Телеграм канал «فريق فطرة»

وأخيرًا.. خلصنا امتحانات وأخدنا الإجازة! 🎉

عارفين إن الإجازة دي فرصة ذهبية مستنية الاستغلال الصح، وعشان كده جهزنا لكم أول دورة لينا في الإجازة.. الدورة اللي بتواجه مشكلة حقيقية بتواجه فئة كبيرة جداً من الشباب، واللي اطلبت مننا كتير الفترة اللي فاتت.

نقدم لكم دورة "نقاء" 🛡️ | خطتك الشاملة للتعافي من الإباحية.

إيه اللي هتقدمهولك دورة نقاء؟
الدورة مش مجرد نصائح عابرة، دي رحلة متكاملة بنقدملك فيها:
مجموعة من المحاضرات العميقة والمنظمة تفكك جوانب المشكلة من جذورها.
لقاءات لايف (مباشرة) تفاعلية مع المتخصصين عشان نناقش كل التحديات بشكل واقعي وعملي ونرد على كل أسئلتكم.

مش هنسيب الإجازة تضيع في الفراغ أو العادات اللي بتسحب طاقتنا، هنبدأ مع بعض صفحة جديدة ونسترد نقاء قلوبنا وعقولنا بمساعدة نخبة من المتخصصين:
🔹 د. أحمد العوضي
🔹 د. أحمد سعد
🔹 ش. إبراهيم المغازي

الرحلة هتبدأ، والقرار في إيدك أنت دلوقتي عشان تخلي الإجازة دي نقطة تحول حقيقية في حياتك. 💪

📲 طريقة التسجيل ومتابعة التفاصيل:
1️⃣ انضم فورًا لقناتنا على التيليجرام من هنا: 🔗 https://t.me/DWRAT_FITRA
2️⃣ أو امسح الـ QR Code الموجود في الصورة

#فطرة

السلام عليكم ورحمة الله وبركاته 🌿

نعتذر لكم عن تأجيل لقاء الليلة، وذلك لظروف طارئة خارجة عن إرادتنا.

نسأل الله أن يبارك في أوقاتكم، ونعدكم بلقاء نافع وممتع بإذن الله، ونعتذر مرة أخرى عن أي إزعاج قد سببه هذا التأجيل.

جزاكم الله خيرًا، وننتظر لقاءكم غدًا بإذن الله. 🤍

معلومة بديهية: الصلاة أهم من الماتش.

على قد ما هي بديهية، على قد ما هي مش واصلة لناس كتير؛ عرفت ازاي؟ من ناس قدر تصحى لكل الماتشات وتغير نمط حياتها عشانها، ولكن لسه مقصر في الصلوات، وخاصة صلاة الفجر؛ أو يتفرج على ماتش حتى محلي ممكن يضيع بيه صلاة زي المغرب...

مع إن أبسط تفكير إن مفيش ماتش، ولا غير الماتش والله، يستاهل إنك تضيع صلاة عشانه، ده ولا حتى تسيب جماعة المسجد عشانه.

استغل الحماس الي جواك، واربطه بالصلاة، هتلاقي معاني كتير جميلة، قادرة إنها تغير حياتك، بس لو اتغيرت في حالك مع ربنا ومع صلاتك. ❤️
#كأس_العالم
#فطرة

عارفين إن امتحان الكيمياء النهاردة كان تقيل وكسر خاطر كتير منكم، بس هونوا على نفسكم.
وسط الزعل ده، افتكروا إن أعظم "عبادة قلبية" دلوقتي هي الرضا بقضاء الله وحسن الظن بيه.
ربنا العدل شايف سهرك وتعبك ومستحيل يضيعه، ويمكن الصعوبة دي لحكمة وتدبير عشان يوديك للمكان اللي فيه الخير ليك.
اقفل صفحة الكيمياء خالص، متراجعش مع حد، وسلم أمرك لله وركز في اللي جاي عشان تعوض.
ربنا يربط على قلوبكم، ويرضيكم بما قسمه لكم، ويعوضكم في المواد الجاية عوض يليق بكرمه!🤍
#الثانوية_العامة
#فطرة

✨ نعود إليكم من جديد...

بعد فترة من التوقف، نلتقي بكم في أول لقاء من لقاءاتنا الأسبوعية، نسأل الله أن يجعلها بداية مباركة مليئة بالخير والنفع.

عنوان اللقاء: المصيف...

نتحدث عن كيفية قضاء الإجازة بما يرضي الله، وكيفية استثمار أوقات الفراغ فيما ينفع ويقرب إلى الله.

🎙️ مع الشيخ أحمد طاهر

📅 الجمعة ٣ / ٧ / ٢٠٢٦
🕥 الساعة ١٠:٣٠ مساءً

📡 بث مباشر على قناة "فطرة" على تيليجرام.
🔗 رابط القناة في أول تعليق.

في انتظاركم، ولا تنسوا دعوة من تحبون، فالدال على الخير كفاعله.
#فطرة

غدًا لقاء رائع ...

هتحتاج تشغل دماغك شوية. 👀

توقعك... لقاء بكرة عن إيه؟

خلينا نختبر حدسك... 😉

كأس العالم المشجعين دايمًا بيشوفوه فرصة يقفوا مع بلدهم، أو فرصة ينفسوا بيها الضغط الي عليهم في الحياة بمختلف أنواعه، لكن في الحقيقة هو أكبر من كده بكتير...

الإيرادات من المشاهدات وحقوق البث كسرت ال ١١ مليار؛ الفلوس حضرت؟ اللعبة تختلف.

ركز اوي مين الي بيرعى؟ مين الي بيدفع؟ مين الي بيظهر؟ ثانية كده...

ايه كل شركات المراهنات دي؟ كل دول بيسوقوا عشان الناس تشترك عندهم وفلوسهم تتاكل بالباطل؟ كل دي شركات فلوسها من حرام؟ عارف عشان يقدروا يبقوا رعاة في كأس العالم يبقوا بيكسبوا قد ايه؟

تعرف حجم المراهنات في مصر وصل لكام؟ والله كارثة بتحيط بينا من كل ناحية.

يا شباب، المراهنات حرام؛ والله حرام بلا خلاف، وبتضيع عمرك، وبتبوظ تفكيرك، وبتخليك تدور على أي فلوس سريعة مفيهاش تعب، نشوة زائفة ومتعة باطلة.

المال بركة لما يكون حلال؛ خليك فاكر هيبقى نعمة، فقط لو عرفت تجاوب عنه سؤالين: جبته منين وصرفته في ايه؟ قبل ما نُسأل عنه في القبر، وقت ما ينفع الندم ولا غيره... 💔
#فطرة