Телеграм канал «- Expressive art .»

أخيرًا اتقابلنا وِش لـ وِش بدون وسيط ، كل حاجة كانت زي ما السما وصفتلي بـ اختلاف بسيط "

إلا إنك كنتِ أجمل من كل وصف ، كنت فاكر انها بداية نهاية جِديدة ، لكن القدر جمعنا من تاني ، ولقيت نفسي أكبر محظوظ في الدنيا عشان شوفت صاحبة أحلى ضحكة وأجمل فستان ، لسه مَلامحك زي ما هي من اول مرة شوفتك فيها ، و السما مقدرتش توصف قد اية انتي جَميلة ، ورغم انه كان جوايا كلام كتير إلا اني فضلت مبتسم و مبسوط و أنا بسمع حواديتك و ناسي الدنيا ب الي فيها ، مَكنتش اتمني الوقت يعدي ، بعد سنين و سنين مُن مُعاندة الحياة ، كِسبت و قدرت اشوفك مرة تانية حَتي لو كَانت الاخيرة🤎"

أخيرًا اتقابلنا وِش لـ وِش بدون وسيط ، كل حاجة كانت زي ما السما وصفتلي بـ اختلاف بسيط "

إلا إنك كنتِ أجمل من كل وصف ، كنت فاكر انها بداية نهاية جِديدة ، لكن القدر جمعنا من تاني ، ولقيت نفسي أكبر محظوظ في الدنيا عشان شوفت صاحبة أحلى ضحكة وأجمل فستان ، لسه مَلامحك زي ما هي من اول مرة شوفتك فيها ، و السما مقدرتش توصف قد اية انتي جَميلة ، ورغم انه كان جوايا كلام كتير إلا اني فضلت مبتسم و مبسوط و أنا بسمع حواديتك و ناسي الدنيا ب الي فيها ، مَكنتش اتمني الوقت يعدي ، بعد سنين و سنين مُن مُعاندة الحياة ، كِسبت و قدرت اشوفك مرة تانية حَتي لو كَانت الاخيرة🤎"

| هو في انسان عَاقل يفضل مَاسك في حاجة هي مَصدر تعاسته و حزنه ؟

بشكل قطعي فـ ايوا ، علي فترات مُتباعد من حياة البني آدم في قصة بيعيش بدايتها بشكل جَميل ك عادة اي بداية و بتكون الحياة مَاشيه لحد فجأة بتلاقي نفسك غَرزت و رجلك مَبقتش قَادرة تشيلك ، احيانا بتبقي عَارف مَصدر تعبك و تعاستك فِين و بدل الخطوة مِشيت الف نَاحيته و انت مَعمي و مش عارف تِبعد عنه و لا حتي تنقذ نفسك و مع الوقت جايز حتي لو بِعدت بتفضل تِحن لايام محدش اتكسر و انهزم فيها غيرك و مشاعره اتدبحت بـ اوسخ شكل ممكن ، إلا انك لسه بتفتكر الوقت دا و عقلك مبطلش يمنعك عن التفكير فيه ، و بيتخلق الحاجز هنا !! .. لما خسرت الشخص بقيت خايف تخسر الحدوتة بتفاصليها عشان لسه شايف نفسك جواها .. عقلك مهيألك انك لو تجاوزتها فـ انت هتبقي خِسرت نفسك ، ودي من اصعب المَشاعر الي بيعدي بيها اي انسان ، لان حالة وصفها شبه مستحيلة.. و التجاوز منها مِش بيبقي بقرار منه ، بيفضل تحت رحمة الوقت و التّعود علي الغياب عشان يبدأ يحس بالتعافي مرة تانية .

?

Just a memory , nothing more 🖤”

• كُل ما تِكبر اختيارتك فِي الحياة بتِكون اقل مُخاطرة و اعلي عَقلانية بِقدر الامكان ، بمعني في سن صُغير دَوافعك وطاقتك بتحكم عَليك التّسرع و الاندفاع تباعاً لانك متحطش في ظرف يخلي عواطفك تتلغي و تقارن كل امورك بالعقل و المَنطق ، فـ علي الارجح اختيارك بيكون غلط ، لانك واخد ريسك لسه عندك طاقة تحاول و تجرب، بس للأسف بتوصل لحارة سد ، و بتنهي الموضوع بـ ادراك واعي منك انك كنت غلط ، دي بتبقي الغلطة الي بتعلم عليك و بتعلمك و بتغير العقلية بتاعتك من الاندفاع و العاطفة الي موازنة كل الامور للشكل الي يناسبك مش الي يرضي مشاعرك ناحيتة ، لكن كُتر التجارب بيستنزف الانسان و بتوصله احيانا انه مَبقاش حاسس بلذة الحاجة .. الإحساس عنده مبيكونش اولوية بل اولويته هنا بتكون مُلائمة الحاجة دي لظروفه و طبيعته و شخصيته ولا لا ، لكن لما بتوصل للنقطة دي بتكون خَسران كتير ، مَشاعرك طاقتك و يمكن نَفسك كمَان ، مُعادلة صعب تتوازن لكن الموضوع عمره ما كان ليه نسبه بالنص دايما في كفة بتغلب التانية "

هَل فِي احساس في الحَياة اصعب من العّجز ؟

بالنّسبالي كُل المَشاعر السلبية الي بنتعرضلها طُول حياتنا لا تُضاهي اللحظة الي الانسان بيحس فيها انه مِش قادر يعمل فيها اي حاجة ( عاجز ) ، الزّمن بيقف في الوقت دا عَشان تُدرك قد اية انت مِتكتف و مكسور ، وظيفة كان نفسها تتوظفها راحت .. بعد ما عَملت كل الي تقدر عليه عشان تِظفر بيها ، اهلك الي أملهم كلهم فيك و خَيبته ، البِنت الي كان نِفسك تكملوا مع بعض و رغم كدا وقفت تتفرج علي كل حاجة وهي بتضيع منك بدون ما تدي اي تعبير او انفعال، سواء بالرضا او بالغضب او حتي بالزعل ، مقاييس كتيرة للاحساس بـ العّجز بنتعرضلها ، و تراكمات العجز عقلك بيحولهالك لجريمة فشل مُكتملة الأركان و من هنا بتبدي سُقوط حُر نَاحية الهَاوية ، بالتبعية هتسأل نَفسك اكتر سُؤال مَنطقي : هَل كُل مُحاولتي مَكنتش كَافية .. ام اني في الوَقت الي حاولت و مَخدتش فيه الي كنت بَتمناه قَررت ارمي كُل حاجة و امشي عشان عارف اني مِش هقدر ؟