Телеграм канал «Түймедақ🪴»

Мен жетпіс жылдан астам уақыт ілім іздедім, бірақ мына бір сөзден артық көркем даналықты кездестірмедім:
«Құлшылықтың машақаты кетеді, сауабы қалады.
Ал күнәнің ләззаты кетеді, жазасы қалады».

© Шейх Али Тантауи р.а

Имам Науауи  "Бустанул 'арифин" атты кітабында Фудайл ибн Иядтың былай дегенін жеткізеді:

«Дәуіт Пайғамбар (عليه السلام):
– Құдайым! Маған қандай мәміле жасайтын болсаң, ұлыма да сондай мәміле жасашы, – деп айтты. Алла Тағала оған уаһи жіберіп, былай деді:

– Уа Дәуіт! Ұлыңа айт, сен маған қандай ықыласты болсаң, ол да сондай ықыласты болсын. Сонда мен саған қалай мәміле жасасам, ұлыңа да солай мәміле жасаймын.»

#аударма
#балатәрбиесі

Алла Тағала Құран Кәрімде:
يَـٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارًا وَقُودُهَا ٱلنَّاسُ وَٱلۡحِجَارَةُ عَلَيۡهَا مَلَـٰٓئِكَةٌ غِلَاظٌ شِدَادٌ لَّا يَعۡصُونَ ٱللَّهَ مَآ أَمَرَهُمۡ وَيَفۡعَلُونَ مَا يُؤۡمَرُونَ
(«әт-Тахрим» сүресі, 6-аят)

«Уа, иман келтіргендер! Өздеріңді һәм отбасыларыңды (имандылық пен адамгершілікке баулу арқылы) отыны адамдар мен тастардан тұратын алапат оттан қорғаңдар! Оның басында аяуды білмейтін тым қатал, жауапты періштелер болады. Олар Алланың әміріне әсте қарсы келмейді және өздеріне жүктелген бұйрықты бұлжытпай орындайды», – деп бұйыру арқылы ата-анаға бала тәрбиесін жекелей міндеттеп, жауапкершілігін тікелей солардың мойнына жүктеді.

Әли (رضي الله عنه) аяттағы (قوا أنفسكم و أهليكم نارا) «Өздеріңді һәм отбасыларыңды отыны адамдар мен тастардан тұратын алапат оттан қорғаңдар» деген сөзді: «Өздеріңе және отбасыларыңа жақсылықты үйретіңдер», – деп түсіндірген.

Имам Фахруддин әр-Рази (قوا أنفسكم) «өздеріңді сақтаңдар» дегенді: «Алла Тағала тыйған істерден тыйылу арқылы сақтаныңдар», – деп тәпсірлейді.

Сонымен қатар, атақты тәпсірші Муқотил әл-Балхи (قوا أنفسكم) «өздеріңді сақтаңдар» деген сөзді: «Мұсылманның өзін және отбасын тәрбиелеп, жақсылыққа бұйырып, жамандықтан қайтаруы», – деп тәпсірлесе,

Имам Замахшари (قوا أنفسكم) «өздеріңді сақтаңдар» деген сөзді «әл-Кәшшаф» атты еңбегінде: «Күнәдан арылып, Аллаға бойұсыну арқылы өз нәпсілеріңді қалай есепке алсаңдар - отбасыларыңды да солай есепке алу арқылы қорғаңдар», – деп түсіндірген.

Ендеше, балаларды дұрыс тәрбиелеп, қатесін түзеп, ізгілікке баулу — зор қажырлық пен табандылықты талап ететін пайғамбарлар жолы. Нұх пайғамбар (عليه السلام) баласын иманға шақырса, Ибраһим пайғамбар (عليه السلام) ұрпақтарына бір Аллаға ғана сыйынуды өсиет еткен.

#аударма

Сондықтан Пайғамбарымыздың (صلى الله عليه وسلم) бала тәрбиесін ата-анасына толықтай міндеттегенін көреміз.

Ибн Омардан (رضي الله عنه):

Алла елшісінің (صلى الله عليه وسلم)

"Әрқайсың – бақташысың әрі әрбірің өзіңнің жайылымың үшін жауаптысыңдар. Басшы – бақташы, ол өзінің қол астындағыларға жауапты. Еркек – өз отбасының бақташысы, ол өз отбасына жауапты. Әйел – күйеуінің үйінде бақташы және соған жауапты. Үй қызметшісі – иесінің мүлкінің бақташысы, ол соған жауапты.

Әрқайсың – бақташысың әрі әрбірің өзіңнің жайылымың үшін жауаптысыңдар.", - деп айтқанын естідім.

Алла елшісі (صلى الله عليه وسلم) осылайша бала тәрбиесіндегі НЕГІЗГІ ҚАҒИДАны орнатты.

Қағиданың пайдасы - бала ата-анасының дінінде өсіп-жетіледі.

Ата-ананың бала тәрбиесіндегі әсері өте жоғары.

#аударма