Телеграм канал «»

"هناك ديون لا تكتب فى الدفاتر ولا تسدد بالمال تسمى ديون المواقف."

في الشدة ما تحتاج كلام.. تحتاج إيد تمسك يدك

:دائماً في زول بحبك وإنت ما عارف
ودائماً في زول بيفرح لمن يشوفك أو يشوف صورتك وإنت ما عارف ودائماً في زول متابع أخبارك من بعيد وإنت ما عارف
ودائماً في زول ممتن ليك عشان موقف جميل وقفتو معاه أو كلمة طيبة قلته ليهو في وقت كان محتاج ليها وغيرت في نفسيتو كتير وإنت ما عارف ودائماً في زول أثرت في حياتو بطريقة من الطرق وإنت ما عارف ودائماً في زول منتظر فرصة عشان يكون قريب منك أو يدخل حياتك وإنت ما عارف
حياتك ما بس الناس القدامك والبتتعامل معاهم هسي وما بس العلاقات الظاهرة ليك في ناس كتار ورا الستار ممكن الأيام تجمع بينكم وتديكم فرصة تتقربوا أكتر ومنهم ناس ممكن تفضل طول عمرك ما عارف مكانتك الكبيرة في قلوبهم

رات الواحد ما بكون عايز حاجة كبيرة من الدنيا،
بس عايز قلبو يرتاح… عايز يوم يعدّي من غير ما يفكر كتير،
عايز ناس ما يضطر معاهم يشرح نفسو كل مرة، ناس يفهموا سكاتو قبل كلامو، ويفرحوا لي فرحتو من غير ما يحسسوهو إنو فرحتو كتيرة عليهم.
الدنيا مرات بتخلينا نتعب من حاجات ما كنا متوقعين نتعب منها، وبتعلمنا إنو ما كل زول بنحبو ح يفضل، وما كل حاجة تمنيناها ح تحصل.
لكن برضو… ربنا بلطفو بجيب لينا حاجات ما طلبناها، وبعوضنا عن حاجات قعدنا نبكي عليها زمن، وبورينا بعد فترة إنو بعض الأبواب الاتقفلت في وشنا كانت حماية لينا، ما خسارة.
عشان كدا مهما الدنيا لخبطتك، ما تستعجل الفرج…
يمكن الحاجة البتفتكرها نهاية، تكون بداية حاجة أحلى بكتير.
بس اصبر…
ربنا لسه ما خلّص الحكاية. 🤍

التفاؤل وقود الروح ،،،، وهي حالة إيجابية تجعل صاحبها يرى الفـرص المتاحة بدلا من الفرص الضائعة وينظر إلى مايملكه بدل أن ينظر إلى ما خسره .

تأجيل الأشياء البسيطة إلى حين «تحسن الحياة» خديعة مستمرة.
اشرب قهوتك التي تحبها، اتصل بمن تشتاق إليه، واخرج للمشي ولو كان يومك عاديًا.
الحياة لا تنتظر أحداً حتى ينتهي من حل كل مشاكله.

اللهم اجعل هذا الصباح صباح خير، لا يضيق لنا فيه صدر، ولا يخيب لنا فيه أمر، واجعل لنا في كل خطوة توفيقًا وأجرًا.

صباح الخير 🌞