriladi.

📄 Jamoa shartnomasida boshqacha qoidalar mavjud bo'lmasa, ish davomiyligi qisqartirilmaydi.

Tungi mehnat uchun haq toʻlash:

Vaqtbay tizimda: har bir soat uchun 1,5 yoki undan ortiq koeffitsiyent.

Ishbay tizimda: soatlik tarif stavkasining ellik foizi yoki undan ortiq miqdorida.

Qoʻshimcha toʻlovlar: tungi vaqtdagi ish uchun qoʻshimcha toʻlovlar jamoa shartnomasida yoki ichki hujjatlarda belgilanadi.

@Huquqshunos_yordami

Savol yuborish uchun 👇👇

@Online_maslaxatchii

Kontrakt toʻlovlarini amalga oshirish muddati 15-oktyabrgacha uzaytirildi

2026/2027 oʻquv yili uchun oliy taʼlim tashkilotlarida kontrakt toʻlovlarini amalga oshirish va talabalar safiga qabul qilishni rasmiylashtirish muddati 15-oktyabrga qadar (shu kuni ham) uzaytirildi.

Bu muddat:

• bakalavriat va magistraturaga oʻqishga tavsiya etilgan abituriyentlar;
• oʻqishi koʻchirilgan yoki koʻchirib tiklangan talabalar;
• oʻqishga qayta tiklangan talabalarga taalluqli.

15-oktyabrga qadar bazaviy toʻlov-kontrakt boʻyicha yillik qiymatning kamida 25 foizi, tabaqalashtirilgan toʻlov-kontrakt boʻyicha esa kamida 50 foizi toʻlanishi lozim.

@Huquqshunos_yordami

Savol yuborish uchun 👇👇

@Online_maslaxatchii

✨ 15 yillik xizmatingiz evaziga farzandingiz ta’limiga davlat ko‘magi!

👩‍⚕️ Davlat tibbiyot muassasalarida kamida 15 yil mehnat qilgan shifokor va farmatsevtlar uchun my.gov.uz portalida yangi xizmat ishga tushirildi!

💰Endilikda farzandingizning oliy ta’limdagi kontrakt to‘lovining bir qismi davlat tomonidan qoplab beriladi.

❓Qoplanadigan miqdor qancha?

⏺ Yillik to‘lov-kontrakt summasining 30 foizi (BHMning 15 baravarigacha bo‘lgan miqdorda) qoplanadi.
⏺Masalan: Kontrakt summasi 20 mln so‘m bo‘lsa, davlat 6 mln so‘m subsidiya ajratadi.
⏺Bir nechta farzandingiz talaba bo‘lsa, subsidiya har biri uchun alohida hisoblanadi.


❗️Ortiqcha hujjat va ovoragarchilikka o’rin yo’q!

🟡 Ish staji, qarindoshlik va talabalik maqomi tegishli idoralarning axborot tizimlari orqali avtomatik tekshiriladi. Hech qanday qog‘ozbozlik talab etilmaydi.

👤 Mablag‘ naqd berilmaydi — bevosita OTMning hisobvarag‘iga o‘tkaziladi. Farzand o‘qishni davom ettirsa, subsidiya bakalavriat bosqichi yakunlanguniga qadar har o‘quv yilida to‘lab boriladi. Oilada bir nechta talaba bo‘lsa, har biri uchun subsidiya alohida hisoblanadi.

👉 Ariza topshirish juda oson:
💬 my.gov.uz portalidagi tegishli xizmatga kiring;
💬 Zarur ma’lumotlarni to‘ldirib, avtomatik tekshiruvga rozilik bering;
💬 Arizani yuboring va natijani shaxsiy kabinetda kuzatib boring.

Xizmatdan foydalanish mutlaqo BEPUL! Arizalar yil davomida qabul qilinadi.

📱 my.gov.uz dagi ushbu imkoniyatni oq xalat kiygan fidoyi tibbiyot xodimlariga ulashing!

@Huquqshunos_yordami

Savol yuborish uchun 👇👇

@Online_maslaxatchii

❗️RASMAN: Pedagoglarning farzandlari uchun kontrakt to‘loviga 30 foiz chegirma beriladi

2026/2027-o‘quv yilidan boshlab har yili pedagoglarning davlat oliy ta’lim tashkilotlariga bakalavriat bosqichida kunduzgi ta’lim shakliga o‘qishga kirgan hamda tahsil olayotgan farzandlari uchun to‘lov-kontrakt summasiga 30 foiz miqdorida chegirma joriy etiladi. Bu haqda tegishli Hukumat qarori (501-son, 17.09.2026-y.) qabul qilindi,

👥 Chegirma har bir farzand uchun alohida qo‘llanadi. Demak, bir necha farzand kontraktda o‘qisa, barchasi uchun alohida 30 foizlik chegirma beriladi.

📝 Chegirma olish uchun kontrakt.edu.uz orqali ariza yuborish kerak. Ariza 2 ish kunida ko‘rib chiqiladi va pedagogning farzandi ekanligi tasdiqlangach, chegirma avtomatik qo‘llanadi.

❌ Quyidagilarga chegirma berilmaydi:

➖ oliy harbiy va harbiylashtirilgan ta’lim tashkilotlari uchun;
➖ nodavlat oliy ta’lim tashkilotlari uchun;
➖ O‘zbekistonda faoliyat olib borayotgan xorijiy oliy ta’lim tashkilotlari va ularning filiallari uchun;
➖ qo‘shimcha va tabaqalashtirilgan to‘lov-kontrakt uchun;
➖ xorijiy hamkor OTMlarning qo‘shma ta’lim dasturlari asosida va fakultetlari uchun;
➖ kechki, masofaviy hamda sirtqi ta’lim shakli uchun.

🔁 Pedagog farzandlariga chegirma o‘quv yili uchun bir marotaba qo‘llaniladi. Demak, har yili qaytadan chegirma olish mumkin.

❗️Pedagog farzandlarining otasi yoki onasi pedagog toifasidan chiqarilgan taqdirda, keyingi o‘quv yilidan boshlab unga chegirma qo‘llash to‘xtatiladi.

@Huquqshunos_yordami

Savol yuborish uchun 👇👇

@Online_maslaxatchii