Телеграм канал «HADISLAR TOPLAMI»

#Ҳадис_710📗

#Ичиш ман этилган идишлар ҳақида.

Ҳузайфа розияллоҳу анҳудан ривоят қилинади: «Набий соллаллоҳу алайҳи васаллам: «Тилло ва кумуш идишларда ичманглар. Ипак ва дебожни кийманглар. Чунки ўшалар бу дунёда уларга, охиратда сизларга», дедилар».

✍(Бешовлари ривоят қилганлар).
Бошқа бир ривоятда: «Ким тилло ва кумуш идишда ичимлик ичса, қорнига жаҳаннамдан олов киритур», дейилган.

📝Шарҳ:

Ушбу ҳадиси шарифда Пайғамбар соллаллоҳу алайҳи васаллам сиз билан биз умматларини тўрт нарсадан қайтармоқдалар:
1. Тилло идишда ичимлик ичмоқдан.
2. Кумуш идишда ичимлик ичмоқдан.
3. Ипак кийим киймоқдан.
4. Дебож кийим киймоқдан. Кийимлар ҳақида кейин келадиган «Либос китоби»да батафсил сўз юритилади, иншааллоҳ. Тилло ва кумуш идишларда ичимлик ичиш ҳаром бўлганидек, уларда таом емоқ ҳам ҳаромдир. Айниқса: «Ким тилло ва кумуш идишда ичимлик ичса, қорнига жаҳаннамдан олов киритур» дейилган ривоятдан бу маъно яққол англанилади. Шариатимизда тилло ва кумушни идиш сифатида ва шунингдек, бошқа турмуш асбоблари сифатида ишлатишни ҳаром қилингани бир неча ҳикматларга биноан бўлганини уламо аҳли алоҳида таъкидлайдилар:
1.Тилло ва кумуш қадимда ҳам, ҳозирда ҳам пул бирлиги, гоҳида муомаладаги, гоҳида эҳтиётдаги давлат мулки сифатида ишлатилиб келингани ҳаммага маълум. Агар тилло ва кумушни идиш ёки шунга ўхшаш нарсаларга ишлатиш йўлга қўйиладиган бўлса, мазкур соҳага, яъни, хазина бойлиги соҳасига зарар етиши турган гапга айланиб қолади.
2.Тилло ва кумушдан идиш-товоқ, тароқ, қошиқ ва шунга ўхшаш нарсалар тутишга изн берилса, бойлар орасида манмансираш, мутакаббирлик, ҳамма нарсасини тиллодан қилишга уриниш кучайиб кетиб, жамиятда ноқулай ҳолат вужудга келади. Кўпгина дунёни ларзага солган империяларнинг таназзулга юз тутишларига айни шунга ўхшаш ҳолатлар сабаб бўлгани ҳаммага маълум.
3.Тилло ва кумушдан турли асбоб-анжомлар тутишга рухсат бўлса, бойлар бу борада ўзаро ким ўзарга мусобақа қилган бир пайтда камбағалларнинг кўнгли синиб, паришонҳол бўлишлари юзага келади. Ислом эса, бу ҳолатга ҳеч йўл қўймайди.

Манба: Ҳадис ва Ҳаёт 16📚

@HADISLAR_TOPLAMIII📚

#Ҳадис_715📕


ЖАМОАТ ТАОМИ ВА ЗИЁФАТ ҲАҚИДА

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Икки кишининг таоми уч кишига кифоя. Уч кишининг таоми тўрт кишига кифоя», дедилар».

✍(Икки шайх ва Термизий ривоят қилганлар).

✍Муслим ва Термизийнинг ривоятида: «Бир кишининг таоми икки кишига кифоя қилур. Икки кишининг таоми тўрт кишига кифоя қилур. Тўрт кишининг таоми саккиз кишига кифоя қилур», дедилар».

📝Шарҳ:

Ушбу ҳадиси шариф Пайғамбар соллаллоҳу алайҳи васалламнинг инсоний қадриятларни қанчалар юқори кўтарганларига яна бир ёрқин далилдир. Ислом таълимоти бўйича гап дунёнинг матоҳида эмас,
одамгарчиликдадир. Агар кишиларда бир-бирларини қадрлаш, бир-бирларига яхшиликни раво кўриш ўз ўрнида бўлса, бир кишига лойиқ таом бир неча кишига ҳам етади. Мана шу ҳадиси шариф руҳидан келиб чиқиб халқимиз, бир майиз қирқ кишига ҳам етади, деган улкан ҳикматни айтган. Бу ҳадиси шарифни «Жамоат таоми ва зиёфат ҳақида»ги фаслда биринчи рақамла келтиришдан мақсад ҳам шу. Мусулмонлар одамгарчиликни қорин қайғусидан, моддий манфаатдан доимо устун қўйиб келганлар. Уларнинг ғоялари бўйича таомнинг ҳузури ўткинчи нарса, одамгарчилик эса, бандалар орасида боқий қолувчи ва бандаларни Роббилари ҳузурида мукофотларга сазовор қилувчи омилдир.

Манба: Ҳадис ва Ҳаёт 16📚

@HADISLAR_TOPLAMIII📚

#Ҳадис_716📘

#ТОАМЛАНИШ ДУОСИ.

Ибн Аббос розияллоҳу анҳудан ривоят қилинади: «Қачон бирингиз таом еса, «Эй бор Худоё! Буни бизга баракали қилиб бергин. Бизларни бундан яхшиси ила таомлантиргин», десин. Қачон сут ила суғорилса, «Эй бор Худоё! Буни бизга баракали қилиб бергин. Ундан бизга зиёда қилгин», десин. Чунки таом ва шаробдан бирортаси сутчалик кифояли эмас».

✍(Абу Довуд ва Термизий ривоят қилганлар).

📝Шарҳ:

Ушбу сарлавҳа остида келган барча ривоятларда таом еб, шароб ичган банда ўзини ризқлантирган ва сероб қилган Розиқига ҳамду сано,шукрмақтов айтишининг бир неча хил сийғалари келмоқда. Лекин ҳаммасида ҳам, еб-ичган инсон Аллоҳ таолога ҳамд айтиши лозимлиги маъноси бор. Еб-ичгандан кейин ҳамд айтишда Аллоҳ таолонинг ёлғиз Ўзи ризқ берувчи зот эканини эътироф қилиш бор. Шу билан бирга, бу ишда Аллоҳ таолога шукрни доимий янгилаб туриш маъноси ҳам бор. Шукр қилган бандага эса, Аллоҳнинг Ўзи неъматларини зиёда қилиб беришни ваъда қилган. Шу билан бир вақтда, Аллоҳ берган неъматларни ебичиб, улардан баҳраманд бўлиб туриб, у Зотга ҳамд айтмаслик, шукр қилмаслик, ўтакетган нонкўрлик эканини ҳам таъкидлашимиз лозим. Бу бобда келтирилмаган бўлса ҳам, бошқа ҳадиси шарифларда еб-ичиб, ҳамд айтмай туриб кетган одам худди ҳаром таом ёки чўчқанинг гўшти устидан тургандек бўлиши таъкидланган. Шунинг учун еб-ичгандан кейин Аллоҳга ҳамд айтишни ҳеч қачон канда қилмаслик керак. Бизнинг диёрларимизда юқорида ўтган дуолар ичидан «Бизни таомлантирган, сероблантирган ва мусулмонлардан қилган Аллоҳга ҳамд бўлсин» деган дуо кенг тарқалган. Ана ўша дуони ёдлаб олиш қийин эмас. Ҳар биримиз овқатдан кейин Аллоҳ таолога ҳамд айтишни канда қилмаслигимиз, болаларимизга, яқинларимизга ҳам ўргатиб боришимиз лозим.

Манба: Ҳадис ва Ҳаёт 16📚

@HADISLAR_TOPLAMIII📚

❗️❗️❗️  ❕❕

Bismillahir rohmanir rohiym

Erkaklar  va bolalar uchun
Noldan boshlamoqchi bo'lganlar uchun "Harf" guruhiga qabul boshlandi.
Qatnashmoqchi bo'lganlar:
📩 adminga 🔁aloqaga chiqishingiz mumkin.

📌Eslatmalar:
🔴1. Faqat dars qoldirmasdan, vazifalarni vaqtida bajarib topshiradigan kishilar aloqaga chiqsin;

🔴2. Dars faqat erkakalar uchun va mutlaqo bepul;

🔴3. Ayollar yozmang, bolangiz o'qimoqchi bo'lsa o'zi ovozli yozsin.

➡️Qatnashish niyatidagi yaqinlaringizga yuborishni unutmang!
Alloh taolo hammamizga manfaatli ilm bersin.


📖Qur'on Akademiyasi-Qurʼonni biz bilan oʻrganing!

#Ҳадис_717📕

Аллоҳни зикри.

Ибн Aббоснинг айтишларича, Расулуллоҳ соллаллоҳу алайҳи васаллам дедилар:
Aллоҳни зикр қилинг [1] ва У сизни сақлайди [2]; Aллоҳни зикр қилинг, шунда сиз Уни олдингизда топасиз [3]. Фаровонликда Aллоҳни ёдда тутинг, шунда У сизни қийинчиликда танийди.

✍(Aҳмад Термизий Ҳоким , Aбу Яъло Ибн Aбу Осим Табароний "ал-Кабир" ривояти).

📝Шарҳ.

[1] Яъни унинг фармонлари ва тақиқларига нисбатан.

[2] Яъни У сизни бу дунёда қийинчиликлардан, ёмонликлардан ва йўлиқиши мумкин бўлган ҳар қандай жазодан ҳимоя қилади.

[3] Яъни Aллоҳ Таолонинг ҳақларига риоя қилинг, шунда У сизни бу ва кейинги дунё нафратидан сақлайди.

Манба: Туҳфатул аҳвазий 7/219-220📚

@HADISLAR_TOPLAMIII📚

#Ҳадис_719📕

ҲАМР ҲАҚИДА.

Ториқ ал-Жўъфий розияллоҳу анҳудан ривоят қилинади: «У киши Набий соллаллоҳу алайҳи васалламдан «хамр» ҳақида сўраганида, У зот ул кишини у нарсадан қайтардилар ёки ёқтирмадилар. Шунда у: у нарсани тайёрлашини «Мен уни даво учун қиламан», деди. «У даво эмасдир. У дарддир», дедилар».

✍(Муслим, Абу Довуд, Термизий ривоят қилишган).

📝Шарҳ:

Саҳобалардан Ториқ ал-Жўъфий розияллоҳу анҳу хамр тайёрлаш иши билан шуғулланар эканлар. Хамрнинг ҳаром қилингани ҳақида ҳукм собит бўлганидан кейин ҳамма нарса аён бўлди. Хамрга оид ишларни қилиш ҳам ҳаром қилинди. Лекин Ториқ ал-Жўъфий розияллоҳу анҳу яна Пайғамбар соллаллоҳу алайҳи васалламдан хамр тайёрлаб сотиш мумкин ёки мумкин эмаслиги ҳақида сўрадилар. Пайғамбар соллаллоҳу алайҳи васаллам Ториқ ал-Жўъфий розияллоҳу анҳуни хамр тайёрлашдан қайтардилар. Аммо мазкур саҳобий розияллоҳу анҳу хамрни мастлик учун ичишга тайёрламас эканлар, шунинг учун Пайғамбар соллаллоҳу алайҳи васалламга: «Мен уни даво учун қиламан», деди». Демак, Ториқ ал-Жўъфий розияллоҳу анҳунинг саволи дардга даво учун хамр тайёрласа бўладими, деган маънода экан. Худди шу савол ҳозиргача одамлар орасида тез-тез такрорланиб туради. Баъзилар даво учун бир оз хамр истеъмол қилса бўлар экан, деган гапларни айтган ҳоллари ҳам бўлган. Хамр ҳақидаги бу саволнинг ҳақиқий тўғри жавоби эса Пайғамбар соллаллоҳу алайҳи васалламнинг жавобларидир. «У даво эмасдир. У дарддир» Демак, даво учун бир оз хамр истеъмол қилса бўлар экан, деган гап мутлақо асоссиз. Пайғамбар соллаллоҳу алайҳи васалламнинг «хамр» даво эмаслиги ҳақидаги гаплари уни даволаниш мақсадида ҳам истеъмол қилиб бўлмаслигини англатса, «хамр»нинг дард эканини баён қилувчи гаплари илмий мўъжиза бўлиб чиқди. Хамрнинг кўпи ҳам, ози ҳам, маст бўлиш учун ичилгани ҳам, даво учун ичилгани ҳам дарддан иборат эканини илмий тажрибалар собит қилди. Пайғамбар соллаллоҳу алайҳи васалламнинг бошқа бир ҳадиси шарифларида: «Аллоҳ умматимнинг шифосини унинг учун ҳаром бўлган нарсада қилмас», дейилган. Ушбу ҳақиқатни ҳаммамиз яхшилаб англаб олмоғимиз лозим.

Манба : Ҳадис ва Ҳаёт 16📚

@HADISLAR_TOPLAMIII📚

#Ҳадис_722📗



وٓبِهٓذٓا الاءِسنٓادِ عٓنِ النّٓبِيِ صٓلّٓى اللّٓهُ عٓلٓيهِ وٓسٓلّٓمٓ قٓال:
لَو أَنَّ دَلْوًا من غَسَّاقِ جَهنَّمَ يُهَراقُ في الدُّنيا ، لأَنتنَ أَهلَ الدُّنيا


Мана шу иснод билан Набий соллаллоҳу алайҳи вассалламдан ривоят қилинади:
"Агар дўзаҳийларнинг баданидан оқадиган йирингдан бир челаги бу дунёга оқизилса, албатта, дунё аҳлини саситиб юборган бўларди" дедилар.

✍(Абдуллоҳ ибн Муборак Муснадларидан Марфуъ хадис)


@HADISLAR_TOPLAMIII📚